អ្នកមិនចាក់វ៉ាក់សាំង អាចឆ្លងកូវីដរៀងរាល់ ១៦ខែម្តង

ការសិក្សាថ្មីមួយបានបង្ហាញពីភាពញឹកញាប់ នៃអ្នកមិនបានចាក់វ៉ាក់សាំង ហើយឆ្លងកូវីដ បន្ទាប់ពីពួកគេជាសះស្បើយពីជំងឺនេះ។

ការសិក្សាដែលបានមកពីសាលាសុខភាពសាធារណៈ Yale បានពិនិត្យឡើងវិញ នូវទិន្នន័យថ្មីស្តីពីភាពស៊ាំតាមធម្មជាតិ។

ការសិក្សាបានរកឃើញថា អ្នកដែលមិនបានទទួលថ្នាំបង្ការ អាចឆ្លងជំងឺកូវីដ-១៩ រៀងរាល់១៦ខែម្តងព្រោះភាពស៊ាំតាមធម្មជាតិ មិនមានរយៈពេលយូរពេកនោះទេ។

លោកស្រី Hayley Hassler សហអ្នកនិពន្ធនៃការសិក្សាបានប្រាប់ Yale Daily News ថា “លទ្ធផលរបស់យើងគឺផ្អែកលើរយៈពេលជាមធ្យមនៃភាពស៊ាំចុះខ្សោយ ចំពោះបុគ្គលដែលមានមេរោគជាច្រើន។ បុគ្គលណាម្នាក់ក្នុងចំណោមបុគ្គលទាំងនោះ អាចជួបប្រទះរយៈពេលនៃភាពស៊ាំយូរ ឬខ្លីជាង អាស្រ័យលើស្ថានភាពភាពស៊ាំ អាយុ និងកត្តាជាច្រើនផ្សេងទៀត”។

យ៉ាងណាក្តី ជាការពិតណាស់ មនុស្សអាចកាត់បន្ថយហានិភ័យនៃការឆ្លងជំងឺកូវីដ-១៩ ប្រសិនបើពួកគេទទួលបានវ៉ាក់សាំង ឬពាក់ម៉ាស់ដើម្បីការពារការរីករាលដាល៕

ប្រែសម្រួល៖ Vann Vann

ប្រភព៖ Deseret