រញ្ជួយដីកម្រិត៣.២ រ៉ិចទ័រ វាយប្រហារមីយ៉ាន់ម៉ា ក្បែរព្រំដែនថៃ

យោងតាមការចេញផ្សាយរបស់សារព័ត៌មាន The Nation នៅថ្ងៃទី២៦ ខែកញ្ញា គ្រោះរញ្ជួយដីកម្រិត ៣.២ រ៉ិចទ័របានវាយប្រហារភាគកណ្តាលប្រទេសមីយ៉ាន់ម៉ា ដោយមានចំណុចកណ្តាលស្ថិតនៅចម្ងាយប្រហែល ១៧៨ គីឡូម៉ែត្រភាគពាយព្យស្រុក Mae Sai ក្នុងខេត្ត Chiang Rai ជិតព្រំដែនថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានឧតុនិយមថៃ (TMD) បានរាយការណ៍ថា ការរញ្ជួយដីនេះបានកើតឡើងនៅម៉ោង ៦:០៩ ព្រឹកក្នុងជម្រៅ ១០គីឡូម៉ែត្រ។ មកដល់ពេលេនះមិនទាន់មានការរាយការណ៍ពីអ្នកស្លាប់ របួស និងការខូចខាតនៅក្នុងប្រទេសមីយ៉ាន់ម៉ានៅឡើយ។ ចំពោះស្ថិតនៅក្នុងប្រទេសថៃក៏មិនទាន់ការរញ្ជួយណាមួយត្រូវបានរាយការណ៍ដោយអ្នកស្រុកនោះទេ។

គួររម្លឹកថាកាលពីថ្ងៃទី១២ខែកញ្ញា គ្រោះរញ្ជួយដីកម្រិត ៣.៦រ៉ិចទ័រ ក៏បានវាយប្រហារភាគខាងជើងកោះស៊ូម៉ាត្រា ប្រទេសឥណ្ដូណេស៊ី និងរញ្ជួយដល់ខេត្ត Satun ភាគខាងត្បូងប្រទេសថៃផងដែរ។ ក្រៅពីនេះក៏មានខេត្តផ្សេងៗទៀតរបស់ថៃបានទទួលរងគ្រោះរញ្ជួយកម្រិតស្រាលជាបន្តបន្ទាប់។

បើទោះបីមិន​ទាន់មាន​ការ​ខូច​ខាត​ឬ​របួសធ្ងន់ធ្ងររាយការណ៍​នៅ​ក្នុង​ប្រទេស​ថៃ​ក្នុងគ្រោះរញ្ជួយដីកម្រិតស្រាល ក៏អាជ្ញាធរថៃនៅតែបន្តតាមដានសកម្មភាពរញ្ជួយដី និង ណែនាំឲ្យប្រជាជនមានការប្រុងប្រយ័ត្នខ្ពស់ ខណៈប្រទេសនេះកាន់តែជួបប្រទះគ្រោះមហន្តរាយធម្មជាតិជាពិសេសគ្រោះរញ្ជួយដីញឹកញាប់ជាងមុន៕

អត្ថបទ៖ ប៊ុន សុភាព