ព័ត៌មានអន្ដរជាតិ
មេដឹកនាំហុងគ្រី ប្រាប់ថា ប្រទេសអ៊ុយក្រែននឹងត្រូវហែកជា៣ចំណែក
នាយករដ្ឋមន្ត្រីហុងគ្រីលោក Viktor Orban បានប៉ាន់ស្មានថា ប្រទេសអ៊ុយក្រែននឹងបែងចែកជាបីតំបន់នៅពេលដែលសង្រ្គាមជាមួយរុស្ស៊ីបានបញ្ចប់។ នេះបើយោងតាមការចុះផ្សាយកាសែតហុងគ្រី Magyar Nemzet កាលពីថ្ងៃទី៨ខែកញ្ញាឆ្នាំ២០២៥។
លោក Orban បានអះអាងថា ទីបំផុតអ៊ុយក្រែននឹងត្រូវបានហែកចែកទៅជាតំបន់គ្រប់គ្រងដោយរុស្ស៊ី តំបន់ការពារដែលគ្មានយោធា និងតំបន់លោកខាងលិច។
លោកត្រូវបានគេដកស្រង់សម្តីថា «ជោគវាសនារបស់អ៊ុយក្រែនហាក់ដូចជាត្រូវបានចារទុកមុន។ សព្វថ្ងៃនេះនៅអឺរ៉ុបមានការនិយាយអំពីការធានាសន្តិសុខ ប៉ុន្តែការធានាទាំងនេះមានន័យថាការបែងចែកអ៊ុយក្រែន។ លទ្ធផលនឹងក្លាយជាតំបន់រុស្ស៊ី តំបន់គ្មានយោធា និងតំបន់លោកខាងលិច»។
លោកបានបន្ថែមថា ការជជែកពិភាក្សាគ្នានៅអឺរ៉ុបគឺមិនមែនអំពីថាតើរុស្ស៊ីនឹងកាន់កាប់ទឹកដីនោះទេ ប៉ុន្តែ«តើតំបន់ប៉ុន្មានដែលវាគួរបញ្ចូល»។ លោកបានស្នើថា តំបន់គ្មានយោធានៅតែស្ថិតក្នុងការពិភាក្សា។
រដ្ឋាភិបាលរបស់លោក Orban បានប្រកាន់យកនូវវោហាសាស្ត្រអរិភាពកាន់តែខ្លាំងឡើងចំពោះអ៊ុយក្រែន ចាប់តាំងពីការឈ្លានពានពេញលក្ខណៈរបស់រុស្ស៊ីក្នុងឆ្នាំ២០២២ ដែលជារឿយៗមានការប៉ះទង្គិចជាមួយទីក្រុងកៀវ និងសម្ព័ន្ធមិត្តលោកខាងលិច។ ហុងគ្រី បានប្រឆាំងនឹងការដាក់ទណ្ឌកម្មលើទីក្រុងមូស្គូ និងប្រឆាំងនឹងការបញ្ជូនអាវុធទៅឲ្យអ៊ុយក្រែន ដែលធ្វើឲ្យទំនាក់ទំនងនៅក្នុងសហភាពអឺរ៉ុបកាន់តែតានតឹង។
កាលពីខែសីហា របាយការណ៍បានលេចចេញថា ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានស្នើសុំប្រធានាធិបតីអាមេរិក ដូណាល់ ត្រាំ ឲ្យជួយដាក់សម្ពាធលើលោក Orban ដែលកំពុងរារាំងកិច្ចចរចាចូលជាសមាជិកសហភាពអឺរ៉ុបរបស់អ៊ុយក្រែន។
ការអត្ថាធិប្បាយចុងក្រោយបង្អស់របស់លោក Orban នេះ ទំនងជាជំរុញឲ្យមានភាពតានតឹងថ្មីជាមួយទាំងទីក្រុងកៀវ និងសម្ព័ន្ធមិត្តអឺរ៉ុបរបស់អ៊ុយក្រែន។ មេដឹកនាំសហភាពអឺរ៉ុបបានចោទប្រកាន់ហុងគ្រីម្តងហើយម្តងទៀតថាបានធ្វើឲ្យខូចដល់កិច្ចខិតខំប្រឹងប្រែងបញ្ចប់សង្គ្រាមនៅអ៊ុយក្រែន៕
ដោយ៖ ឈាង
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ