វ៉ាក់សាំង Sinovac ដែល កម្ពុជា បើកយុទ្ធនាការចាក់ កំពុងបង្កើនសមត្ថភាពផលិតប្រចាំឆ្នាំទ្វេដង

ក្រុមហ៊ុនជីវឱសថចិន Sinovac បាននិយាយនៅថ្ងៃសុក្រនេះថា ខ្សែផលិតកម្មទី ៣ សម្រាប់វ៉ាក់សាំងការពារជំងឺកូវីដ ១៩ របស់ខ្លួនត្រូវបានដាក់ឲ្យដំណើរការ ហើយកំពុងបង្កើនសមត្ថភាពផលិតប្រចាំឆ្នាំទ្វេដងដល់ទៅ ២ ពាន់លានដូស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងដែលមានឈ្មោះថា CoronaVac របស់ក្រុមហ៊ុនចិន Sinovac គឺជាវ៉ាក់សាំងមួយក្នុងចំណោមវ៉ាក់សាំងក្នុងស្រុកចំនួន ៤ ដែលត្រូវបានផ្តល់ការយល់ព្រមដោយអាជ្ញាធរចិនដែលជួយជំរុញឲ្យប្រើប្រាស់ជាបន្ទាន់ចូលទៅក្នុងទីផ្សារ ។

កាលពីថ្ងៃពុធអ្នកជំនាញមកពីអង្គការសុខភាពពិភពលោក (WHO) បាននិយាយថា ការវិភាគបណ្តោះអាសន្ននៃទិន្នន័យការសាកល្បងព្យាបាលពីវ៉ាក់សាំងចិនចំនួន ២ រួមទាំងវ៉ាក់សាំងរបស់ក្រុមហ៊ុន Sinovac ផងដែរនោះបានបង្ហាញថា វ៉ាក់សាំងទាំងពីរនេះមាន “សុវត្ថិភាព និងប្រសិទ្ធភាពល្អ” ទោះបីជាទិន្នន័យនេះត្រូវការការសិក្សាបន្ថែមក៏ដោយ ។

នៅក្នុងសេចក្តីថ្លែងការណ៍ចុងក្រោយរបស់ខ្លួនក្រុមហ៊ុន Sinovac បាននិយាយថា “វ៉ាក់សាំង CoronaVac ជាង ២០០ លានដូសត្រូវបានបញ្ជូនទៅជាង ២០ ប្រទេស” ។

គួរបញ្ជាក់ថា ក្រុមហ៊ុន Sinovac ស្ថិតក្នុងចំណោមក្រុមហ៊ុនចិនដែលបានបញ្ជូនទិន្នន័យក្នុងពាក្យសុំចុះបញ្ជីប្រើប្រាស់បន្ទាន់របស់អង្គការសុខភាពពិភពលោក (WHO) ដែលបើកទ្វារសម្រាប់ការចូលរួមជាសកលក្នុងគម្រោង COVAX ដែលមានគោលបំណងធានាឲ្យមានសិទ្ធិទទួលបានវ៉ាក់សាំងការពារជំងឺកូវីដ ១៩ ដោយស្មើភាពគ្នា ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ វ៉ាក់សាំងចិន Sinovac ដែលកម្ពុជាទើបទទួលបានមានសុវត្ថិភាពសម្រាប់កុមារអាយុ ៣ ឆ្នាំទៅ ១៧ ឆ្នាំ

ចុចអាន ៖ ដំណឹងល្អ! វ៉ាក់សាំងរបស់ចិនទាំង ២ ដែលកម្ពុជាកំពុងបើកយុទ្ធនាការចាក់ ទីបំផុតត្រូវ WHO ទទួលស្គាល់ប្រសិទ្ធភាព