ឆ្លង កូវីដ តែ ៣ ថ្ងៃប៉ុណ្ណោះ មនុស្សចាស់មានហានិភ័យជំងឺដាច់សរសៃឈាម ខួរក្បាលខ្លាំងបំផុត

យោងតាមការសិក្សាថ្មីមួយដោយសមាគមជំងឺដាច់សរសៃឈាមខួរក្បាលអាមេរិកបានឲ្យដឹងថា ហានិភ័យនៃជំងឺដាច់សរសៃឈាមខួរក្បាលចំពោះមនុស្សដែលមានអាយុពី ៦៥ ទៅ ៧៤ ឆ្នាំដែលឆ្លងជំងឺកូវីដ ១៩ គឺខ្ពស់បំផុតក្នុងរយៈពេល ៣ ថ្ងៃដំបូង បន្ទាប់ពីការធ្វើរោគវិនិច្ឆ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវិភាគបានកំណត់ថា ហានិភ័យនៃជំងឺដាច់សរសៃឈាមខួរក្បាលក្នុងរយៈពេល ៣ ថ្ងៃដំបូងនៃការធ្វើរោគវិនិច្ឆ័យជំងឺកូវីដ ១៩ គឺខ្ពស់ជាង ១០ ដង ។ នៅថ្ងៃទី ៤ ដល់ថ្ងៃទី ៧ ហានិភ័យនៃជំងឺដាច់សរសៃឈាមខួរក្បាលគឺខ្ពស់ជាង ៦០ ភាគរយ ប៉ុន្តែនៅថ្ងៃទី ១៥ ដល់ថ្ងៃទី ២៨ ការធ្វើរោគវិនិច្ឆ័យពីហានិភ័យនេះបានធ្លាក់ចុះ ៩ ភាគរយវិញ ។

ទន្ទឹមនោះ អាយុជាមធ្យមរបស់អ្នកជំងឺដាច់សរសៃឈាមខួរក្បាល នៅពេលធ្វើរោគវិនិច្ឆ័យជំងឺកូវីដ ១៩ គឺអាយុ ៨០ ឆ្នាំ ។ អ្នកជំងឺ ៥៧ ភាគរយជាស្ត្រី ហើយជាង ៧៥ ភាគរយគឺជាជនជាតិស្បែកសដែលមិនមែនជាជនជាតិអេស្ប៉ាញ ។

លោក Quanhe Yang វេជ្ជបណ្ឌិត និងជាអ្នកដឹកនាំការស្រាវជ្រាវបានពន្យល់ពីហានិភ័យនេះថា “ជំងឺដាច់សរសៃឈាមខួរក្បាល បន្ទាប់ពីការធ្វើរោគវិនិច្ឆ័យនៃជំងឺកូវីដ ១៩ គឺជាផលវិបាកដែលអាចកើតមានលើអ្នកជំងឺកូវីដ ហើយក្រុមគ្រូពេទ្យគួរតែដឹង ។

ចំពោះអ្វីដែលអាចធ្វើបានទាក់ទងនឹងការការពារជំងឺដាច់សរសៃឈាមខួរក្បាល លោកបានពន្យល់យ៉ាងលម្អិតថា “វិធានការបង្ការកូវីដផ្សេងទៀតដូចជា ការចាក់វ៉ាក់សាំងគឺមានសារៈសំខាន់ក្នុងការកាត់បន្ថយហានិភ័យនៃការឆ្លង និងផលវិបាករួមទាំងជំងឺដាច់សរសៃឈាមខួរក្បាលផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Jerusalem Post

ចុចអាន ៖ កុំឲ្យឆ្ងល់ នេះប្រាក់ឈ្នួលកម្មករប្រទេសនៅ អាស៊ាន