ពិភពលោក មើលឃើញកាន់តែច្បាស់អំពីសន្តានអាក្រក់និងទង្វើឃោរឃៅរបស់ថៃ 

បណ្តាសារព័ត៌មានធំលើពិភពលោក ដូចជា Reuters, AP និង Washington Post សុទ្ធតែចុះផ្សាយអំពីភាពឃោរឃៅ របស់កងទ័ពថៃ ធ្វើដាក់ប្រជាជនកម្ពុជា នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីរាយការណ៍នោះ សារព័ត៌មានខាងលើសុទ្ធតែផ្សាយថា ទាហានថៃបានបាញ់គ្រាប់កាំភ្លើងជ័រនិងប្រើឧស្ម័នបង្ហូរទឹកភ្នែកមកលើពលរដ្ឋកម្ពុជា ជាពិសេសព្រះសង្ឃនិងស្រ្តី។ 

ការផ្សព្វផ្សាយទាំងនោះបានបង្ហាញពិភពលោកឲ្យឃើញកាន់តែច្បាស់អំពីសណ្តាននិងភាពព្រៃផ្សៃរបស់ថៃ ដែលប្រព្រឹត្តទង្វើឃោរឃៅលើកម្ពុជា ហើយវាក៏លាតត្រដាងយ៉ាងច្បាស់ផងដែរថា ថៃបានរំលោភបទឈប់បាញ់ ឈ្លានពានទឹកដីកម្ពុជា។

សូមជម្រាបថា កងទ័ពថៃបានប្រើកម្លាំងហួសហេតុលើពលរដ្ឋកម្ពុជា នៅលើដែនអធិបតេយ្យកម្ពុជាកាលពីរសៀលថ្ងៃពុធ បង្ករបួសដល់ជនស៊ីវិលនិងព្រះសង្ឃចំនួន២៨អង្គ-នាក់។

កម្ពុជា បានថ្កោលទោសយ៉ាងដាច់អហង្ការ ចំពោះទង្វើដ៏គឃ្លើនរបស់ថៃ។

ទន្ទឹមនោះ នាយករដ្ឋមន្ត្រីកម្ពុជា សម្តេចបវរធិបតី ហ៊ុន ម៉ាណែត បានអំពាវនាវឲ្យអាស៊ានជំរុញការអនុវត្តប្រកបដោយប្រសិទ្ធភាពនៃកិច្ចព្រមព្រៀងឈប់បាញ់រវាងកម្ពុជា និងថៃ ដើម្បីធានាបាននូវស្ថិរភាពក្នុងតំបន់ជម្លោះព្រំដែន។

សម្តេចក៏ផ្ញើលិខិតទៅកាន់ប្រធានាធិបតីចិន ស៊ី ជីនពីង ប្រធានាធិបតីសហរដ្ឋអាមេរិក ដូណាល់ ត្រាំ និងអង្គការសហប្រជាជាតិផងដែរ៕

អត្ថបទ៖ សុខ សុវណ្ណ

ចុចអាន៖ ស្ថានការណ៍ក្តៅ! ក្រុមផ្តាច់ខ្លួនភាគខាងត្បូងថៃ បំផ្ទុះគ្រាប់បែកក្នុងរថយន្តទ័ពនិងបាញ់សន្ធាប់ខ្លាំងក្លា