ព័ត៌មានជាតិ
សម្ដេចតេជោ ហ៊ុន សែន ៖ ថ្ងៃនេះ កម្ពុជាផ្ដល់ជំនួយវ៉ាក់សាំងកូវីដ ១លានដូសទៀតដល់មីយ៉ាន់ម៉ា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ប្រកាសថា នៅថ្ងៃទី ២៦ ខែឧសភា ឆ្នាំ ២០២៣នេះ រាជរដ្ឋាភិបាលកម្ពុជា បានផ្ដល់ជំនួយវ៉ាក់សាំងបង្ការជំងឺកូវីដ-១៩ ចំនួន ១លានដូសបន្ថែមទៀត ដល់ប្រទេសមីយ៉ាន់ម៉ា។
ការប្រកាសរបស់សម្ដេចតេជោ ហ៊ុន សែន បានធ្វើឡើងក្នុងពិធីសំណេះសំណាលជាមួយកម្មករ-និយោជិត នៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ ចំនួន ១៩,០០០នាក់ នាព្រឹកថ្ងៃទី ២៦ ខែឧសភា ឆ្នាំ ២០២៣នេះ។
សម្ដេចតេជោ ហ៊ុន សែន បានថ្លែងថា រាជរដ្ឋាភិបាលកម្ពុជា បានផ្ដល់ជំនួយវ៉ាក់សាំងបង្ការជំងឺកូវីដ-១៩ ដល់ប្រទេស មីយ៉ាន់ម៉ាចំនួន ១លានដូសទៀត ខណៈប្រទេសនេះកំពុងខ្វះខាតវ៉ាក់សាំង ដើម្បីចាក់ជូនប្រជាពលរដ្ឋរបស់ពួកគេ។
សម្ដេចតេជោ ហ៊ុន សែន ថ្លែងបែបនេះថា «ហើយថ្ងៃនេះ ឥឡូវយន្ដហោះកំពុងតែធ្វើដំណើរពីកម្ពុជា ឆ្ពោះទៅកាន់ប្រទេសមីយ៉ាន់ម៉ា យើងផ្ដល់ជំនួយវ៉ាក់សាំង ១លានដូស ជាមួយនឹងឧបករណ៍ដទៃទៀត សម្រាប់បម្រើឲ្យមានការចាក់វ៉ាក់សាំង នៅប្រទេសមីយ៉ាន់ម៉ា ដែលលោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល បាននាំនូវវ៉ាក់សាំងនេះជូនទៅប្រទេសមីយ៉ាន់ម៉ា នៅទីនោះខ្វះវ៉ាក់សាំង ឯយើងសល់វ៉ាក់សាំង ចឹងត្រូវចែករំលែកជូនមិត្តភក្ដិរបស់យើង»។
សូមជម្រាបថា រាជរដ្ឋាភិបាលកម្ពុជា បានផ្ដល់ជំនួយវ៉ាក់សាំងបង្ការជំងឺកូវីដ-១៩ និងបរិក្ខារពេទ្យដល់ប្រទេសមីយ៉ាន់ម៉ាចំនួន ៤លើកមកហើយ បើគិតទាំងលើកនេះ។ ដោយលើកទី ១ នៅថ្ងៃទី ២៦ ខែវិច្ឆិកា ឆ្នាំ ២០២០ ម៉ាសជាង ២លាន និងបរិក្ខារពេទ្យមួយចំនួន, លើកទី ២ ថ្ងៃទី ១៩ ខែសីហា ឆ្នាំ ២០២១ ម៉ាស ៣លាន និងបរិក្ខារពេទ្យមួយចំនួន,ទី ៣ ថ្ងៃទី ៧ ខែមករា ឆ្នាំ ២០២២ ជំនួយជាម៉ាស់ជាង ៣លាន និងគ្រឿងបរិក្ខារមួយចំនួនទៀត និងលើកទី ៤ ថ្ងៃទី ២៦ ខែឧសភា ឆ្នាំ ២០២៣ វ៉ាក់សាំង ១លានដូស និងរួមទាំងស៊ីរ៉ាងសម្រាប់ចាក់វ៉ាក់សាំង ១លានដើម៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង