ព័ត៌មានអន្ដរជាតិ
UN ព្រមានថា វីរុសប្រហែល ១.៧លាន កំពុងស្ថិតនៅក្នុងធម្មជាតិ ក្នុងនោះមានពាក់កណ្តាលអាចឆ្លងមកមនុស្ស
អ្នកវិទ្យាសាស្ត្ររបស់អង្គការសហប្រជាជាតិបានព្រមានថា នៅក្នុងធម្មជាតិ ទំនងជាមានវីរុសប្រហែល១.៧លានវីរុសដែលមិនត្រូវបានគេរកឃើញ ហើយពាក់កណ្តាលនោះ អាចរាលដាលដល់មនុស្សនិងបង្កជាជំងឺរាតត្បាតថ្មីៗ។
នៅក្នុងរបាយការណ៍របស់ពួកគេ អ្នកជំនាញមួយក្រុមមានគ្នា២២នាក់បាននិយាយថា ប្រសិនបើគ្មានការចាត់វិធានការទេនោះ រោគរាតត្បាតនឹងលេចឡើងកាន់តែញឹកញាប់ រាលដាលកាន់តែលឿន សម្លាប់មនុស្សកាន់តែច្រើននិងបំផ្លាញសេដ្ឋកិច្ចកាន់តែធ្ងន់។
កូវីដ-១៩ ប្រហែលជាជំងឺរាតត្បាតទី៦ចាប់តាំងពីការផ្ទុះឡើងនៃ “ជំងឺផ្តាសាយអេស្ប៉ាញ” នៅក្នុងឆ្នាំ១៩១៨ ដែលបានឆ្លងដល់ មួយភាគបីនៃចំនួនប្រជាជនពិភពលោកនិងសម្លាប់មនុស្សពី២០ទៅ៥០លាននាក់។
ការព្រមាននេះបានធ្វើឡើងបន្ទាប់ពីក្រុមអ្នកជំនាញ ត្រូវបានកោះប្រជុំដោយ វេទិកាគោលនយោបាយវិទ្យាសាស្ត្រអន្តររដ្ឋាភិបាលស្តីពីសេវាជីវៈចម្រុះនិងប្រព័ន្ធអេកូឡូស៊ីរបស់អង្គការសហប្រជាជាតិ ហៅកាត់ IPBES។
របាយការណ៍បានពន្យល់ថា រហូតមកដល់បច្ចុប្បន្ននេះ ជំងឺរាតត្បាតទាំងអស់មានដើមកំណើតពីមេរោគនៅក្នុងសត្វ ប៉ុន្តែការលេចចេញរបស់វាគឺអាស្រ័យលើសកម្មភាពរបស់មនុស្សទាំងស្រុង។
ស្ទើរតែមួយភាគបីនៃជំងឺឆ្លងពីសត្វ គឺបានលេចឡើងព្រោះថា ការបាត់បង់ព្រៃឈើ បានបង្កើនលទ្ធភាពនៃទំនាក់ទំនងកាន់តែជិតស្និទ្ធរវាងមនុស្សយើងនិងសត្វព្រៃ។
ហើយការសិក្សាបានបង្ហាញថា សត្វដែលបាត់បង់ជម្រកបន្ទាប់ពីការបំផ្លិចបំផ្លាញព្រៃឈើដូចជាសត្វប្រចៀវនិងសត្វកណ្តុរ ក៏ងាយនឹងនាំមកនូវជំងឺដែលគួរឲ្យព្រួយបារម្ភផងដែរ។
ក្រុមអ្នកជំនាញបាននិយាយថា ដើម្បីទប់ស្កាត់ការរីករាលដាលនាពេលអនាគត មនុស្សជាតិត្រូវតែកាត់បន្ថយធ្វើសកម្មភាពដែលនាំឲ្យបាត់បង់ជីវៈចម្រុះដូចជា ការកាប់បំផ្លាញព្រៃឈើ ផលិតកម្មសត្វនិងពាណិជ្ជកម្មសត្វព្រៃ៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ការសិក្សាសកល៖ ហាលថ្ងៃអាចកាត់បន្ថយហានិភ័យនៃការស្លាប់ដោយសារកូវីដ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»