គណៈកម្មាធិការនារីអន្តរជាតិដើម្បីសន្តិភាព (IWPG) បើកស្តង់ពិព័រណ៍តាមអនឡាញរយៈពេល ២ សប្ដាហ៍

គណៈកម្មាធិការនារីអន្តរជាតិដើម្បីសន្តិភាព (IWPG) ដែលមានលោកស្រី Hyun Sook Yoon ជាប្រធាន និងជាអង្គការក្រៅរដ្ឋាភិបាលមួយដែលស្ថិតក្នុងស្ថានភាពជាមួយក្រុមប្រឹក្សាសេដ្ឋកិច្ច និងសង្គមរបស់អង្គការសហប្រជាជាតិ (UN ECOSOC) បានថ្លែងថា ខ្លួនបានបើកស្តង់ពិព័រណ៍តាមអនឡាញរយៈពេលពីរសប្តាហ៍ចាប់ពីថ្ងៃទី ១៥ ខែមីនាដល់ថ្ងៃទី ២៦ ខែមីនា ក្នុងអំឡុងសម័យប្រជុំលើកទី ៦៥ នៃគណៈកម្មការរបស់អង្គការសហប្រជាជាតិស្តីពីស្ថានភាពស្ត្រី (CSW) ។

ដោយសារតែជំងឺកូវីដ ១៩ សម័យប្រជុំ CSW លើកទី ៦៥ ត្រូវបានរៀបចំឡើងដោយមានព្រឹត្តិការណ៍ជាច្រើនបានប្រារព្ធឡើងជុំវិញប្រធានបទអាទិភាពនៃ “ការចូលរួមពេញលេញ និងប្រកបដោយប្រសិទ្ធភាពនៃគោលនយោបាយរបស់ស្ត្រីក្នុងជីវិតសង្គមក៏ដូចជា ការលុបបំបាត់អំពើហិង្សាដើម្បីទទួលបានសមភាពយេនឌ័រ និងផ្តល់អំណាចដល់ស្ត្រី និងក្មេងស្រី” ។

តាមស្ថានភាពជាក់ស្ដែង ការជជែកគ្នាតាម Chat ត្រូវបានដំណើរការនៅក្នុងស្តង់ពិព័រណ៌ដើម្បីអនុញ្ញាតឲ្យមានការប្រាស្រ័យទាក់ទងជាមួយស្ត្រីទាំងអស់ចំនួន ៣.៨ ពាន់លាននាក់នៅជុំវិញពិភពលោក ។ ការពិភាក្សាលើគោលនយោបាយ និងទិសដៅសម្រាប់ “សន្តិភាពនាពេលអនាគត” អាចត្រូវបានធ្វើឡើង ខណៈមន្ត្រី IWPG បាននិយាយថា “យើងបានអញ្ជើញស្ត្រីចំនួន ៣.៨ ពាន់លាននាក់មកពីជុំវិញពិភពលោកដើម្បីចូលរួមពិព័រណ៍តាមអនឡាញនេះ” ។

តាមរយៈព្រឹត្តិការណ៍នេះ IWPG កំពុងពង្រីកគំនិតផ្តួចផ្តើម “ការផ្សព្វផ្សាយវប្បធម៌សន្តិភាព” ដែលផ្អែកលើមាត្រា ១០ និងមាត្រា ៣៨ នៃច្បាប់សន្តិភាពអន្តរជាតិ (DPCW) ហើយកំពុងបង្កើតភាពជាដៃគូប្រកបដោយភាពស្និទ្ធស្នាលជាមួយអង្គការក្រៅរដ្ឋាភិបាល និងសកម្មជនដែលទាក់ទងនឹងគណៈកម្មការ UN ស្តីពីស្ថានភាពស្ត្រី (CSW) ។ មនុស្សសរុបចំនួន ១,០០០ នាក់បានចូលទស្សនាស្តង់របស់ IWPG ត្រឹមថ្ងៃទី ២០ ។

គណៈកម្មការ UN ស្តីពីស្ថានភាពស្ត្រី (CSW) ដែលជាគណៈកម្មាធិការមានមុខងារក្រោមក្រុមប្រឹក្សាសេដ្ឋកិច្ច និងសង្គម (ECOSOC) ដែលតំណាងមកពីប្រទេសផ្សេងៗ រួមជាមួយអង្គការអន្តរជាតិ និងអង្គការក្រៅរដ្ឋាភិបាលបានជួបគ្នាជារៀងរាល់ឆ្នាំដើម្បីចែករំលែកករណីជោគជ័យសម្រាប់ ការធ្វើឲ្យប្រសើរឡើងនូវស្ថានភាពរបស់ស្ត្រី និងដើម្បីអនុវត្តគោលនយោបាយប្រកបដោយប្រសិទ្ធភាព ។

ព្រឹត្តិការណ៍ CSW រួមជាមួយអង្គការក្រៅរដ្ឋាភិបាល និងស្តង់ពិព័រណ៍នៅឆ្នាំនេះត្រូវបានធ្វើតាមអនឡាញ ខណៈបច្ចុប្បន្ននេះមានស្តង់តាំងពិព័រណ៍ចំនួន ១៨ មកពីក្រុមស្ត្រីផ្សេងៗគ្នារួមទាំង IWPG ផងដែរ ។

សម្រាប់ព័ត៌មានលម្អិតសូមចូលមើលគេហទំព័រ IWPG (https://iwpg.org/e_main/) និងតាមរយៈ link ផ្លូវការ (https://www.instagram.com/arine11_/) ៕

ចុចអាន ៖ គណៈកម្មាធិការនារីអន្តរជាតិដើម្បីសន្តិភាព (IWPG) រៀបចំកិច្ចប្រជុំសាខាអន្តរជាតិប្រចាំឆ្នាំលើកទី ៤ តាមអនឡាញ