Connect with us

សុខភាព

ពេលកូនឈឺ កុំចាប់កោសខ្យល់ផ្ដេសផ្ដាស អាចបង្កគ្រោះថ្នាក់

បានផុស

នៅ

ទម្លាប់​របស់​ប្រជាជន​ខ្មែរ​តាំង​ពី​បុរាណ​មក ឲ្យ​តែ​មាន​អារម្មណ៍​ធេងធោង មិន​ស្រួល​ខ្លួន​បន្តិច​ដឹង​តែ​ចង់​កោសខ្យល់ ដើម្បី​ឲ្យ​អាការៈ​បាន​ធូរ​ស្រាល។ ជួន​កាល ពេល​កូន​ឈឺ​ល្មមៗ​ក៏​ចាប់​កូន​មក​កោស​ខ្យល់​ដែរ ទាំង​មិន​ដឹង​ថា ការ​កោស​ខ្យល់​ឲ្យ​ក្មេង​ប៉ះពាល់​ដល់​កូន​ច្រើន​យ៉ាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់​ទង​នឹង​បញ្ហា​នេះ លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ និង​រោគ​កុមារ បាន​ឲ្យ​ដឹង​ថា ប្រជា​ពលរដ្ឋ​ខ្មែរ​ពេល​កូន​ឈឺ មិន​ស្រួល​ខ្លួន ឬ​ក្ដៅ​ខ្លួន តែង​ចាប់​កោស​ខ្យល់​ឲ្យ​ក្មេង​ហើយ មិន​ថា​កូន​តូច ឬ​ធំ​ទេ ព្រោះ​ពួក​គាត់​គិត​ថា​ការ​កោស​ខ្យល់​នឹង​ជួយ​ឲ្យ​កូន​បាន​ធូរ។ ប៉ុន្តែ​តាម​ពិត​ទៅ ការ​កោស​ខ្យល់​ឲ្យ​ក្មេង​ផ្ដល់​ផល​ប៉ះពាល់ និង​គ្រោះថ្នាក់​ច្រើន​ដូច​ជា៖

១. ប្រកាច់៖ ពេល​កោស​ខ្យល់​ឲ្យ​ក្មេង អា​អូន​ប្រឈម​នឹង​ការ​ប្រកាច់​ព្រោះ​ការ​កកិត​ស្បែក និង​សាច់​ដុំ​ធ្វើ​ឲ្យ​កម្ដៅ​ក្មេង​រឹត​តែ​ក្ដៅ​ខ្លាំង​ឡើង​ថែម​ទៀត។

២. បាត់បង់​ជាតិ​ទឹក៖ នៅ​ពេល​ដែល​កូន​ឈឺ ក្ដៅ​ខ្លួន អាច​បណ្ដាល​ឲ្យ​អា​អូន​បាត់​បង់​ជាតិ​ទឹក និង​ជាតិ​ស្ករ ហើយ​បើ​យើង​កោស​ខ្យល់​ឲ្យ​ក្មេង​ថែម​ទៀត​នាំ​ឲ្យ​រាងកាយ​កូន​កាន់​តែ​បាត់​បង់​ជាតិ​ទឹក និង​ជាតិ​ស្ករ​ធ្វើ​ឲ្យ​ក្មេង​កាន់​តែ​អស់​កម្លាំង ឬ​អាច​សន្លប់។​

៣. ខូច​សាច់ដុំ៖ ការ​កោស​ខ្យល់​ខ្លាំង​ៗ អាច​នាំឲ្យ​ខូចខាត​សាច់ដុំ បែក​សាច់ដុំ ធ្វើឲ្យ​កម្ទេច​សាច់​ដុំ​ទាំងនោះ​ទៅ​កក​ស្ទះ​នៅ​តម្រង​នោម (ខ្មែរ​យើង​ហៅ​ក្រលៀន) នាំ​ឲ្យ​ខូច​តម្រង​នោម។

៤. រលាក​ស្បែក៖ សម្រាប់​យើង​មនុស្ស​ធំ ការ​កោស​ខ្យល់​គ្រាន់​តែ​វិធី​ព្យាបាល​តាម​បែប​បុរាណ​មួយ​ប៉ុណ្ណោះ។ ប៉ុន្តែ​សម្រាប់​ក្មេង ការ​កោស​ខ្យល់​ប្រៀប​បាន​នឹង​ការ​ធ្វើ​ទារុណ​កម្ម​មួយ ព្រោះ​វា​មិន​ត្រឹម​តែ​មិន​ផ្ដល់​ប្រយោជន៍ច្រើន​​ទេ ថែម​ទាំង​នាំ​គ្រោះ​ថ្នាក់​ដល់​ក្មេង​ទៀត។

ចំណាំ៖ ត្បិត​តែ​ការ​កោស​ខ្យល់​អាច​ជួយ​ឲ្យ​យើង​មាន​អារម្មណ៍​ធូរ​ស្រាល​ក៏​ពិត​សម្រាប់​មនុស្ស​ធំ លោក​វេជ្ជបណ្ឌិត​ខាង​លើ​ណែ​នាំ​ថា បើ​មាន​បញ្ហា​មិន​ស្រួល​ខ្លួន​កន្លែង​ណា ត្រូវ​​ពិភាក្សា​ជាមួយ​គ្រូពេទ្យ​ជំនាញ ជាជាង​ប្រើ​វិធី​បុរាណ​បែប​នេះ ព្រោះ​បើ​ធ្វើ​មិន​ស្រួល​អាច​នាំ​ឲ្យ​កាន់តែ​គ្រោះថ្នាក់​ខ្លាំង​ចំពោះ​យើង៕​

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កូនក្ដៅក្បាល តែមិនមែនកើតជំងឺគ្រុនក្ដៅ បណ្ដាលមកពីអ្វី?​​​​​​​​​​​​​​​​​​​​​​

ចុចអាន៖ តិចច្រឡំថាជំងឺទាំងនេះកើតលើមនុស្សចាស់ តាមពិតក្មេងៗក៏មានដែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣២ នាទី មុន

បបែល​យក្ស​ជាង​មួយរយ​គីឡូ​មួយ​ក្បាល​ទៀតហើយ​ត្រូវបាន​អ្នកនេសាទ​ចាប់បាន

ព័ត៌មានជាតិ១ ម៉ោង មុន

សម្តេច​ ហ៊ុន សែន ៖ សង្គ្រាម​​រុស្ស៊ី​-​អ៊ុយ​ក្រែ​ន ​មិន​ត្រឹម​​​បន្ទច់បង្អាក់​​​ការ​ងើប​ឡើងវិញ​នៃ​ស្ថានភាព​សង្គម​-​សេដ្ឋកិច្ច​​ទេ តែ​អាច​ជះឥទ្ធិពល​ដល់ សង្គម​-​សេដ្ឋកិច្ច និង​ភូមិសាស្ត្រ​នយោបាយ​រយៈពេល​វែង​

ព័ត៌មានជាតិ១ ម៉ោង មុន

លោក​បណ្ឌិត ហ៊ុន ម៉ា​ណែ​ត ប្រៀបធៀប​ការ​ជ្រើសរើស​បក្ស​នយោបាយ​ដើម្បី​ដឹកនាំ​ប្រទេស ទៅនឹង​ដំណើរ​ការកសាង​សំណង់​អគារ

ព័ត៌មានជាតិ២ ម៉ោង មុន

រដ្ឋបាលរាជធានី ត្រៀមបើកការដ្ឋានសាងសង់ស្ថានីយ ប្រព្រឹត្តកម្មសំណល់ភក់បង្គន់ ថ្ងៃស្អែក

ព័ត៌មានជាតិ២ ម៉ោង មុន

កិច្ចសហប្រតិបត្តិការរវាងរាជធានីភ្នំពេញ និងសមាគម AIMF នឹងជួយលើកកម្ពស់ដល់ជីវភាពពលរដ្ឋ

Sokha Hotels

ព័ត៌មានពេញនិយម