ព័ត៌មានអន្ដរជាតិ
២៤ម៉ោងចុងក្រោយ ប្រេស៊ីល មានអ្នកស្លាប់ដោយសារកូវីដជាង ១,២០០នាក់
ក្រសួងសុខាភិបាលបានរាយការណ៍កាលពីថ្ងៃអាទិត្យថា ប្រទេសប្រេស៊ីលបានកត់ត្រាអ្នកស្លាប់ដោយសារជំងឺកូវីដ-១៩ចំនួន ១,២៤០នាក់ទៀត និងមានអ្នកឆ្លងថ្មីចំនួន៣១,៣៥៩ករណី។ តួលេខនេះបានធ្វើឲ្យអ្នកស្លាប់សរុបរបស់ប្រទេសនេះកើនដល់ ៣៣១,៤៣៣នាក់។
ប្រទេសប្រេស៊ីល ដែលបានចុះបញ្ជីការឆ្លងសរុបចំនួន១២,៩៨៤,៩៥៦ករណី បច្ចុប្បន្នគឺជាកន្លែងផ្ទុះការឆ្លងជំងឺកូវីដ-១៩ធំបំផុត ពោលគឺមានការរីករាលដាលខ្លាំងបំផុតលំដាប់ទី២លើពិភពលោក ទាំងការស្លាប់និងករណីឆ្លង បន្ទាប់ពីសហរដ្ឋអាមេរិក។
Sao Paulo ដែលជារដ្ឋមានប្រជាជនច្រើនជាងគេនៅក្នុងប្រទេសនេះ ក៏ទទួលរងការវាយប្រហារធ្ងន់ធ្ងរបំផុតផងដែរ ពោលគឺមានចំនួន២,៥២៧,៤០០ករណីឆ្លង និងមានអ្នកស្លាប់៧៧,០២០នាក់។ បន្ទាប់មកគឺទីក្រុង Rio de Janeiro ដែលមាន ៦៥៨,៤៤០ករណីឆ្លង និងមានអ្នកស្លាប់ចំនួន៣៧,៦៨៧នាក់។
ប្រទេសនៅតំបន់អាមេរិកខាងត្បូងមួយនេះ កំពុងជួបប្រទះរលកថ្មីនៃការឆ្លង ចាប់តាំងពីខែមករាមក ដែលបានបំផ្លាញប្រព័ន្ធសុខាភិបាលរបស់រដ្ឋជាច្រើនក្នុងរយៈពេលប៉ុន្មានសប្តាហ៍ថ្មីៗនេះ។
គិតត្រឹមថ្ងៃសៅរ៍ ប្រទេសប្រេស៊ីលបានចាក់វ៉ាក់សាំងកូវីដដល់ប្រជាជនចំនួន ២៤.៥លាននាក់។ ក្នុងចំណោមពួកគេ មានមនុស្ស១៩.១៨លាននាក់ បានទទួលដូសដំបូងហើយ ៥.៣២លាននាក់បានទទួលដូសទាំងពីរ៕
ប្រែសម្រួលដោយ៖ Vann Vann
ប្រភព៖ Xinhua
ចុចអាន៖ ប្រេស៊ីល បង្ខំចិត្តជីកផ្នូរយកឆ្អឹងខ្មោចចំនួន១,០០០ចេញ ដើម្បីទុកកន្លែងដាក់អ្នកស្លាប់ដោយសារកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ