ឯកអគ្គរដ្ឋទូតមីយ៉ាន់ម៉ាប្រចាំនៅចក្រភពអង់គ្លេស ត្រូវបានរារាំងមិនឲ្យចូលស្ថានទូតក្នុងទីក្រុង ឡុងដ៍

ឯកអគ្គរដ្ឋទូតមីយ៉ាន់ម៉ានៅទីក្រុងឡុងដ៍បាននិយាយថា គាត់ត្រូវបានគេរារាំងមិនឲ្យចូលក្នុងស្ថានទូតរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kyaw Zwar Minn បាននិយាយថា បុគ្គលិកត្រូវបានស្នើឲ្យចាកចេញពីអគារដោយអនុព័ន្ធយោធារបស់ប្រទេសមីយ៉ាន់ម៉ា ហើយគាត់ត្រូវបានគេប្រាប់ថា គាត់លែងជាតំណាងរបស់ប្រទេសនេះទៀតហើយ។

សារព័ត៌មានរ៉យទ័របានរាយការណ៍ថា លោក Kyaw Zwar Minn បានចាត់ទុកព្រឹត្តិការណ៍កាលពីថ្ងៃពុធថាជា​ “រដ្ឋប្រហារមួយប្រភេទនៅកណ្តាលទីក្រុងឡុងដ៍”។ លោកបានបន្ថែមថា “រដ្ឋប្រហារប្រភេទនេះនឹងមិនត្រូវកើតឡើងទេ”។

ឯកអគ្គរដ្ឋទូតរូបនេះត្រូវបានគេឃើញ ឈរនៅតាមផ្លូវខាងក្រៅស្ថានទូតមីយ៉ាន់ម៉ាក្នុងតំបន់ Mayfair នៃទីក្រុងឡុងដ៍ ដោយគាត់បាននិយាយទៅកាន់មន្រ្តីមកពីកងកម្លាំងប៉ូលិសក្រុង។

ប៉ូលិស ត្រូវបានគេហៅឲ្យមកបញ្ឈប់បុគ្គលិកពីការចូលទៅក្នុងអាគារ។ ចាប់តាំងពីពេលនោះមក ក្រុមអ្នកតវ៉ាបានប្រមូលផ្តុំគ្នានៅខាងក្រៅស្ថានទូត។

កាលពីខែមីនា លោក Kyaw Zwar Minn បានអំពាវនាវឲ្យមានការដោះលែងលោកស្រីស៊ូជីនិងបានប្រាប់ BBC ថា មីយ៉ាន់ម៉ាបានបែកបាក់គ្នា ហើយអាចប្រឈមនឹងហានិភ័យនៃសង្គ្រាមស៊ីវិល។

លោកបានបញ្ជាក់ថា សុន្ទរកថារបស់លោកមិនមែនជាការក្បត់ប្រទេសទេ។​ លោកមិនកាន់ជើងខាងណាឡើយ លោកឈរនៅកណ្តាល៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អ្នកស្លាប់ជិត៦០០នាក់​ អ្នកវិភាគ​នៅ​អង់គ្លេស​ថា យោធា​មីយ៉ាន់ម៉ា​​កំពុង​​បាត់​បង់​ម្ចាស់ការគ្រប់គ្រង