ទេសចរអង់គ្លេស បាក់ដៃ ក្នុងជម្លោះជាមួយនារីបម្រើស្រាបៀរ នៅ ប៉ាតាយ៉ា

ទេសចរជនជាតិអង់គ្លេសម្នាក់ត្រូវរបួសបាក់ដៃស្តាំ ក្នុងជម្លោះជាមួយនារីបម្រើស្រាបៀរម្នាក់ ក្នុងហាងមួយនៅទីក្រុងប៉ាតាយ៉ា ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងនៅម៉ោង ៣:៤០នាទីទៀបភ្លឺ ថ្ងៃពុធទី៦ខែសីហាឆ្នាំ២០២៥ ខណៈជម្លោះចាប់ផ្តើមនៅពេលជនជាតិអង់គ្លេស អន់ចិត្តដែលនារីមិនព្រមផឹកស្រាជាមួយ រួចក៏ឈ្លោះប្រកែកគ្នា។

តាមសម្តីនារីបម្រើស្រាបៀរឈ្មោះ Sureerat វ័យ៣៩ឆ្នាំ, ក្នុងពេលតឹងសរសៃរ.កដាក់គ្នានោះ ជនជាតិអង់គ្លេសបានទះកំផ្លៀងនាង ប៉ុន្តែមានអ្នកចូលអន្តរាគមន៍ ក៏រុញទេសចររូបនោះឲ្យដួលច្រត់ដៃ បាក់តែម្តង។

សូមជម្រាបថា ត្រឹមឆមាសទីមួយនៃឆ្នាំ២០២៥នេះ មានឧប្បត្តិហេតុហិង្សាជាច្រើនលើកកើតឡើងចំពោះទេសចរបរទេសក្នុងប្រទេសថៃ ជាពិសេសនៅប៉ាតាយ៉ានិងភូកេត។

អំពើហិង្សាទាំងនោះ រួមមានការវាយដំច្រំធាក់ជាក្រុម ការចាក់ប្រហារ និងការវាយដំម្ចាស់បារ ជាដើម។ ករណីទាំងអស់នេះ គូសបញ្ជាក់ពីហានិភ័យធ្ងន់ធ្ងរ ជាពិសេសនៅពេលទេសចរប៉ះទង្គិចជាមួយម្ចាស់ស្រុក ដែលគ្មានមិត្តភាព មានចរិកកោងកាច និងឈ្លើយច្រឡើសបើស៕

អត្ថបទ៖ សុខ សុវណ្ណ

ចុចអាន៖ Anutin ស្តីឲ្យរដ្ឋាភិបាលថៃ ថា គិតរឿងច្បាប់ល្បែងធំជាងប្រជាជននៅព្រំដែន ដែលកំពុងរងទុក្ខ