ព័ត៌មានអន្ដរជាតិ
យោធាមីយ៉ាន់ម៉ា ព្រមានបាញ់បំបែកក្បាលបាតុករ
ទូរទស្សន៍រដ្ឋបានផ្សាយថា យោធារបស់ប្រទេសមីយ៉ាន់ម៉ាបានព្រមានក្រុមអ្នកតវ៉ាថា ពួកគេអាចនឹងត្រូវបាញ់បំបែកក្បាល។
ការព្រមាននេះបានធ្វើឡើង ខណៈក្រុមសកម្មជនប្រឆាំងរដ្ឋប្រហារ បានអំពាវនាវឲ្យមានការបង្ហាញនូវការប្រឆាំងដ៏ធំមួយ នៅក្នុងទិវាកងកម្លាំងប្រដាប់អាវុធរបស់ប្រទេសនេះ នៅថ្ងៃសៅរ៍ទី២៦ខែមីនានេះ។
ដោយសំដៅចំៗទៅលើក្រុមបាតុករ ការចាក់ផ្សាយតាមប៉ុស្តិ៍ទូរទស្សន៍ MRTV បាននិយាយថា “អ្នកគួរតែដឹងថា អ្នកអាចមានគ្រោះថ្នាក់ក្នុងការ ត្រូវគេបាញ់បំបែកក្បាល និងចំពីខាងក្រោយ”។
គួរបញ្ជាក់ថា មនុស្សយ៉ាងតិច៣២០នាក់ ត្រូវបានសម្លាប់នៅក្នុងភាពវឹកវររយៈពេលច្រើនសប្តាហ៍ ចាប់តាំងពីយោធាបានកាន់កាប់អំណាចកាលពីថ្ងៃទី១ខែកុម្ភៈមក។ នេះបើយោងតាមតួលេខកាលពីយប់ថ្ងៃព្រហស្បតិ៍របស់ ក្រុមសកម្មជនជំនួយសម្រាប់ក្រុមអ្នកទោសនយោបាយ (AAPP)។
ទិន្នន័យរបស់ក្រុមនេះបានបង្ហាញថា យ៉ាងហោចណាស់២៥ភាគរយនៃអ្នកដែលត្រូវបានសម្លាប់ គឺបានស្លាប់ដោយសារការបាញ់ចំក្បាល ដែលជាហេតុនាំឲ្យមានការសង្ស័យថា ពួកគេមានចេតនាតម្រង់ឲ្យចំគោលដៅដើម្បីសម្លាប់៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ យោធា មីយ៉ាន់ម៉ា បាញ់ទាំងរថយន្តសង្គ្រោះបន្ទាន់ ទើបមានអ្នកស្លាប់កាន់តែច្រើនឡើងៗ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត