សុខភាព

ហេតុផលឪពុកម្ដាយ មិនគួរឲ្យកូនតូចៗញ៉ាំនំកញ្ចប់

បានផុស

៥ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

Sonya

អាណាព្យាបាលមួយចំនួនបានឲ្យកូនតូចៗញ៉ាំនំកញ្ចប់ដោយមិនខ្វល់ពីផលប៉ះពាល់។ ចំពោះបញ្ហានេះដែរវេជ្ជបណ្ឌិត លី ឬទ្ធីគុណ បានឲ្យដឹងថា វានឹងគ្មានគ្រោះថ្នាក់ ប្រសិនបើម៉ាក់ប៉ាអាចគ្រប់គ្រងការញ៉ាំអាហារបែបនោះបានក្នុងចំនួនតិចតួចបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែប្រសិនបើអនុញ្ញាតឲ្យញ៉ាំរាល់ថ្ងៃ ពិតជាគ្រោះថ្នាក់ខ្លាំង ព្រោះនំអស់ទាំងនោះមិនត្រឹមគ្មានសារធាតុចិញ្ចឹមប៉ុណ្ណោះទេ គ្រឿងផ្សំដែលលាយជាមួយក៏សុទ្ធសឹងជាគ្រឿងមិនសូវមានគុណភាពល្អ ដោយសារតម្លៃផលិតផលទាបពេក គ្រឿងផ្សំមិនអាចប្រើរបស់ល្អឡើយ។

វេជ្ជបណ្ឌិតផ្នែកទូទៅរូបនោះបន្ថែមទៀតថា នំកញ្ចប់ទាំងនោះមិនសូវមានសារធាតុចិញ្ចឹមចំពោះការលូតលាស់របស់ក្មេងជារឿងមិនសូវធំដុំឡើយ។ អ្វីដែលគ្រោះថ្នាក់គឺការវេចខ្ចប់របស់ផលិតផលទាំងនោះ ព្រោះខ្ចប់ដោយថង់ប្លាស្ទិក ហើយការជញ្ជូនគ្មានស្តង់ដារ ដោយដឹកក្រោមកម្ដៅថ្ងៃក្ដៅខ្លាំង គ្មានការបិទបាំង នាំឲ្យជាតិជ័រនៃថង់ទាំងនោះ សាយភាយចូលទៅក្នុងនំ ពេលញ៉ាំទៅនឹងនាំឲ្យជួបបញ្ហា។

2,349 Asian Eat Biscuit Stock Photos, Pictures & Royalty-Free Images - iStock

ទោះជាកម្ដៅថ្ងៃមិនខ្លាំងដូចភ្លើងចង្ក្រាន តែវានៅតែអាចបញ្ចេញសារធាតុគីមីចូលទៅក្នុងនំដែរ គ្រាន់តែបរិមាណតិច ហើយបើកូនញ៉ាំរាល់ថ្ងៃសារធាតុគីមីទាំងនោះនឹងទៅប្រមូលផ្ដុំក្នុងខ្លួន។ យូរៗអាចបង្កទៅជាជំងឺទឹកនោមផ្អែម ទឹកនោមប្រៃ ឬឈានដល់ជំងឺមហារីកបំពង់ក បេះដូង តម្រងនោម។

ចំណែករសជាតិរបស់វាមានប្រៃ ផ្អែម និងជាតិខ្លាញ់ដែលយើងមិនដឹងពីប្រភពនៃគ្រឿង ដែលនេះហើយជារឿងគួរឲ្យខ្លាច។ ដូចនេះបើចង់ទិញឲ្យកូនញ៉ាំត្រូវមើលកន្លែងលក់ដូរជាមុនសិន ថាមានផាសុកភាពត្រឹមត្រូវដែរ ឬទេ និងពិនិត្យលើកាលបរិច្ឆេទផលិតផង ខ្លាចជាទំនិញហួសកំណត់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គ្រឿងផ្សំមានក្នុងអាហារ និងអាហារកញ្ចប់មួយចំនួននេះ អាចបង្កគ្រោះថ្នាក់ដល់សុខភាព

ចុចអាន៖ មិនថាក្មេងឬចាស់ ចៀសអាហារ ៥ ប្រភេទនេះ ដូចនៅឆ្ងាយពីជំងឺបេះដូង