ព័ត៌មានអន្ដរជាតិ
ត្រាំ ចុះហត្ថលេខាលើបទបញ្ជាប្រតិបត្តិ ពង្រឹងសមត្ថភាពទប់ទល់នឹងដ្រូន និងទំនើបកម្មការហោះហើរល្បឿនលឿន
ប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិចំនួនបីកាលពីថ្ងៃទី៦ខែមិថុនាឆ្នាំ២០២៥ ក្នុងគោលបំណងពង្រឹងសន្តិសុខជាតិ និងជំរុញបច្ចេកវិទ្យាអាកាសចរណ៍ល្បឿនលឿន។
វិធានការនេះ ផ្តោតលើការពង្រឹងការការពាររបស់សហរដ្ឋអាមេរិកប្រឆាំងនឹងការគំរាមកំហែងដោយយន្តហោះគ្មានមនុស្សបើក(ដ្រូន) និងការលើកកម្ពស់ការអភិវឌ្ឍតាក់ស៊ីអគ្គិសនីលើអាកាស និងយន្តហោះពាណិជ្ជកម្មទំនើបល្បឿនលឿន។ លោក ត្រាំ កំពុងបង្កើតក្រុមការងារសហព័ន្ធ ដើម្បីធានាការគ្រប់គ្រងរបស់អាមេរិកលើផ្ទៃមេឃរបស់ខ្លួន ពង្រឹងការរឹតបន្តឹងលើទីតាំងសំខាន់ៗ និងពង្រីកការប្រើប្រាស់បច្ចេកវិទ្យារបស់រដ្ឋក្នុងការតាមដានដ្រូនដើម្បីផ្តល់ជំនួយសម្រាប់ការអនុវត្តច្បាប់។
លោក ត្រាំ ក៏មានគោលបំណងដោះស្រាយ«ការគំរាមកំហែងកាន់តែខ្លាំងឡើងនៃពួកភេរវករឧក្រិដ្ឋជន និងការប្រើប្រាស់យន្តហោះគ្មានមនុស្សបើកខុសលក្ខណៈរបស់បរទេសនៅក្នុងដែនអាកាសសហរដ្ឋអាមេរិក»។
មេដឹកនាំអាមេរិក បាននិយាយថា «យើងកំពុងធានាព្រំដែនរបស់យើងពីការគំរាមកំហែងផ្នែកសន្តិសុខជាតិ រួមទាំងលើអាកាសជាមួយនឹងព្រឹត្តិការណ៍សាធារណៈទ្រង់ទ្រាយធំ ដូចជា កីឡាអូឡាំពិក និងព្រឹត្តិការណ៍ World Cup ដែលជិតមកដល់»។
សូមបញ្ជាក់ថា បទបញ្ជាប្រតិបត្តិរបស់លោក ត្រាំ មិនបានហាមឃាត់ក្រុមហ៊ុនដ្រូនរបស់ចិនណាមួយឡើយ។ ខុសពីអតីតប្រធានាធិបតី ចូ បៃដិន កាលពីឆ្នាំ២០២៤បានចុះហត្ថលេខាលើច្បាប់ដែលអាចហាមឃាត់ក្រុមហ៊ុន DJI និង Autel Robotics ដែលមានមូលដ្ឋាននៅប្រទេសចិនពីការលក់យន្តហោះគ្មានមនុស្សបើកថ្មីនៅក្នុងទឹកដីអាមេរិក។
DJI ដែលជាក្រុមហ៊ុនផលិតយន្តហោះគ្មានមនុស្សបើកដ៏ធំបំផុតរបស់ពិភពលោក លក់បានជាងពាក់កណ្តាលនៃយន្តហោះគ្មានមនុស្សបើកពាណិជ្ជកម្មទាំងអស់របស់សហរដ្ឋអាមេរិក៕
ដោយ៖ ឈាង
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ