ព័ត៌មានអន្ដរជាតិ

សាលក្រមសំណុំរឿងចោទ «ថាក់ស៊ីន» កុហកថាមានជំងឺ នឹងត្រូវប្រកាសនៅថ្ងៃទី៩កញ្ញា

បានផុស

១២ ខែ មុន

នៅ

ថ្ងៃពុធ ៣០ កក្កដា ២០២៥

ដោយ

តុលាការកំពូលរបស់ថៃ គ្រោងនឹងចេញសាលក្រមសម្រេចលើជោគវាសនារបស់ លោក ថាក់ស៊ីន ស៊ីណាវ៉ាត្រ អតីតនាយករដ្ឋមន្ត្រីថៃដែលនិរទេសខ្លួន១៥ឆ្នាំ ហើយ ត្រូវរងបណ្តឹងពីបទកុហកតុលាការអំពីការមានជំងឺ ទៅដេកសម្រាកព្យាបាលនៅមន្ទីរពេទ្យប៉ូលិស ដោយការគេសវេសពីការជាប់ពន្ធនាគារក្រោយផ្តន្ទាទោស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការកំពូលទើបដំណើរការសាកសួរសាក្សីបញ្ចប់នៅថ្ងៃទី៣០ខែកក្កដានេះ ហើយបានចេញសេចក្តីប្រកាស ដោយអះអាងថា សាកលក្រមស្ថាពរនឹងចេញនៅថ្ងៃទី៩ខែកញ្ញាខាងមុខនេះ។

ដំណើរការសវនាការសាកសួរសាក្សី លើសំណុំរឿងចោទប្រកាន់លើអតីតនាយករដ្ឋមន្ត្រីថាក់ស៊ីន ស៊ីណាវ៉ាត្រ ក្រោយពីលោកបានព្យាយាមគេចវេសការអនុវត្តទោសជាប់ពន្ធនាគាររយៈពេលមួយឆ្នាំ ដោយលោកបានចំណាយពេលនៅក្នុងមន្ទីរពេទ្យរបស់ប៉ូលិស ជាមួយនឹងសាលក្រមមិនអំណោយផលដែលអាចនឹងបញ្ជូនមេដឹកនាំបក្សកាន់អំណាចទៅពន្ធនាគារវិញក្នុងទេសព្រហ្មទណ្ឌដែលអាចជាប់ពន្ធនាគាររហូតដល់១៥ឆ្នាំ។

លោក ថាក់ស៊ីន ក៏រងការចោទប្រកាន់ពីបទប្រមាថស្តេច ដែលតុលាការបានបញ្ជប់សវនាការលើសាក្សី ហើយ ត្រូវប្រកាសសាលក្រមនៅថ្ងៃទី២២ខែសីហាខាងមុខនេះដែរ។

យោងការផ្សាយរបស់ Straits Times ដោយដកស្រង់តាមមេធាវីរបស់លោកថាក់ស៊ីន Winyat Chatmontree នាយកដ្ឋានព្រហ្មទណ្ឌនៃតុលាការកំពូលសម្រាប់អ្នកកាន់មុខតំណែងនយោបាយនឹងប្រកាសសាលក្រមរបស់ខ្លួននៅម៉ោង ១០ ព្រឹក ថ្ងៃទី ៩ ខែកញ្ញា បន្ទាប់ពីបញ្ចប់ការកាត់ក្តីរយៈពេលមួយសប្តាហ៍ដែលបានបញ្ចប់នៅថ្ងៃទី ៣០ ខែកក្កដា។ ។

ករណីនេះផ្តោតជុំវិញការស្នាក់នៅដ៏ចម្រូងចម្រាសរបស់លោកថាក់ស៊ីននៅក្នុងមន្ទីរពេទ្យប៉ូលីសទីក្រុងបាងកក បន្ទាប់ពីការវិលត្រឡប់របស់គាត់នៅឆ្នាំ ២០២៣ ទៅកាន់ប្រទេសថៃ បន្ទាប់ពីការនិរទេសខ្លួនរយៈពេល ១៥ ឆ្នាំ។

សាក្សីម្នាក់ក្នុងចំណោមសាក្សី ៣នាក់ខាងភាគីចុងចម្លើយ គឺលោក Wissanu Krea-ngam អតីតឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ស្តីទីនៅពេលនោះ បានចូលធ្វើសក្ខីកម្ម។ លោក Wissanu បានថ្លែងថា មុនពេលលោក ថាក់ស៊ីន វិលត្រឡប់មកប្រទេសថៃនៅថ្ងៃទី២២ ខែសីហា ឆ្នាំ២០២៣ លោកបានព្យាករថា លោក ថាក់ស៊ីន ដែលមានអាយុ៧៤ឆ្នាំនៅពេលនោះ អាចនឹងមានបញ្ហាសុខភាព ហើយអាចត្រូវបញ្ជូនទៅមន្ទីរពេទ្យសាធារណៈប្រសិនបើស្ថានភាពធ្ងន់ធ្ងរ។

បន្ទាប់ពីត្រឡប់មកប្រទេសថៃ លោក ថាក់ស៊ីន ត្រូវបានផ្តន្ទាទោសឱ្យជាប់ពន្ធនាគារ៨ឆ្នាំ ពីបទរំលោភអំណាច និងជម្លោះផលប្រយោជន៍អំឡុងពេលកាន់តំណែងជានាយករដ្ឋមន្ត្រីមុនឆ្នាំ២០០៦។ ទោសនេះត្រូវបានកាត់បន្ថយមកនៅត្រឹម១ឆ្នាំ ដោយសារព្រះរាជក្រឹត្យអនុញ្ញាតឱ្យលើកលែងទោស។ ទោះជាយ៉ាងណា បន្ទាប់ពីចូលពន្ធនាគារបណ្តោះអាសន្ននៅទីក្រុងបាងកកបាន ១៣ម៉ោង លោក ថាក់ស៊ីន ត្រូវបានបញ្ជូនទៅមន្ទីរពេទ្យប៉ូលិស និងស្នាក់នៅទីនោះរហូតដល់ត្រូវបានដោះលែងបណ្តោះអាសន្ននៅដើមឆ្នាំ២០២៤៕