ព័ត៌មានអន្ដរជាតិ

ព្រឹកមិញសម្លាប់១៦នាក់ចំពេល«ទិវាអបអរកងកម្លាំងប្រដាប់អាវុធ» ខណៈមេយោធាមីយ៉ាន់ម៉ាប្រកាសការពារប្រជាធិបតេយ្យ

បានផុស

៥ years មុន

នៅ

ថ្ងៃសៅរ៍ ២៧ មីនា ២០២១

ដោយ

កម្លាំងសន្តិសុខមីយ៉ាន់ម៉ាបានសម្លាប់អ្នកតវ៉ាយ៉ាងហោចណាស់១៦នាក់នៅព្រឹកថ្ងៃសៅរ៍នេះ ខណៈមេដឹកនាំមេដឹកនាំយោធារបស់ខ្លួនទើបប្រកាសថា នឹងការពារប្រជាពលរដ្ឋ និងគាំទ្រលទ្ធិប្រជាធិបតេយ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sasa អ្នកនាំពាក្យ CRPH បាននិយាយថា ៖«ថ្ងៃនេះជាថ្ងៃដ៏អាម៉ាស់សម្រាប់កម្លាំងប្រដាល់អាវុធ»។

លោកបាននិយាយដោយផ្តល់តួលេខប៉ាន់ស្មានចាប់តាំងពីការតវ៉ាផ្ទុះឡើងប៉ុន្មានសប្តាហ៍កន្លងទៅនេះ ថា ឧត្តមសេនីយ៍យោធាបានកំពុងអបអរសាទរទិវាកងកម្លាំងប្រដាល់អាវុធ បន្ទាប់ពីពួកគេទើបតែសម្លាប់ជនស៊ីវិលថែមទៀតដែលតួលេខអ្នកស្លាប់ជាង៣០០នាក់ហើយ»។

តាមការផ្សាយរបស់ Myanmar Now យ៉ាងហោចណាស់ មនុស្ស៤នាក់ត្រូវបានសម្លាប់នៅពេលកម្លាំងសន្តិសុខបើកការបាញ់ទៅលើហ្វូងអ្នកតវ៉ានៅខាងក្រៅប៉ុស្តិ៍ប៉ូលិសមួយនៅតំបន់ Dala ជាយក្រុងយ៉ាំងហ្គោលនៅព្រឹកថ្ងៃសៅរ៍នេះ។ យ៉ាងហោចណាស់មនុស្ស១០នាក់បានរបួស។

មនុស្ស៣នាក់មានទាំងក្មេងប្រុសម្នាក់ជាសមាជិកក្រុមបាល់ទាត់អាយុក្រុម២១ឆ្នាំក្នុងស្រុកមួយត្រូវបានបាញ់សម្លាប់ក្នុងការតវ៉ាមួយនៅខណ្ឌ Insein។ មនុស្ស៤នាក់ទៀតត្រូវបានសម្លាប់នៅតំបន់ Lashio នៅភាគខាងកើត និង៤នាក់ផ្សេងទៀតត្រូវបានសម្លាប់នៅតំបន់ Bago ជិតទីក្រុងយ៉ាំងហ្គោន។ ម្នាក់ទៀតត្រូវបានសម្លាប់ខាងជើងតំបន់ Hopin។

ប្រទេសមីយ៉ាន់ម៉ាបានធ្លាក់ក្នុងវិបត្តិធ្ងន់ធ្ងរចាប់តាំងពីឧត្តមសេនីយ៍បានបណ្តេញ និងឃុំខ្លួនមេដឹកនាំស៊ីវិលលោកស៊ី អ៊ុងសាន ស៊ូជី កាលពីដើមខែកុម្ភៈ ដែលបណ្តាលឲ្យមានការតវ៉ាទូទាំងប្រទេសជារៀងរាល់ថ្ងៃដើម្បីទាមទារលទ្ធិប្រជាធិបតេយ្យមកវិញ។

នៅពេលកងទព័បានកាន់ទង់ជាតិដើរព្យុះហយាត្រាជាមួយនឹងរថយន្តយោធាដើម្បីអបអរសាទរទិវាកងកម្លាំងប្រដាប់អាវុធ មេដឹកនាំយោធាមីយ៉ាន់ម៉ា លោក Min Aung Hlaing ជាថ្មីបានការពាររដ្ឋប្រហារ និងសន្យារនឹងផ្តល់អំណាច បន្ទាប់ពីរៀបចំការបោះឆ្នោតថ្មី។

ឧត្តមសេនីយ៍បានប្តេជ្ញាគាំទ្រលទ្ធិប្រជាធិបតេយ្យ ប៉ុន្តែស្របពេលជាមួយគ្នានេះ លោកក៏បានគំរាមទៅលើចលនាប្រឆាំងនឹងរដ្ឋប្រហារដែលបានដណ្តើមកាន់កាប់ប្រទេសកាលពីដើមខែកុម្ភៈ។ លោកព្រមានប្រឆាំងនឹងភេរវកម្មដែលអាចបង្កមហន្តរាយដល់ស្ថិរភាព និងសន្តិសុខរបស់រដ្ឋគឺមិនអាចទទួលយកបាន។