អាល្លឺម៉ង់ ជម្លៀសមនុស្ស ២០ ០០០នាក់ជាបន្ទាន់ ពី​​​តំបន់​ដែល​​ប្រទះ​ឃើញគ្រាប់បែក​៣គ្រាប់​សល់ពីសម័យសង្គ្រាមលោកលើកទី២ 

អាជ្ញាធរ​ប្រទេសអាល្លឺម៉ង់ បានជម្លៀសមនុស្សរហូតដល់ទៅ ២០ ០០០នាក់ក្នុងទីក្រុង Cologne បន្ទាប់ពីគ្រាប់បែក​សល់​ពីសម័យសង្គ្រាមលោកលើកទី២ ចំនួន៣គ្រាប់ ត្រូវបានរកឃើញនៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Daily Mail នៅថ្ងៃពុធទី៤ខែមិថុនាឆ្នាំ២០២៥, គ្រាប់បែកទាំងអស់ត្រូវបានរកឃើញក្នុងសង្កាត់ Deutz កណ្តាលក្រុង Cologne។ វាជារបស់អាមេរិក ដោយមួយគ្រាប់មានទម្ងន់៤៥គីឡូក្រាមនិង២គ្រាប់ទៀតមានទម្ងន់៩០គីឡូក្រាម។ 

ដូច្នេះហើយទើបមន្ត្រីជំនាញប្រញាប់ជម្លៀសមនុស្សចេញ និងបិទតំបន់នោះដើម្បីដោះគ្រាប់បែក ព្រោះថា ដោយសារតែទំហំរបស់វា វាអាចបង្កគ្រោះថ្នាក់ក្នុងរង្វង់ ១ ០០០គីឡូម៉ែត្រឯណោះ។

ទោះបីជាយ៉ាងណាក៏ដោយ គេមិនដឹងឡើយថាតើពេលណា ទើបពលរដ្ឋអាចវិលត្រឡប់ទៅផ្ទះសម្បែងនិងចូលធ្វើការនៅក្នុងតំបន់នោះបានវិញ។

សូមជម្រាបថា គ្រាប់បែកយ៉ាងតិច ១.៥លានគ្រាប់ ត្រូវបានទម្លាក់លើទីក្រុងរបស់ប្រទេសអាល្លឺម៉ង់មួយនេះ ក្នុងអំឡុងសង្គ្រាមលោកលើកទី២ ហើយអ្នកជំនាញជឿថា គ្រាប់បែក២០%មិនបានផ្ទុះទេ៕

អត្ថបទ៖ សុខ សុវណ្ណ

ចុចអាន៖ ភ្លើងឆេះមន្ទីរពេទ្យនៅទីក្រុង Hamburg អាល្លឺម៉ង់សម្លាប់អ្នកជំងឺ ៣នាក់ និងបង្ករបួស ៣៤នាក់