ព័ត៌មានអន្ដរជាតិ

ខេត្ត Nakhon Phanom របស់ថៃប្រកាសអាសន្ន ខណៈទឹកទន្លេមេគង្គហក់ឡើងដល់កម្រិតគ្រោះថ្នាក់

បានផុស

១២ ខែ មុន

នៅ

ថ្ងៃអាទិត្យ ២៧ កក្កដា ២០២៥

ដោយ

ទឹកទន្លេមេគង្គក្នុងខេត្ត Nakhon Phanom ប្រទេសថៃបានឡើងដល់ ១០,៧០ ម៉ែត្រខ្វះតែ ១,៣ ម៉ែត្រប៉ុណ្ណោះនឹងដល់កម្រិតគ្រោះថ្នាក់ខ្លាំងនៅ ១២ ម៉ែត្រដែលនឹងបង្កការជន់លិចធ្ងន់ធ្ងរ។ នេះបើយោងតាមការចេញផ្សាយរបស់សារព័ត៌មានBangkok Post នៅថ្ងៃទី២៧ខែកក្កដានេះ។

ទឹកទន្លេហក់ឡើងលិចផ្ទះពលរដ្ឋក្បែរទន្លេក្នុងខេត្ត Nakhon Phanom (រូបភាព៖ Bangkok Post)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទឹកទន្លេឡើងលើស១២ម៉ែត្រ ទឹកអាចហូរចូលដល់ទីប្រជុំជនតាមប្រឡាយលូ ដែលធ្វើឱ្យផ្ទះសម្បែង និងអាជីវកម្មប្រឈមនឹងហានិភ័ ។ អាជ្ញាធរថៃកំពុងចាត់វិធានការយ៉ាងឆាប់រហ័ស ដើម្បីបញ្ឈប់ការជន់លិចដែលអាចកើតមានតាមរយៈការប្រើម៉ាស៊ីនបូមទឹក និង បើកបង្ហូរទឹក ខណៈទឹកទន្លេបន្តកើនឡើងពី ២០ ទៅ ៣០សង់ទីម៉ែត្រជារៀងរាល់ថ្ងៃ។

កម្ពស់ទឹកឡើងខ្ពស់បានបានធ្វើឱ្យដៃទន្លេចំនួនពីរគឺNam Oun និង Nam Songkhram ដែលជាប់នឹងទន្លេមេគង្គហូរហៀរ។ ប្រការនេះបានជន់លិចវាលស្រែជាង ២០,០០០រ៉ៃ (ប្រហែល ៣,២០០ ហិកតា) នៅក្នុងស្រុក Sri Songkhram ។

អាជ្ញាធរធារាសាស្ត្រថៃកំពុងធ្វើកាពេញម៉ោងដើម្បីបញ្ចេញទឹកចេញពីទ្វារទឹកធំៗ និងកាត់បន្ថយសម្ពាធទឹកជន់ មុននឹងមានភ្លៀងធ្លាក់ខ្លាំងនៅប៉ុន្មានថ្ងៃខាងមុខ។

គួរបញ្ជាក់ក្នុងរយៈពេលប៉ុន្មានថ្ងៃមកនេះប្រទេសថៃបានជួបនឹងបញ្ហាអាកាសធាតុញឹកញាប់ ដូចជាធ្លាក់ភ្លៀងខ្លាំង ខ្យល់បក់ខ្លាំងនិងទឹកជំនន់ ក្នុងនោះខេត្ត Nan របស់ប្រទេសថៃរងគ្រោះទឹកជំនន់ធ្ងន់ធ្ងរជាងគេ ខណៈក៏នឹងមានការព្យាករថានឹងមានព្យុះថ្មីបកកាត់ប្រទេសថៃផងដែរ៕