ព័ត៌មានអន្ដរជាតិ

បុរសមីយ៉ាន់ម៉ាម្នាក់ត្រូវជាប់គុក៧ឆ្នាំពីបទរិះគន់ផែនការបោះឆ្នោតរបស់របបយោធា

បានផុស

១០ ខែ មុន

នៅ

ថ្ងៃសុក្រ ១២ កញ្ញា ២០២៥

ដោយ

យោងតាមការចេញផ្សាយរបស់ Jurist News នៅថ្ងៃទី១២ខែ កញ្ញា បុរសជនជាតិមីយ៉ាន់ម៉ាម្នាក់ឈ្មោះ Ko Nay Thway ត្រូវបានកាត់ទោសឱ្យជាប់ពន្ធនាគាររយៈពេល ៧ ឆ្នាំពីបទធ្វើការរិះគន់ការបោះឆ្នោតដែលបានគ្រោងទុកនៅចុងឆ្នាំនេះរបស់របបយោធា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nay Thway ដែលជាម្ខាស់គណនីអនឡាញ «Lashio Baegyi» បានចែករំលែកវីដេអូនៃការប្លន់រថយន្ត មួយនិងបានរិះគន់យោធាចំពោះការរៀបចំផែនការបោះឆ្នោតក្នុងខែធ្នូ និងប្រកាសលទ្ធផលក្នុងខែមករា ខណៈដែលមិនបានរក្សាសុវត្ថិភាពជូនប្រជាជន។ លោកក៏បាននិយាយប្រឆាំងនឹងច្បាប់បោះឆ្នោតថ្មីដែលដាក់ឱ្យប្រើកាលពីខែកក្កដាដោយមេដឹកនាំរបបយោធា លោក មីន អ៊ុងឡាំង ដែលដាក់ទណ្ឌកម្មអ្នករិះគន់យ៉ាងឃោរឃៅ ដោយមានទោសជាប់ពន្ធនាគារយូរ ជាប់គុកអស់មួយជីវិត ឬកាត់ទោសប្រហារជីវិតក្នុងករណីធ្ងន់ធ្ងរ។

ក្រុមសិទ្ធិមនុស្ស និងសកម្មជនបានបរិហារច្បាប់នេះថាជាឧបករណ៍ដើម្បីពង្រឹងអំណាចយោធាក្រោមរូបភាពប្រជាធិបតេយ្យ ខណៈការផ្តន្ទាទោសលោកNay Thwayគឺជាមនុស្សទីមួយជាប់ទោស ក្រោមច្បាប់ដ៏ចម្រូងចម្រាសនេះ។

គួរបញ្ជាក់ថាមីយ៉ាន់ម៉ានៅតែស្ថិតក្នុងភាពចលាចលចាប់តាំងពីរដ្ឋប្រហារឆ្នាំ ២០២១ ដោយរដ្ឋាភិបាលលោកខាងលិចបដិសេធមិនទទួលស្គាល់របបយោធា និងក្រុមសិទ្ធិមនុស្សព្រមានអំពីស្ថានភាពមនុស្សធម៌កាន់តែអាក្រក់ទៅៗ៕