ព័ត៌មានអន្ដរជាតិ

ផែថងថានបង្ហាញខ្លួននៅវិមានរដ្ឋាភិបាលទាំងទឹកមុខញញឹមដើម្បីស្តាប់សាលក្រម

បានផុស

៩ ខែ មុន

នៅ

ថ្ងៃសុក្រ ២៩ សីហា ២០២៥

ដោយ

នាយករដ្ឋមន្ត្រីថៃ ផែថងថាន ស៊ីណាវ៉ាត្រ (Paethongtarn Shinawatra) បានធ្វើដំណើរទៅដល់វិមានរដ្ឋាភិបាល (Thai Khu Fah) ជាលើកដំបូងក្រោយអវត្តមានពីការិយាល័យនេះអស់រយៈពេលជិតមួយខែ។ ការបង្ហាញវត្តមាននេះ គឺត្រៀមដឹកនាំគណៈរដ្ឋមន្ត្រីរបស់លោកស្រីដើម្បីស្តាប់សាលក្រមក្នុងសំណុំរឿងរំលោភក្រមរដ្ឋធម្មនុញ្ញ ដោយសារតែការបែកធ្លាយខ្សែអាត់សំឡេងសន្ទនាលក្ខណៈឯកជនជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមវេលាម៉ោង ១២និង៣៥នាទីរសៀល ថ្ងៃសុក្រទី២៩សីហា យោងសារព័ត៌មាន The Standard របស់ថៃ នាយករដ្ឋមន្ត្រី និងជារដ្ឋមន្ត្រីក្រសួងវប្បធម៌ Paethongtarn Shinawatra បានមកដល់អគារវិមានរដ្ឋាភិបាល (Thai Khu Fah) ដើម្បីទស្សនាការផ្សាយបន្តផ្ទាល់នៃការអានសាលក្រមរបស់តុលាការធម្មនុញ្ញនៅក្នុងបន្ទប់សន្និសីទជាន់ទីពីរនៃអគាររដ្ឋាភិបាល។

សេចក្តីរាយការណ៍បានលើកឡើងថា លោកស្រី ផែថងថាន ស៊ីណាវ៉ាត្រ បានស្លៀកសម្លៀកបំពាក់ឈុតខ្មៅ ធ្វើដំណើរក្នុងរថយន្តផ្ទាល់ខ្លួន ពាក់ស្លាកលេខ ព.ស.២៦៧។ លោកស្រី ញញឹម ហើយគ្រវីដៃប្រាប់អ្នកសារព័ត៌មាន មុននឹងដើរចូលទៅក្នុងអគារ Thai Khu Fah ដោយមិនផ្តល់បទសម្ភាសន៍អ្វីឡើយ។ ទន្ទឹមនឹងនោះ វិមានរដ្ឋាភិបាល បានរៀបចំបន្ទប់ពណ៌ស្វាយ ដើម្បីទទួលសមាជិកគណៈរដ្ឋមន្ត្រីដែលបានមកចូលរួមស្តាប់សាលក្រម។

ថ្ងៃនេះ ក្រុមចៅក្រមនៃតុលាការធម្មនុញ្ញនឹងប្រជុំពិភាក្សា បោះឆ្នោត និងអានសាលក្រមក្នុងសំណុំរឿងសមាជិកព្រឹទ្ធសភាចំនួន ៣៦រូប ដែលដាក់ញត្តិឱ្យពិនិត្យឋានៈរដ្ឋមន្ត្រីរបស់ លោកស្រី ផែថងថាន ដោយកំណត់ថាតើបានបញ្ចប់តាមមាត្រា ១៧០ នៃរដ្ឋធម្មនុញ្ញដែរឬទេ៕

រ៉ាន់ រើយ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា