សុខភាព

ទទួលទានផ្លែឈើរីរាល់ថ្ងៃ ដូចបន្ថែមអាហារបំប៉នសុខភាពដល់រាងកាយជាប្រចាំ

បានផុស

៥ years មុន

នៅ

ថ្ងៃចន្ទ ៣១ ឧសភា ២០២១

ដោយ

ផ្លែឈើតូចនេះសំបូរទៅដោយសារធាតុចិញ្ចឹម និងត្រូវបានគេចាត់ទុកថាជាអាហារដែលមានសុខភាពល្អបំផុត។ សារធាតុ Anthocyanins ដែលជាសមាសធាតុមួយមាននៅក្នុងផ្លែ ឈើរី មានលក្ខណៈប្រឆាំងនឹងការរលាកគួរឲ្យកត់សម្គាល់។

បើប្រៀបធៀបទៅនឹងផ្លែឈើដទៃទៀតផ្លែ ឈើរីមានជាតិស្ករទាប នេះជាមូលហេតុដែលវាក្លាយជាជម្រើសល្អសម្រាប់អ្នកដែលស្ថិតក្នុងរបបសម្រកទម្ងន់ និងអ្នកជំងឺទឹកនោមផ្អែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ឈើរីផ្ទុកទៅដោយសារធាតុប្រឆាំងអុកស៊ីតកម្ម ដែលអាចកាត់បន្ថយហានិភ័យនៃជំងឺរ៉ាំរ៉ៃជាច្រើនហើយក៏ជួយលើកកម្ពស់សុខភាពទូទៅផងដែរ។

២ ការទទួលទានផ្លែឈេរីអាចជួយពន្លឿនការស្ការសាច់ដុំ ធ្វើឲ្យប្រសើរឡើងនូវការលេងកីឡា និងកាត់បន្ថយការឈឺសាច់ដុំតាមដងខ្លួន។ វាត្រូវបានគេជឿផងដែរថាជួយបង្កើនការអនុវត្តលំហាត់ប្រាណរាងកាយ។

៣ ការដាក់បញ្ចូលផ្លែឈើរីជាទៀងទាត់ក្នុងរបបអាហាររបស់អ្នក អាចជួយកាត់បន្ថយការឈឺសន្លាក់ដែលទាក់ទងនឹងជំងឺរលាកសន្លាក់បាន។ ផ្លែឈើមួយនេះក៏បានបន្ថយហានិភ័យនៃការវាយប្រហារពីជំងឺរលាកសន្លាក់ gout ផងដែរ។

៤ ផ្លែឈើរីមានសារធាតុ glycemic ដែលមិនបង្កឲ្យមានជាតិស្ករនិងកម្រិតជាតិស្ករក្នុងឈាមថយចុះឬកម្រិតអាំងស៊ុយលីនមានក្នុងរាងកាយ ។ ជាលទ្ធផលវាមានប្រយោជន៍ចំពោះអ្នកដែលមានជំងឺទឹកនោមផ្អែម។

៥ ត្រូវបានគេស្គាល់ថាជួយកាត់បន្ថយការថប់បារម្ភ ផ្ទុកនូវសមត្ថភាពជំរុញខួរក្បាលផងដែរ។ ផ្លែឈើនេះអាចជំរុញមុខងារនៃការយល់ដឹង និងជៀសវាងការបាត់បង់ការចងចាំ ថែមទាំងជាប្រភពអាហារដ៏កម្រមួយរបស់អ័រម៉ូន ដែលត្រូវបានគេស្គាល់ថា serotonin អាចគ្រប់គ្រងអារម្មណ៍និងការថប់បារម្ភ៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់កេះអាចម៍ច្រមុះ មានបញ្ហាអ្វីកើតឡើងអត់?

ចុចអាន៖អ្នកជំនាញថា៖ ខឹងច្រើន ធ្វើឲ្យយើងធាត់