ព័ត៌មានអន្ដរជាតិ
យោធា មីយ៉ាន់ម៉ា បាញ់ទាំងរថយន្តសង្គ្រោះបន្ទាន់ ទើបមានអ្នកស្លាប់កាន់តែច្រើនឡើងៗ
សមាគមជំនួយសម្រាប់អ្នកទោសនយោបាយ (AAPP) ដែលកំពុងតាមដានការស្លាប់ និងការចាប់ខ្លួនបាននិយាយក្នុងការធ្វើបច្ចុប្បន្នភាពកាលពីថ្ងៃព្រហស្បតិ៍ថា ប្រជាជនប្រហែល ៣៤ នាក់ទៀតត្រូវបានសម្លាប់នៅក្នុងប្រទេសមីយ៉ាន់ម៉ាដោយនាំឲ្យចំនួនជនស៊ីវិលស្លាប់នៅក្នុងការបង្ក្រាបរបស់កងកម្លាំងសន្តិសុខទៅលើបាតុកម្មប្រឆាំងរដ្ឋប្រហារកើនដល់ ៣២០ នាក់ ។
AAPP បាននិយាយថា ខ្លួនបានចងក្រងជាឯកសារនូវចំនួនអ្នកស្លាប់បន្ថែមទៀតនៅទូទាំងប្រទេសមីយ៉ាន់ម៉ារួមមានទីក្រុងយ៉ាំងហ្គោនដែលជាទីក្រុងធំបំផុត និងតំបន់ជនជាតិភាគតិចតាមព្រំដែនរបស់ប្រទេស ។
នៅទីក្រុង Mandalay ដែលជាទីក្រុងធំទី ២ របស់ប្រទេសនេះ AAPP បាននិយាយថា ក្មេងអាយុ ១៦ ឆ្នាំម្នាក់បានស្លាប់បន្ទាប់ពីត្រូវគេបាញ់ចំខ្នង ហើយរថយន្តសង្គ្រោះបន្ទាន់មួយចំនួនក៏ត្រូវបានបាញ់ដោយកងកម្លាំងផងដែរ ។ AAPP បាននិយាយថា ចំនួនពិតប្រាកដនៃអ្នកដែលត្រូវបានសម្លាប់ទំនងជាមានច្រើនជាងនេះ ។
របាយការណ៍បាននិយាយថា “ឧក្រិដ្ឋកម្មប្រឆាំងមនុស្សជាតិត្រូវបានប្រព្រឹត្តរាល់ថ្ងៃ ។ វាមិនអាចផ្ទៀងផ្ទាត់ចំនួនពិតប្រាកដក្នុងឧប្បត្តិហេតុនីមួយៗបាននោះទេ” ។
ការបង្ក្រាបរបស់យោធាបានធ្វើឲ្យមានកំហឹង និងជំរុញឲ្យមានការដាក់ទណ្ឌកម្មមួយចំនួនពីបណ្តាប្រទេសលោកខាងលិចរាប់បញ្ចូលទាំងសហរដ្ឋអាមេរិកដែលកាលពីថ្ងៃព្រហស្បតិ៍បានថ្កោលទោសលើឧត្តមសេនីយ៍ចំពោះអំពើហិង្សារបស់ពួកគេ បន្ទាប់ពីក្មេងស្រីអាយុ ៧ ឆ្នាំម្នាក់ត្រូវបានសម្លាប់នៅសប្តាហ៍នេះដែលជាជនរងគ្រោះវ័យក្មេងបំផុតនៃការបង្ក្រាបនេះ ។
អំពើគួរឲ្យស្អប់ខ្ពើម និងឃោរឃៅទាំងនេះប្រឆាំងនឹងកុមារដែលមានអាយុ ៧ ឆ្នាំដែលត្រូវបានបាញ់សម្លាប់នៅក្នុងផ្ទះ ខណៈពេលកំពុងអង្គុយលើភ្លៅឪពុករបស់នាងបង្ហាញពីលក្ខណៈអាក្រក់នៃការវាយប្រហាររបស់យោធាមីយ៉ាន់ម៉ាទៅលើប្រជាជនខ្លួនឯង ។
ទន្ទឹមនោះយោធាបានបដិសេធការប្រើប្រាស់កម្លាំងហួសប្រមាណទាំងនេះ ហើយនិយាយថា សកម្មភាពរបស់ខ្លួនបានបំពេញតាមបទដ្ឋានអន្តរជាតិនៅចំពោះមុខស្ថានការណ៍ដែលខ្លួននិយាយថាជាការគំរាមកំហែងដល់សន្តិសុខជាតិ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»