ព័ត៌មានអន្ដរជាតិ
ហ្សេលេនស្គី ប្រាប់ថា រុស្ស៊ីគ្មានចង់បានសន្តិភាពអ្វីទេ មានតែរៀបចំវាយលុកអ៊ុយក្រែនថែមទៀត
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បាននិយាយកាលពីថ្ងៃចន្ទទី១១ខែសីហាឆ្នាំ២០២៥ថា ប្រទេសរុស្ស៊ីកំពុងរៀបចំសម្រាប់ការវាយលុកយោធាថ្មីជាជាងការស្វែងរកសន្តិភាព បន្ទាប់ពីរបាយការណ៍ចារកម្មដែលបង្ហាញពីការត្រៀមឈ្លានពានបន្ថែមទៀតរបស់ទីក្រុងមូស្គូ។
នៅក្នុងសុន្ទរកថានាពេលរាត្រីរបស់គាត់ លោក ហ្សេលេនស្គី បានសង្កត់ធ្ងន់ថា កងកម្លាំងរុស្ស៊ីកំពុងរៀបចំក្រុមឡើងវិញសម្រាប់ការវាយប្រហារបន្ថែមទៀតនៅក្នុងអ៊ុយក្រែន ដោយគ្មានសញ្ញានៃការបន្ធូរបន្ថយដៃទាល់តែសោះ បើទោះបីជាមានកិច្ចប្រជុំកំពូលដែលបានគ្រោងទុករវាងប្រធានាធិបតីរុស្ស៊ី លោក វ៉្លឌីមៀរ ពូទីន និងសមភាគីអាមេរិក លោក ដូណាល់ ត្រាំ នៅរដ្ឋអាឡាស្កា នាថ្ងៃសុក្រសប្ដាហ៍នេះក៏ដោយ។
លោក ហ្សេលេនស្គី បានរៀបរាប់ថា៖ «ពូទីនមិនបានរៀបចំសម្រាប់បទឈប់បាញ់ ឬការបញ្ចប់សង្គ្រាមទេ។ គ្មានការបង្ហាញថារុស្ស៊ីត្រៀមខ្លួនសម្រាប់ការចរចាក្រោយសង្គ្រាមទេ។ បើនរណាម្នាក់កំពុងរៀបចំសម្រាប់សន្តិភាព នេះមិនមែនជាអ្វីដែលត្រូវធ្វើនោះទេ»។
អ្នកនាំពាក្យយោធាអ៊ុយក្រែនសម្រាប់រណសិរ្សភាគខាងត្បូង លោក Vladyslav Voloshyn បានបញ្ជាក់ថា កងទ័ពរុស្ស៊ីកំពុងដាក់ពង្រាយកម្លាំងឡើងវិញនៅក្នុងតំបន់ Zaporizhzhia ដែលទំនងជាសម្រាប់ការវាយលុកជាថ្មី។
លោក ហ្សេលេនស្គី ក៏បានជួបពិភាក្សាជាមួយនាយករដ្ឋមន្រ្តីឥណ្ឌា Narendra Modi និងព្រះអង្គម្ចាស់អារ៉ាប៊ីសាអូឌីត Mohammed bin Salman ដោយជំរុញឲ្យមានសម្ពាធអន្តរជាតិកាន់តែខ្លាំងលើប្រទេសរុស្ស៊ី។ ទាំងឥណ្ឌា និងអារ៉ាប៊ីសាអូឌីត បានរក្សាជំហរអព្យាក្រឹតចំពោះសង្រ្គាម ដោយឥណ្ឌាជាអ្នកទិញប្រេងដ៏សំខាន់របស់រុស្ស៊ី ហើយអារ៉ាប៊ីសាអូឌីតបានដាក់ខ្លួនជាអ្នកសម្រុះសម្រួលដ៏មានសក្តានុពល។
នៅក្នុងកិច្ចពិភាក្សារបស់គាត់ជាមួយលោក Modi លោក ហ្សេលេនស្គី បានអំពាវនាវឲ្យមានការដាក់ទណ្ឌកម្មយ៉ាងតឹងរ៉ឹងលើការនាំចេញថាមពលរបស់រុស្ស៊ី ដើម្បីទប់ស្កាត់ការផ្តល់មូលនិធិសង្រ្គាមរបស់ទីក្រុងមូស្គូ។ លោកបាននិយាយថា «ការកំណត់ប្រាក់ចំណូលពីប្រេងរបស់រុស្ស៊ី គឺជាកត្តាសំខាន់ក្នុងការធ្វើឲ្យសមត្ថភាពរបស់រុស្ស៊ីចុះខ្សោយក្នុងការបន្តសង្រ្គាមនេះ»។
ទន្ទឹមនឹងនេះ លោក ហ្សេលេនស្គី បានព្រមានប្រឆាំងនឹងការផ្តល់សម្បទានដល់ប្រទេសរុស្ស៊ី ដោយបញ្ជាក់ថា ការធ្វើដូច្នោះនឹងមិនបញ្ឈប់ជម្លោះនោះឡើយ។ លោកបាននិយាយនៅលើប្រព័ន្ធផ្សព្វផ្សាយសង្គមថា «រុស្ស៊ីនឹងមិនបញ្ឈប់ការសម្លាប់ទេលុះត្រាតែប្រឈមមុខនឹងសម្ពាធរឹតតែខ្លាំង»៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៦ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ