ព័ត៌មានអន្ដរជាតិ
ព្រះមហាក្សត្រថៃផ្តែផ្តាំឲ្យគណៈរដ្ឋមន្ត្រីទើបចូលស្បថបំពេញការងារដោយការទទួលខុសត្រូវ
ព្រះមហាក្សត្រថៃមានរាជបន្ទួលជាសាធារណៈដ៏កម្រក្នុងថ្ងៃស្បថចូលកាន់តំណែងរដ្ឋគណៈរដ្ឋមន្ត្រីថ្មី ក្រោយមានការរុះរើដោយសារវិបត្តិក្នុងសម្ព័ន្ធភាពគណបក្សក្នុងរដ្ឋាភិបាលចម្រុះដឹកនាំដោយគណបក្សភឿថៃ របស់លោកស្រី ផែថងថាន ស៊ីណាវ៉ាត្រ នាយករដ្ឋមន្ត្រីដែលតុលាការធម្មនុញ្ញ ទើបសម្រេចព្យួរតួនាទីកាលពី២ថ្ងៃមុន។
យោងសារព័ត៌មាន The Nation ព្រះមហាក្សត្រថៃព្រះនាម ព្រះចៅ មហា វិជ្ជរ៉ាឡុងកន (Maha Vajiralongkorn) នៅថ្ងៃព្រហស្បតិ៍នេះ បានប្រាប់រដ្ឋមន្ត្រីចំនួនប្រាំរូប និងរដ្ឋមន្ត្រីថ្មីចំនួនប្រាំបួនរូបនៃគណៈរដ្ឋមន្ត្រីទីពីរលោកស្រី ផែថងថាន ស៊ីណាវ៉ាត្រ ឲ្យផ្តល់អាទិភាពដល់ប្រទេសជាតិ និងសន្តិភាព និងសុវត្ថិភាពរបស់ប្រជាជន នៅក្នុងសុន្ទរកថាដែលបានធ្វើឡើងបន្ទាប់ពីពួកគេបានធ្វើសច្ចាប្រណិធាន។
ព្រះចៅ មហា វិជ្ជរ៉ាឡុងកន មានរាជបន្ទួលថា៖«ខ្ញុំសូមកោតសរសើរចំពោះបំណងរបស់អស់លោកអ្នកក្នុងការបំពេញការងារ ដោយដឹងថាប្រទេសជាតិជារឿងសំខាន់បំផុត ហើយប្រជាជនទាំងអស់ចង់បានសន្តិភាព សន្តិសុខ និងសុវត្ថិភាព»។
ក្រោយពីតុលាការធម្មនុញ្ញ បានព្យួរតូនាទីលោកស្រី ផែថងថាន លោក សូរិយា ជុនហ្គ្រុនហ្គ្រីនគីត (Suriya Jungrungruangkit) បានក្លាយជានាយករដ្ឋមន្ត្រីស្តីទី និងបានដឹកនាំរដ្ឋមន្ត្រីទាំង ១៤ រូប ចូលស្បថចូលកាន់តំណែងនៅមុខព្រះភ័ក្រ្ត ព្រះមហាក្សត្រ និងព្រះមហាក្សត្រី បន្ទាប់ពីពួកគេបានជួបជុំគ្នានៅវិមានរដ្ឋាភិបាលមុនម៉ោង ៨ ព្រឹក ដើម្បីរៀបចំ និងថតរូប។
តាមសេចក្តីរាយការណ៍នោះ មហាក្សត្រថៃ បានថ្លែងអំណរគុណចំពោះបំណងរបស់រដ្ឋមន្ត្រីក្នុងការផ្តល់អាទិភាពដល់កិច្ចការប្រទេស។
មហាក្សត្រ មហា វិជ្ជរ៉ាឡុងកន ត្រូវបានស្រង់ចុះផ្សាយ ដូចបានមានបន្ទូលថា៖«អស់លោកដែលបានប្រគល់អំណាចក្នុងការគ្រប់គ្រងប្រទេសជាតិ ដើម្បីបម្រើផលប្រយោជន៍ និងសុខុមាលភាពរបស់ប្រជាពលរដ្ឋ បានដាក់ចេញនូវសេចក្តីសម្រេចចិត្តដ៏ត្រឹមត្រូវក្នុងការបំពេញភារកិច្ចរបស់ខ្លួនឲ្យអស់ពីសមត្ថភាព ហើយដោយប្រកាសសេចក្តីសម្រេចនេះដោយមានការប្តេជ្ញាចិត្តយ៉ាងមុតមាំ។ នោះ អ្នកនឹងមិនត្រឹមតែលើកកម្ពស់សីលធម៌ផ្ទាល់ខ្លួនប៉ុណ្ណោះទេ ប៉ុន្តែថែមទាំងផ្តល់ទំនុកចិត្តដល់សាធារណជនផងដែរ»។
ព្រះអង្គមានរាជបន្ទួលបន្តថា៖«ព្រោះហេតុនោះ ខ្ញុំសូមគាំទ្រ ឯកឧត្តម លោកជំទាវទាំងអស់ និង សូមបួងសួង ឲ្យអ្នកទាំងអស់គ្នាអនុវត្តការទទួលខុសត្រូវ ប្រកបដោយចំណេះដឹង ជំនាញ និង ភាពស្មោះត្រង់ ដោយដឹកនាំប្រទេសសំដៅទៅរកភាពចម្រុងចម្រើន និងស្ថិរភាពជានិច្ច។ សូមឲ្យឯកឧត្តម លោកជំទាវ ទាំងអស់បំពេញតួនាទីឲ្យបានល្អ និងជួបប្រទះតែសុភមង្គល និងជោគជ័យ»។
រ៉ាន់ រើយ
ព្រះមហាក្សត្រថៃផ្តែផ្តាំឲ្យគណៈរដ្ឋមន្ត្រីទើបចូលស្បថបំពេញការងារដោយការទទួលខុសត្រូវ
តបតាមការអំពាវនាវកម្ពុជា ប្រទេសតុងហ្គា សម្រេចចូលរួមជារដ្ឋភាគីទី១៦៦ នៃអនុសញ្ញាហាមប្រើប្រាស់មីន
តក់ស្លុតណាស់! ខ្សែប្រយុទ្ធ Liverpool កីឡាករ Jota បានទទួលមរណភាពក្នុងវ័យ២៨ឆ្នាំ
លៀក លីដា ថា លោកត្រៀមខ្លួនរួចជាស្រេច ក្នុងការផលិតកុនដែលមានគុណភាណផ្គត់ផ្គង់ទីផ្សារក្នុងស្រុក
ឧទ្យានជាតិអង្គរ ទទួលបានស្ថានីយ៍ច្រកទឹកថ្មី ដើម្បីឱ្យពលរដ្ឋច្រកទឹកពិសាដោយខ្លួនឯង កាត់បន្ថយប្លាស្ទិក
ថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
កសិដ្ឋានចិញ្ចឹមសត្វ និងដាំដំណាំចម្រុះក្នុងខេត្តបាត់ដំបងមួយ ងាយស្រួលរក្សាលំនឹងទីផ្សារ
ថៃ ត្រៀមស្នើទៅ Google ឲ្យយកតាមផែនទីរបស់ខ្លួនវិញ ទើបប្រាសាទតាមាន់ធំ ស្ថិតក្នុងដីថៃ
ប្រធានព្រឹទ្ធសភាធុញទ្រាន់នឹងថៃដែលនៅតែទូរស័ព្ទមកសុំចរចាឱ្យបើកព្រំដែន
អង្គការសម្ព័ន្ធមិត្តសត្វព្រៃ បញ្ជាក់ករណីលាឈប់របស់លោកស៊ីថេង ខណៈខ្ទង់ចំណាយលើចំណីសត្វអស់ ១៥០០០ដុល្លារ ក្នុង១ខែ
-
ព័ត៌មានអន្ដរជាតិ៥ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ១ សប្តាហ៍ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម៦ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ជីវិតកម្សាន្ដ១ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ២ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៤ ថ្ងៃ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានអន្ដរជាតិ៨ ម៉ោង agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៥ ថ្ងៃ agoលោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ