ព័ត៌មានអន្ដរជាតិ
លោក ហ្សេលេនស្គី ជំរុញឲ្យណាតូអញ្ជើញអ៊ុយក្រែនចូលរួមកិច្ចប្រជុំកំពូលនាខែមិថុនា
ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានអំពាវនាវឲ្យអង្គការណាតូអញ្ជើញអ៊ុយក្រែនចូលរួមនៅក្នុងកិច្ចប្រជុំកំពូលនាខែមិថុនាខាងមុខ ដោយអះអាងថា អវត្តមានទីក្រុងកៀវ នឹងក្លាយជាសញ្ញានៃជ័យជម្នះសម្រាប់ប្រទេសរុស្ស៊ី។
ថ្លែងនៅក្នុងសន្និសីទសារព័ត៌មានរួមកាលពីថ្ងៃទី២៨ឧសភាជាមួយអធិការបតីអាល្លឺម៉ង់លោក Friedrich Merz នៅទីក្រុងប៊ែរឡាំង លោក ហ្សេលេនស្គី បានសង្កត់ធ្ងន់ថា «បើអ៊ុយក្រែនមិនមានវត្តមាននៅក្នុងកិច្ចប្រជុំកំពូលរបស់អង្គការណាតូ នោះវានឹងក្លាយជាជ័យជម្នះសម្រាប់លោក ពូទីន ប៉ុន្តែមិនមែនត្រឹមតែអ៊ុយក្រែនទេ គឺថែមទាំងណាតូផងដែរ។ ដូច្នេះការសម្រេចចិត្តគឺស្ថិតនៅលើដៃគូរបស់យើង»។
កិច្ចប្រជុំកំពូលរបស់អង្គការណាតូ គ្រោងធ្វើនៅថ្ងៃទី២៤-២៥ខែមិថុនានៅទីក្រុងឡាអេ នៃប្រទេសហ៊ូឡង់។ អគ្គលេខាធិការអង្គការណាតូ លោក Mark Rutte ធ្លាប់បានលើកឡើងកាលពីថ្ងៃទី២១ឧសភាថា កិច្ចប្រជុំកំពូលនេះ នឹងផ្តោតលើការគាំទ្រផ្នែកយោធាសម្រាប់អ៊ុយក្រែន ដើម្បីធានាថា ទីក្រុងកៀវស្ថិតនៅក្នុងទីតាំងដ៏រឹងមាំបំផុតតាមដែលអាចធ្វើទៅបាននៅលើសមរភូមិ ក៏ដូចជាក្នុងការស្វែងរកសន្តិភាពយូរអង្វែង។ យ៉ាងណាមិញ គេនៅតែមិនទាន់ច្បាស់ទេថាតើអ៊ុយក្រែននឹងត្រូវបានអញ្ជើញឲ្យចូលរួមក្នុងកិច្ចប្រជុំកំពូលនេះដែរឬក៏អត់។
សូមបញ្ជាក់ថា អ៊ុយក្រែនបានដាក់បញ្ចូលគោលដៅនៃការចូលរួមជាសមាជិកអង្គការណាតូនៅក្នុងរដ្ឋធម្មនុញ្ញរបស់ខ្លួនកាលពីឆ្នាំ២០១៩ ដោយមិនខ្វល់ពីការព្រមានរបស់រុស្ស៊ី។ អ៊ុយក្រែនបានដាក់ពាក្យសុំចូលជាសមាជិកណាតូក្នុងខែកញ្ញាឆ្នាំ២០២២ ជាងកន្លះឆ្នាំក្រោយការផ្ទុះសង្រ្គាម។
ក្នុងកិច្ចប្រជុំកំពូលឆ្នាំ២០២៤នៅទីក្រុងវ៉ាស៊ីនតោន ណាតូបានចេញសេចក្តីថ្លែងការណ៍រួមមួយ ដោយបញ្ជាក់ថា សមាជិកភាពនាពេលអនាគតរបស់អ៊ុយក្រែនគឺ «មិនអាចកែប្រែបានទេ» ប៉ុន្តែការអញ្ជើញផ្លូវការ និងកាលបរិច្ឆេទមិនទាន់ត្រូវបានកំណត់នៅឡើយទេ។ រុស្ស៊ីបាននិយាយថា ការព្យាយាមចូលជាសមាជិកណាតូរបស់អ៊ុយក្រែននេះហើយគឺជាហេតុផលមួយនៃសង្គ្រាមដែលកំពុងកើតឡើង៕
ដោយ៖ ឈាង
ចុចអាន៖ អាល្លឺម៉ង់ ប្រកាសជួយអ៊ុយក្រែន ផលិតមីស៊ីលរយៈចម្ងាយឆ្ងាយ និងផ្តល់ជំនួយយោធាបន្ថែមទៀត
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ