ព័ត៌មានអន្ដរជាតិ

ត្រាំ នឹងចូលរួមកិច្ចប្រជុំអាស៊ានលើកទី៤៧ នៅម៉ាឡេស៊ី

បានផុស

៩ ខែ មុន

នៅ

ថ្ងៃព្រហស្បតិ៍ ៣១ កក្កដា ២០២៥

ដោយ

Chheang

ប្រធានាធិបតីអាមេរិក លោក ដូណាល់ ត្រាំ បានបញ្ជាក់ជាផ្លូវការថា លោកនឹងចូលរួមកិច្ចប្រជុំកំពូលអាស៊ានលើកទី៤៧ ដែលគ្រោងនឹងធ្វើឡើងនៅទីក្រុងគូឡាឡាំពួ នាថ្ងៃទី២៦-២៨ ខែតុលាខាងមុខ។ នេះបើយោងតាមនាយករដ្ឋមន្រ្តីម៉ាឡេស៊ី លោក អាន់វ៉ា អ៊ីប្រាហ៊ីម ដែលបានប្រកាសដំណឹងនេះនៅក្នុងសម័យប្រជុំសភានៅថ្ងៃទី៣១កក្កដា។

លោក អាន់វ៉ា អ៊ីប្រាហ៊ីម (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អាន់វ៉ា ក្នុងអំឡុងពេលនៃបទបង្ហាញផែនការសេដ្ឋកិច្ចលើកទី១៣របស់ម៉ាឡេស៊ី បាននិយាយថា លោក ត្រាំ បានហៅទូរសព្ទមកគាត់នៅព្រឹកថ្ងៃព្រហស្បតិ៍នេះ ហើយបានសម្តែងការកោតសរសើរចំពោះតួនាទីរបស់ម៉ាឡេស៊ី ក្នុងការសម្របសម្រួលបទឈប់បាញ់ នាពេលថ្មីៗ បន្ទាប់ពីមានការប៉ះទង្គិចគ្នានៅតាមព្រំដែនរវាងកម្ពុជា និងថៃ។

ការចូលរួមរបស់លោក ត្រាំ នឹងក្លាយជាវត្តមានលើកដំបូងក្នុងរយៈពេល១០ឆ្នាំកន្លងមកនេះ សម្រាប់ប្រធានាធិបតីសហរដ្ឋអាមេរិកនៅក្នុងកិច្ចប្រជុំអាស៊ានក្នុងទីក្រុងគូឡាឡាំពួ គិតចាប់តាំងពីពេលលោក បារ៉ាក់ អូបាម៉ា បានចូលរួមក្នុងឆ្នាំ២០១៥មកម៉្លេះ។

សូមជម្រាបថា ការចូលរួមរបស់លោក ត្រាំ ត្រូវបានគេមើលឃើញថាជាការផ្សារភ្ជាប់ឡើងវិញនូវទំនាក់ទំនងការទូតជាមួយអាស៊ីអាគ្នេយ៍ ហើយអាចត្រួសត្រាយផ្លូវសម្រាប់ការចូលរួមកាន់តែច្រើនរបស់សហរដ្ឋអាមេរិកនៅក្នុងកិច្ចការសេដ្ឋកិច្ច និងសន្តិសុខក្នុងតំបន់ ជាពិសេសនៅពេលដែលអាស៊ានស្វែងរកដំណោះស្រាយលើការប៉ះទង្គិចពាណិជ្ជកម្ម និងបញ្ហាប្រឈមភូមិសាស្ត្រនយោបាយ៕