លោក អាន់វ៉ា អ៊ីប្រាហ៊ីម មានប្រវត្តិតស៊ូខ្លាំងក្នុងនយោបាយរហូតក្លាយជាអ្នកសម្របសម្រួលជម្លោះកម្ពុជានិងថៃ

លោក អាន់វ៉ា អ៊ីប្រាហ៊ីម (Anwar Ibrahim) ពីអតីតបក្សប្រឆាំងទម្រាំក្លាយជានាយករដ្ឋមន្ត្រីម៉ាឡេស៊ី និងបានបង្ហាញពីភាពជាអ្នកដឹកនាំក្នុងតំបន់ដ៏រឹងមាំ ដោយប្រើប្រាស់ជំហររបស់លោកក្នុងការសម្របសម្រួលជម្លោះ និងលើកកម្ពស់សន្តិភាព។ ក្នុងនោះលោកបានដើរតួនាទីយ៉ាងសំខាន់ក្នុងការដោះស្រាយជម្លោះព្រំដែនកម្ពុជា-ថៃនៅឆ្នាំ ២០២៥ នេះដោយធ្វើជាម្ចាស់ផ្ទះនៃកិច្ចពិភាក្សាកម្រិតខ្ពស់ សម្របសម្រួលបទឈប់បាញ់ជាបន្ទាន់ និងស្នើឱ្យមានក្រុមត្រួតពិនិត្យដើម្បីធានាថាភាគីទាំងពីររក្សាកិច្ចព្រមព្រៀង។

ខាងក្រោយមនេះគឺជាប្រវត្តិតស៊ូក្នុងនយោបាយរបស់លោក អាន់វ៉ា អ៊ីប្រាហ៊ីម ពីអតីតអ្នកប្រឆាំងក្លាយជាអ្នកសម្របសម្រួលជម្លោះកម្ពុជានិងថៃ៖

លោក អាន់វ៉ា អ៊ីប្រាហ៊ីម បានចាប់ផ្តើមអាជីពនយោបាយដំបូងរបស់លោកនៅក្នុងគណបក្ស UMNO ដែលកំពុងកាន់អំណាច ហើយបានជោគេជ័យយ៉ាងឆាប់រហ័សក្លាយជាឧបនាយករដ្ឋមន្ត្រីក្នុងទសវត្សរ៍ឆ្នាំ ១១៩០ ។ មនុស្ស​ជា​ច្រើន​គិត​ថា​លោក​នឹង​ស្នង​តំណែង​លោក Mahathir Mohamad ក្លាយជា​មេដឹកនាំ​បន្ទាប់។ ប៉ុន្តែ​នៅ​ឆ្នាំ ១៩៩៨ ក្នុង​ពេល​មាន​វិបត្តិ​ហិរញ្ញវត្ថុ​អាស៊ី លោក​បាន​ធ្លាក់​ចេញ​ភាពជោគជ័យជាមួយ​លោក Mahathir។ លោក អាន់វ៉ា ត្រូវ​បាន​គេ​ដក​ចេញ​ពី​តំណែង ចាប់​ខ្លួន និង​ដាក់​គុក​ក្រោម​បទ​ចោទ​ប្រកាន់​ពី​អំពើ​ពុក​រលួយ និង​ការ​សេពសន្ថវៈ ដែល​មនុស្ស​ជា​ច្រើន​ជឿ​ថាជា​ហេតុផល​នយោបាយ។

ការចាប់ខ្លួនរបស់លោកបានបង្កឱ្យមានចលនាធ្វើកំណែទម្រង់ប្រទេស ដោយមានការអំពាវនាវឱ្យមានយុត្តិធម៌ និងលទ្ធិប្រជាធិបតេយ្យ។ បន្ទាប់ពីត្រូវបានដោះលែងពីពន្ធនាគារក្នុងឆ្នាំ ២០០៤ លោក អាន់វ៉ាបានក្លាយជាមេដឹកនាំគណបក្សប្រឆាំងដ៏សំខាន់របស់ប្រទេស ដោយបានប្រមូលផ្តុំគណបក្សនយោបាយផ្សេងៗគ្នាទៅជាក្រុមចម្រុះដែលប្រកួតប្រជែងយ៉ាងខ្លាំងក្លាទៅលើគណបក្សកាន់អំណាច Barisan Nasional ដែលបានគ្រប់គ្រងប្រទេសម៉ាឡេស៊ីអស់រយៈពេលជាង ៦០ ឆ្នាំ។

ក្នុង​នាម​ជា​មេ​ដឹក​នាំ​បក្ស​ប្រឆាំងម្នាក់ លោក អាន់វ៉ា បាន​ប្រឈម​មុខ​នឹង​បញ្ហា​ផ្លូវ​ច្បាប់​ជា​បន្តបន្ទាប់។ ក្នុងឆ្នាំ ២០០៨ លោក ត្រូវបានចោទប្រកាន់ម្តងទៀតពីបទសេពសន្ថវៈ ដោយបានរួចទោសក្នុងឆ្នាំ ២០១២ ប៉ុន្តែត្រូវបានកាត់ទោសក្នុងឆ្នាំ ២០១៤ ក្នុងសំណុំរឿងដែលត្រូវបានថ្កោលទោសជាអន្តរជាតិ។ បើទោះជាត្រូវជាប់គុកច្រើនដងក៏ដោយ ក៏លោកនៅតែជានិមិត្តរូបនៃបក្សប្រឆាំង ដោយជំរុញឱ្យមានបាតុកម្មនៅតាមដងផ្លូវធំៗ និងជំរុញឱ្យមានកំណែទម្រង់លទ្ធិប្រជាធិបតេយ្យ។

នៅក្នុងឆ្នាំ ២០១៨ សម្ព័ន្ធប្រឆាំងរបស់លោក អាន់វ៉ាបានឈ្នះការបោះឆ្នោតជាប្រវត្តិសាស្ត្រ ដោយបញ្ចប់ការគ្រប់គ្រងជាង ៦០ ឆ្នាំរបស់ លោក Mahathir Mohamad បានក្លាយជានាយករដ្ឋមន្ត្រីម្តងទៀត ហើយបានសន្យាថានឹងប្រគល់អំណាចទៅឱ្យលោក អាន់វ៉ា ។ ទោះយ៉ាងណាក៏ដោយ បញ្ហានយោបាយ និងជម្លោះបានពន្យារពេលផ្ទេរអំណាច។

ទីបំផុត បន្ទាប់ពីការតស៊ូជាច្រើនទស្សវត្សរ៍ក្នុងនាមជាមេដឹកនាំបក្សប្រឆាំង ការជាប់ពន្ធនាគារជាច្រើនឆ្នាំ និងការខិតខំប្រឹងប្រែងយ៉ាងខ្ជាប់ខ្ជួនសម្រាប់កំណែទម្រង់ លោក អាន់វ៉ា បានស្បថចូលកាន់តំណែងជានាយករដ្ឋមន្ត្រីទី ១០ របស់ប្រទេសម៉ាឡេស៊ីក្នុងខែវិច្ឆិកា ឆ្នាំ ២០២២ ដោយបំពេញនូវដំណើរនយោបាយដែលរង់ចាំជាយូរមកហើយ។

ជាការគួរឲ្យកត់សម្គាល់នៅថ្ងៃទី ២៨ ខែកក្កដា ឆ្នាំ ២០២៥ នាយករដ្ឋមន្ត្រីម៉ាឡេស៊ី រូបនេះ បានដើរតួនាទីយ៉ាងសំខាន់ក្នុងការបញ្ចប់ការប៉ះទង្គិចរវាងកម្ពុជា និងថៃជុំវិញជម្លោះព្រំដែន។ ក្នុងនាមជាប្រធានអាស៊ាន លោកបានធ្វើជាម្ចាស់ផ្ទះកិច្ចពិភាក្សាកម្រិតខ្ពស់នៅទីក្រុង Putrajaya ដែលនាំឱ្យមានបទឈប់បាញ់ភ្លាមៗ ។

លោក អាន់វ៉ា ក៏បានស្នើក្រុមត្រួតពិនិត្យដែលដឹកនាំដោយម៉ាឡេស៊ី ដើម្បីធានាថាភាគីទាំងពីរប្រកាន់ខ្ជាប់នូវបទឈប់បាញ់ និងបានលើកទឹកចិត្តឱ្យបន្តការសន្ទនាតាមរយៈគណៈកម្មាធិការព្រំដែនទូទៅ ដើម្បីទប់ស្កាត់ការប៉ះទង្គិចគ្នានាពេលអនាគត។ អន្តរាគមន៍របស់លោក បានបង្ហាញពីតួនាទីរបស់ម៉ាឡេស៊ីជាអ្នកសម្របសម្រួលអព្យាក្រឹត និងបង្ហាញពីសមត្ថភាពរបស់អាស៊ានក្នុងការដោះស្រាយជម្លោះក្នុងតំបន់ដោយសន្តិវិធី៕

អត្ថបទ៖ ប៊ុន សុភាព