សុខភាព
តើការលេបថ្នាំបំបាត់ការឈឺចាប់ បណ្តាលឱ្យខូចតម្រងនោមដែរ ឬទេ?
តម្រងនោម ជាសរីរាង្គដ៏សំខាន់មួយ មានតួនាទីចម្បងក្នុងការបន្សុទ្ធឈាម ច្រោះកាកសំណល់ និងជាតិពុលចេញពីរាងកាយ តាមរយៈទឹកនោម ព្រមទាំងជួយរក្សាតុល្យភាពជាតិទឹក និងសម្ពាធឈាម។ មនុស្សមួយចំនួនបានបំផ្លាញតម្រងនោមដោយមិនដឹងខ្លួន តាមរយៈទម្លាប់ផ្សេងៗគ្នា ក្នុងនោះ ការប្រើប្រាស់ថ្នាំបំបាត់ការឈឺចាប់ប្រភេទ NSAIDs ក្នុងរយៈពេលយូរ ក៏អាចបណ្តាលឱ្យខូចខាត ឬស្លាប់កោសិកាបំពង់តម្រងនោមផងដែរ។
យោងតាមប្រភពពី ផ្នែកតម្រងនោម នៃមន្ទីរពេទ្យមិត្តភាពកម្ពុជា-ចិន ព្រះកុសមៈ ការលេបថ្នាំប្រភេទ NSAIDs (ដូចជា Ibuprofen, Diclofenac, Aspirin) ក្នុងរយៈពេលយូរអាចបណ្តាលឱ្យខូចខាត ឬស្លាប់កោសិកាបំពង់តម្រងនោម (Acute Tubular Necrosis-ATN) តាមរយៈយន្តការពីរគឺ៖
១.កាត់បន្ថយលំហូរឈាម
ថ្នាំនេះធ្វើឱ្យចុះសារធាតុ Prostaglandins ដែលជួយពង្រីកសរសៃឈាម នាំឱ្យតម្រងនោមខ្វះឈាម និងអុកស៊ីដែនទៅចិញ្ចឹមកោសិកា។
២.ការពុលផ្ទាល់
សាធាតុថ្នាំកកកុញច្រើន បំផ្លាញកោសិកាបំពង់តមម្រងនោមដោយផ្ទាល់។ រោគសញ្ញាសំខាន់ៗ មានដូចជា ទឹកនោមថយចុះខុសធម្មតា, ហើមជើង ឬមុខ, អសកម្លាំងខ្លាំង និងចង្អោរក្អួត (សញ្ញានៃការខ្សោយតម្រងនោមស្រួចស្រាវ)។
ផ្នែកតម្រងនោម នៃមន្ទីរពេទ្យមិត្តភាពកម្ពុជា-ចិន ព្រះកុសមៈ បានឱ្យដឹងដែរថា ជំងឺខ្សោយតម្រងនោមស្រួចស្រាវ (Acute Kidney Injury – AKI) គឺជាស្ថានភាពដែលតម្រងនោមបាត់បង់មុខងារចម្រោះកាកសំណល់ពីឈាមភ្លាមៗ ក្នុងរយៈពេលរាប់ម៉ោង ឬរាប់ថ្ងៃ។ ជំងឺខ្សោយតម្រងនោមស្រួចស្រាវ គឺជា អាសន្នវេជ្ជសាស្ត្រ។ ប៉ុន្តែ វាខុសពីជំងឺខ្សោយតម្រងនោមរ៉ាំរ៉ៃ ត្រង់ថាប្រសិនបើអ្នកជំងឺទទួលបានការរករោគវិនិច្ឆ័យ និងការព្យាបាលទាន់ពេលវេលាពីគ្រូពេទ្យជំនាញ នោះមុខងារតម្រងនោមអាចនឹងត្រឡប់មកមានសភាពល្អប្រសើរឡើងវិញពេញលេញ ឬស្ទើរតែពេញលេញ។
ដើម្បីការពារតម្រងនោមរបស់អ្នក គួរងាកមកញ៉ាំទឹកឱ្យបានចន្លោះពី ១.៥ ទៅ ២ លីត្រក្នុងមួយថ្ងៃ (ផ្អែកលើទម្ងន់ និងសកម្មភាពរាងកាយ) កាត់បន្ថយការញ៉ាំប្រៃ និងជៀសវាងការប្រើប្រាស់ថ្នាំផ្តេសផ្តាសដោយគ្មានការពិគ្រោះជាមួយគ្រូពេទ្យ៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត