ពូទីន ប្រាប់ទីតាំងមួយ ដែលស័ក្តិសមសម្រាប់រៀបចំកិច្ចប្រជុំកំពូលជាមួយ ត្រាំ

ប្រធានាធិបតីរុស្ស៊ី វ្ល៉ាឌីមៀរ ពូទីន បានបង្ហើបពីទីតាំងមួយដែលស័ក្តិសមយកធ្វើជាកន្លែងរៀបចំកិច្ចប្រជុំកំពូលជាមួយមេដឹកនាំសេតវិមាន ដូណល់ ត្រាំ នៅសប្តាហ៍ក្រោយ ហើយនោះគឺជាប្រទេស អារ៉ាប់រួម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់អ្នកសារព័ត៌មានកាលពីថ្ងៃព្រហស្បតិ៍ទី៧ខែសីហាឆ្នាំ២០២៥និងត្រូវបានចុះផ្សាយដោយសារព័ត៌មាន RT, លោកពូទីន និយាយថា៖ «រុស្ស៊ីមានមិត្តច្រើនចាំជួយ ហើយអារ៉ាប់រួមគឺជាទីតាំងដ៏សមរម្យបំផុត ណាមួយយើងមានមិត្តល្អគឺប្រធានាធិបតីអារ៉ាប់រួមនោះតែម្តង»។

ជុំវិញកិច្ចប្រជុំដែលគ្រោងទុកនេះផងដែរ, បើយោងតាមអ្នកចរចាកំពូលរបស់រុស្ស៊ីគឺលោក Kirill Dmitriev, វានឹងក្លាយជាព្រឹត្តិការណ៍ជាប្រវត្តិសាស្រ្ត។

វានឹងក្លាយជាកិច្ចប្រជុំទល់មុខលើកដំបូងរវាងប្រធានាធិបតីកាន់តំណែងរបស់ប្រទេសទាំងពីរ ចាប់តាំងពី ចូ បៃដិន និងពូទីន ជួបគ្នានៅទីក្រុងហ្ស៊ឺណែវ ប្រទេសស្វីស កាលពីខែមិថុនាឆ្នាំ២០២១។

ចាប់តាំងពីចូលកាន់តំណែងក្នុងខែមករាមក លោក ត្រាំ តែងហៅខ្លួនឯងថា «ប្រធានាធិបតីសន្តិភាព» ដោយដាក់សម្ពាធសេដ្ឋកិច្ចនិងយោធា ដើម្បីដោះស្រាយជម្លោះអន្តរជាតិដែលកំពុងផ្ទុះឡើងច្រើនកន្លែង។

ជាពិសេស មេដឹកនាំសេតវិមានរូបនេះ ក៏ជាអ្នកជួយឲ្យសម្រេចបានបទឈប់បាញ់រវាងកម្ពុជានិងថៃផងដែរ ក្រោយពេលថៃ លើកទ័ពចូលឈ្លានពានកម្ពុជា ល្មើសច្បាប់អន្តរជាតិ៕

អត្ថបទ៖ សុខ សុវណ្ណ

ចុចអាន៖ ត្រាំ-ពូទីន អាចជួបប្រជុំទល់មុខគ្នា នៅសប្តាហ៍ក្រោយ