ព័ត៌មានអន្ដរជាតិ

ក្រសួងអប់រំថៃ បណ្តេញគ្រូបង្រៀនម្នាក់ចេញពីការងារ ព្រោះពាក់របាំងមុខ ថតវីដេអូអាក្រាតកាយក្នុងសាលារៀន

បានផុស

១ year មុន

នៅ

ថ្ងៃព្រហស្បតិ៍ ២២ ឧសភា ២០២៥

ដោយ

សារព័ត៌មានថៃ Bangkok Post ផ្សាយនៅថ្ងៃទី២២ខែឧសភានេះ បានឲ្យដឹងថា លោកគ្រូបង្រៀនម្នាក់នៅខេត្ត Uthai Thani ប្រទេសថៃ ត្រូវបានបណ្តេញចេញពីការងារ ដោយចោទប្រកាន់ពីបទថតរូបវីដេអូអាក្រាតកាយនិងពាក់របាំងមុខ Batman នៅក្នុងសាលារៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Siripong Angkhasakulkiat អ្នកនាំពាក្យក្រសួងក្រសួងអប់រំថៃ បាននិយាយកាលពីថ្ងៃពុធថា គ្រូបង្រៀននេះដំបូងត្រូវបានឃុំខ្លួន រួចបន្ទាប់មកត្រូវបានបណ្ដេញចេញពីការងារ បន្ទាប់ពីមានការសម្រេចដោយគណៈកម្មការមុខងារគ្រូបង្រៀន និងបុគ្គលិកអប់រំ។

គណៈកម្មការនេះ បានកំណត់ថា ទង្វើរបស់លោកគ្រូម្នាក់នេះធ្វើឲ្យសិស្សភ័យខ្លាចយ៉ាងខ្លាំង។ ជាលទ្ធផល ការិយាល័យគណៈកម្មការអប់រំមូលដ្ឋានបានផ្តល់ប្រាក់បៀវត្សរ៍បន្ថែមដល់គ្រូពីរនាក់ ដែលបានរាយការណ៍ពីអាកប្បកិរិយារបស់គាត់ដើម្បីការការពារសិស្សរបស់ពួកគេ។ ការសម្រេចនេះបានកើតឡើងបន្ទាប់ពីការស៊ើបអង្កេតដោយយុត្តិធម៌ជាងពីរខែមកហើយ។

គ្រូបង្រៀនដែលត្រូវបានគេរាយការណ៍ថាមានអាកប្បកិរិយាចម្លែកនេះបានបង្រៀនមុខវិជ្ជាគណិតវិទ្យា។ លោកបានបង្កើតមាតិការនិងធ្វើការបង្ហោះវីដេអូមិនសមរម្យនៅសាលារបស់ខ្លួនឯង។ វីដេអូឃ្លីបដែលគាត់បង្ហោះ បានបង្ហាញពីបុរសម្នាក់ ពាក់តែរបាំងមុខ ដោយមានច្រវាក់ជុំវិញក និងវត្ថុមួយព្យួរពីលើប្រដាប់ភេទ។ គាត់បានថតវីដេអូខ្លួនគាត់នៅតាមច្រករបៀងសាលា និងតាមចិញ្ចើមផ្លូវ ខណៈធ្វើពុតជានោមដូចសត្វឆ្កែ។ ទោះយ៉ាងណាមិនមានការបញ្ជាក់ថាតើ លោកគ្រូនេះថតវីដេអូបែបនេះដើម្បីល្បីឬក៏ដើម្បីអ្វីនោះទេ៕