ព័ត៌មានអន្ដរជាតិ
ការព្រមានពីរលកយក្សស៊ូណាមិនៅប៉ាស៊ីហ្វិក ត្រូវបានដកចេញវិញហើយ
ការជូនដំណឹងអំពីរលកយក្សស៊ូណាមិដែលប៉ះពាល់ដល់កោះហាវ៉ៃ និងតំបន់ប៉ាស៊ីហ្វិកមួយចំនួនទៀត ត្រូវបានដកចេញ ដែលអនុញ្ញាតឲ្យប្រជាជន និងអ្នកទេសចររាប់លាននាក់ត្រឡប់ទៅផ្ទះសម្បែងរបស់ពួកគេវិញ បន្ទាប់ពីមានការជម្លៀសចេញយ៉ាងធំដែលបង្កឡើងដោយការរញ្ជួយដីកម្រិត៨,៨រ៉ិចទ័រ ពីឧបទ្វីប Kamchatka របស់ប្រទេសរុស្ស៊ី កាលពីព្រឹកថ្ងៃពុធទី៣០ខែកក្កដាឆ្នាំ២០២៥។
មជ្ឈមណ្ឌលព្រមានពីរលកយក្សស៊ូណាមិប៉ាស៊ីហ្វិក ដំបូងបានចេញការជូនដំណឹងសម្រាប់កោះហាវ៉ៃ ឆ្នេរខាងលិចនៃសហរដ្ឋអាមេរិក អាឡាស្កា ជប៉ុន និងបណ្ដាប្រទេសនៃកោះប៉ាស៊ីហ្វិក បន្ទាប់ពីការរញ្ជួយដីដ៏ខ្លាំងក្លាបំផុតគិតចាប់តាំងពីឆ្នាំ១៩៥២។ តំបន់ជាច្រើនរួមទាំងឧបទ្វីប Kamchatka របស់រុស្ស៊ី កោះ Sakhalin និងកោះ Kuril ក៏បានប្រកាសអាសន្នផងដែរ។
នៅរដ្ឋហាវ៉ៃ អាជ្ញាធរបានរាយការណ៍ថា រលកកម្ពស់ឈានដល់ជិត ១,៨ម៉ែត្រនៅក្នុងតំបន់ខ្លះ។ បញ្ជាជម្លៀសមនុស្សត្រូវបានប្រកាសសម្រាប់តំបន់ទំនាប ដែលបណ្ដាលឲ្យកើតមានការកកស្ទះចរាចរណ៍ ការដណ្ដើមទិញទំនិញគ្នាយ៉ាងភ័យស្លន់ស្លោ និងការបិទច្រកកំពង់ផែ។
លោកអភិបាលរដ្ឋហាវ៉ៃ Josh Green បានបញ្ជាក់ថា មិនមានការខូចខាត ឬរងរបួសធ្ងន់ធ្ងរណាមួយ ត្រូវបានរាយការណ៍នោះទេ ទោះបីជាតំបន់ឆ្នេរមួយចំនួនត្រូវបានទឹកជន់លិចក៏ដោយ។
ចំណែកប្រទេសជប៉ុន បានរាយការណ៍ពីរលកកម្ពស់រហូតដល់ ១,៣ម៉ែត្រ ហើយបានចេញសេចក្តីណែនាំអំពីការជម្លៀសបណ្តោះអាសន្ន សម្រាប់ផ្នែកខ្លះនៃឆ្នេរសមុទ្រភាគឦសានរបស់ខ្លួន មុនពេលបន្ទាបកម្រិតប្រកាសអាសន្ន។
នៅប្រទេសរុស្ស៊ី រលកហក់ឡើងរហូតដល់កម្ពស់ ៥ម៉ែត្រ នៅតាមបណ្តោយផ្នែកខ្លះនៃឆ្នេរសមុទ្រ Kamchatka។ យ៉ាងណាមិញ ឥឡូវនេះ អាជ្ញាធរនៅទីនោះបានដកការព្រមានទាំងអស់វិញហើយ។
ហ្វីលីពីន ប៉ូលីណេស៊ីបារាំង និងប្រជុំកោះ Galapagos ក៏បានរាយការណ៍ពីការរំខានកម្រិតទឹកសមុទ្រតិចតួចដែរ ប៉ុន្តែមិនមានការខូចខាតអ្វីគួរឲ្យកត់សម្គាល់នោះឡើយ។
ប្រទេសឈីលី បានបង្កើនការជូនដំណឹងអំពីរលកយក្សស៊ូណាមិរបស់ខ្លួនដល់កម្រិតខ្ពស់បំផុត ប៉ុន្តែបានបន្ទាបមកវិញបន្ទាប់ពីផលប៉ះពាល់តិចតួច៕
ដោយ៖ ឈាង
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ២០ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន