ព័ត៌មានអន្ដរជាតិ
កំហុសឆ្គងមួយចំនួន មនុស្សតែងយល់ច្រឡំពីការចាក់វ៉ាក់សាំង
គ្រប់គ្នាប្រហែលជានៅយល់ច្រឡំចំពោះវ៉ាក់សាំងកូវីដសព្វថ្ងៃនេះ ហើយបង្កជាចម្ងល់ឬសំណួរមិនអស់ចិត្តនិងមិនហ៊ានទៅចាក់ ប្រសិនបើគ្មានភាពច្បាស់លាស់។
ខាងក្រោមនេះជាព័ត៌មានលម្អិតនិងចម្ងល់ពីវ៉ាក់សាំង ដែលគ្នាយើងគួរស្វែងយល់បន្ថែម៖
១ ចាក់វ៉ាក់សាំងកូវីដ១៩ ដូចយកជំងឺចូលមក
លោកស្រី Prathit Kulkarni, M.D ជំនួយការសាស្ត្រាចារ្យផ្នែកជំងឺឆ្លងនៅមហាវិទ្យាល័យវេជ្ជសាស្ត្រ Baylor នៅ Houston រដ្ឋតិចសាស់ពន្យល់ថា“ ” វាមិនអាចទៅរួច ដែលថាជំងឺកូវីដឆ្លងពីវ៉ាក់សាំង ” អាការនៃការចាក់វ៉ាក់សាំងអាចគ្រុនក្ដៅ ឈឺនិងអស់កម្លាំងគឺជារឿងធម្មតានៅក្នុងរយៈពេលពីរបីថ្ងៃដំបូង រោគសញ្ញាទាំងអស់នេះគឺជាសញ្ញាបង្ហាញថាប្រព័ន្ធភាពស៊ាំកំពុងធ្វើការ។ ការក្អកពិបាកដកដង្ហើមនិងបាត់បង់ក្លិនឬរសជាតិមិនមែនជាប្រតិកម្មវ៉ាក់សាំងទូទៅទេ តែវាអាចបង្ហាញពីការឆ្លងជំងឺកូវីដឬការឆ្លងផ្សេងទៀត។
២ វ៉ាក់សាំងធ្វើឲ្យគ្មានកូន
វេជ្ជបណ្ឌិត Kesh និយាយថា ភស្តុតាងគឺស្មើសូន្យដែលថាវ៉ាក់សាំងបណ្ដាលឲ្យគ្មានកូន។ ផ្ទុយទៅវិញវាមានសារៈសំខាន់សម្រាប់ស្ត្រីមានផ្ទៃពោះឬមានផែនការមានផ្ទៃពោះ ដើម្បីជួយឲ្យសុខភាពនិងសុវត្ថិភាពទាំងម្ដាយនិងកូន។
៣ វ៉ាក់សាំងមិនមានសុវត្ថិភាពនិងមិនបានធ្វើតេស្តល្អិតល្អន់
លោកស្រី Kulkarni មានប្រសាសន៍ថា ទោះបីវ៉ាក់សាំងកូវីដត្រូវបានអនុម័តបង្កើតនិងសាកល្បងលឿន តែការធ្វើតេស្តបានប្រើបច្ចេកវិទ្យា mRNA និងបានសិក្សាអស់រយៈពេលជាងមួយទសវត្សរ៍។ ទិន្នន័យទាំងអស់ដែលយើងទទួលបាន គឺឆ្លងកាត់ការសាកល្បងព្យាបាលធំៗដែលមានការចូលរួមពីអ្នកជំងឺរាប់ពាន់នាក់ មុនពេលមានការអនុញ្ញាតពីរដ្ឋបាលចំណីអាហារនិងឱសថ។
៤ មនុស្សដែលទទួលបានវ៉ាក់សាំងមិនបាច់ពាក់ម៉ាសនិងរក្សាគំលាតឡើយ
ទោះបីជាទទួលបានវ៉ាក់សាំង តែមនុស្សនៅតែអាចផ្ទុកនិងចម្លងវីរុសបានដដែល។ ដូច្នេះបន្ទាប់ពីអ្នកបានទទួលវ៉ាក់សាំងរួចហើយ យើងនៅតែត្រូវបន្តពាក់ម៉ាស់និងរក្សាចម្ងាយពីគ្នាជាការល្អ។
៥ អ្នកឆ្លងកូវីដរួចហើយមិនបាច់ចាក់វ៉ាក់សាំងទេ
បើនរណាម្នាក់ទទួលការព្យាបាលដោយផ្អែកទៅលើអង្គបដិប្រាណប្រភេទប្លាស្មាឬ monoclonal ពួកគេត្រូវរង់ចាំ ៩០ ថ្ងៃ ទើបអាចទទួលបានវ៉ាក់សាំង ។ បន្ទាប់ពីរយៈពេល ៩០ ថ្ងៃដែលអ្នកជំងឺជាសះស្បើយពីកូវីដ នឹងត្រូវចាក់វ៉ាក់សាំងដើម្បីការពារពីការលាប់ជំងឺឡើងវិញ។
៦ ចាក់វ៉ាក់សាំងតែមួយដងនឹងការពារកូវីដបានមួយជីវិត
រដ្ឋបាលចំណីអាហារនិងឱសថបាននិយាយថា យើងត្រូវការពេលវេលាយូរជាងនេះដើម្បីឈានទៅរកភាពស៊ាំរបស់ខ្លួន ដែលវីរុសត្រូវផ្លាស់ប្ដូរឬប្រហែលត្រូវចាក់វ៉ាក់សាំងម្ដងហើយម្ដងទៀតស្រដៀងនឹងការចាក់ថ្នាំបង្ការរោគប្រចាំឆ្នាំ។ ប៉ុន្តែដរាបណាអ្នកបានទទួលការចាក់វ៉ាក់សាំង ឱកាសនៃការឆ្លងមេរោគគឺទាប (តិចជាង ៥% ជាមួយវ៉ាក់សាំង mRNA) ។
៧ គួរតែរង់ចាំវ៉ាក់សាំងណាដែលល្អជាងគេទើបចាក់
មិនថាវាជា Pfizer, Moderna និង Johnson & Johnson ឬវ៉ាក់សាំងដែលត្រូវបានអនុម័តថ្មីឡើយ។ វ៉ាក់សាំងទាំងអស់នេះត្រូវបានអនុម័តឲ្យប្រើប្រាស់ជាបន្ទាន់ដោយរដ្ឋបាលចំណីអាហារនិងឱសថ ពីព្រោះវ៉ាក់សាំងនីមួយៗសុទ្ធតែមានមុខងារពិសេសរៀងៗទាំងអស់៕
ប្រែសម្រួល៖ សាង ស្រីល័ក្ខ
ប្រភព៖parents
ចុចអាន៖ក្រោយជាសះស្បើយ អ្នកជំងឺកូវីដ-១៩ ចាំបាច់ត្រូវអនុវត្តរឿង ៦ យ៉ាងនេះ
ចុចអាន៖ការសិក្សា ៖ អ្នកចាក់វ៉ាក់សាំងកូវីដ មិនមានផលប៉ះពាល់ចំពោះការមានកូនឡើយ
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១៥ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ១៦ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ