ព័ត៌មានអន្ដរជាតិ

សកម្មជនប្រឆាំងថៃថា «ច្បាប់កាស៊ីណូថៃ» នឹងនាំឲ្យមានរដ្ឋប្រហារ

បានផុស

១ year មុន

នៅ

ថ្ងៃអង្គារ ៨ មេសា ២០២៥

ដោយ

អតីមេដឹកនាំក្រុមអាវក្រហម លោក ស៊ីណាវ៉ាត្រា លោក ចតុផន ព្រំផាន់ (Chatuporn Promphan) ប្រកាសប្រមូលផ្តុំក្រុមអ្នកគាំទ្រប្រឆាំងការច្បាប់បង្កើតបនលេងល្បែងស៊ីសង (កាស៊ីណូ) នៅថ្ងៃទី ៨-៩ ខែមេសា ដោយណាត់ឱ្យពួកគេពាក់អាវពណ៌ស ដោយលោកបានព្រមានថា ច្បាប់នោះនឹងនាំឲ្យមានអំពើរដ្ឋប្រហារកើតឡើងនៅក្នុងប្រទេសថៃ។

លោក ចតុផន ព្រំផាន់ (Chatuporn Promphan)។ The Nations

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មជនប្រឆាំងដ៏លេចធ្លោក្នុងសង្គមថៃជាច្រើនទសវត្សរ៍ លោក ចតុផន ព្រំផាន់ បានធ្វើសកម្មភាពយ៉ាងសកម្មប្រឆាំងនឹងច្បាប់បង្កើតបនលេងល្បែងស៊ីសង (កាស៊ីណូ) ដែលគណៈរដ្ឋមន្ត្រីរបស់រដ្ឋាភិបាលដឹកនាំរបស់គណបក្សភឿថៃ ក្រោមការដឹកនាំរបស់ លោកស្រី ផែថងថាន ស៊ីណាវ៉ាត្រា កូនស្រីពៅរបស់លោក ថាក់ស៊ីន បានអនុម័ត្ររួចហើយ និងបានព្យាយាមជំរុញសេចក្តីព្រាងច្បាប់ស្តីពីល្បែងកម្សាន្តគ្រប់ប្រភេទ រួមទាំងកាស៊ីណូឲ្យក្លាយជាច្បាប់ពេញលេញឆ្លងកាត់រដ្ឋសភា។

តាមសារព័ត៌មានថៃ The Nations ការប្រកាសរបស់លោក ចតុផន ព្រំផាន់ ត្រូវបានធ្វើឡើងតាមរយៈការប្រាស្រ័យនៅអំឡុងពេលប្រមូលផ្តុំនៅមុខវិមានរដ្ឋាភិបាលកាលពីថ្ងៃទី៦ខែមេសា ឆ្នាំ២០២៥ ដើម្បីប្រឆាំងសេចក្តីព្រាងច្បាប់ស្តីពីការបង្កើតបនល្បែងស៊ីសងនេះ។

ជាមួយគ្នានេះ លោក ចតុផន ព្រំផាន់ ក៏បានប្រកាសកៀរគរការប្រមូលផ្តុំជាបន្តបន្ទាប់ ពោលគឺនៅថ្ងៃទី៨ ខែមេសាណាត់ប្រមូលផ្តុំតវ៉ានៅមុខវិមានរដ្ឋាភិបាល និងនៅថ្ងៃទី៩ខែមេសា ប្រមូលផ្តុំនៅមុខវិមានរដ្ឋសភា ដោយអំពាវដល់អ្នកប្រមូលផ្តុំតវ៉ាឱ្យពាក់អាវពណ៌សនិងកាន់ដបទឹកសុទ្ធទាំងអស់គ្នា។

លោក ចតុផន ព្រំផាន់ បានបន្តថា ស្ថានការណ៍បច្ចុប្បន្នជិតដល់ពេលកំណត់របស់រដ្ឋាភិបាលហើយ បើទោះបីជារដ្ឋាភិបាលនេះបន្តនៅយូរតទៅទៀតក៏ដោយ ប៉ុន្តែការបង្កើតច្បាប់ស្តីពីបនល្បែងស៊ីសង (កាស៊ីណូ) នឹងធ្វើឱ្យប្រជាជនជាច្រើននាំគ្នាចេញមកធ្វើបាតុកម្មតវ៉ាប្រឆាំងជាក់ជាមិនខាន។

អតីតសកម្មជនដែលធ្លាប់គាំទ្រលោកថាក់ស៊ីន និងបច្ចុប្បន្នបង្ហាញជំហរមិនស្របជាមួយការដឹកនាំរបស់នាយករដ្ឋមន្ត្រី ផែថងថាន ស៊ីណាវ៉ាត្រា ដែលជាកូនស្រីពៅរបស់លោកថាក់ស៊ីន មានជំនឿថា ពេលវេលារបស់រដ្ឋាភិបាលនេះនៅមិនយូរប៉ុន្មានទៀតឡើយ។

តាមការចេញផ្សាយរបស់សារព៍ត៌មានថៃដដែល លោក បានអះអាងថា ថ្មីៗនេះមានបុគ្គលក្នុងជួររដ្ឋាភិបាលបានចេញមកគំរាមបក្សប្រឆាំងថា «កុំហៅយោធាឱ្យធ្វើរដ្ឋប្រហារឱ្យសោះ» ប៉ុន្តែតាមពិតអ្នកដែលហៅយោធាឱ្យធ្វើរដ្ឋប្រហារនោះគឺជារដ្ឋាភិបាលខ្លួនឯងទៅវិញទេ។ ដោយសារការបង្កើតច្បាប់កាស៊ីណូនេះ វានឹងធ្វើឱ្យមានរដ្ឋប្រហារកើតឡើង ហើយនៅទីបញ្ចប់របស់រដ្ឋាភិបាលនេះ នឹងដូចករណីអគារការិយាល័យសវនកម្មរដ្ឋដែលត្រូវបានដួលរលំ បន្ទាប់ពីជួបគ្រោះរញ្ជួយដីថ្មីៗនេះអ៊ីចឹង៕

ដោយ ភ្នាក់ងារ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា