សុខភាព

តិចនិកងាយៗ បង្ការមិនឱ្យពុលចំណីអាហារ

បានផុស

៤ years មុន

នៅ

ថ្ងៃអាទិត្យ ១៧ មេសា ២០២២

ដោយ

Sonya

ក្នុងឱកាសជួបជុំក្រុមគ្រួសារនាបុណ្យចូលឆ្នាំថ្មីនេះ ប្រាកដជាមានការធ្វើអាហារញ៉ាំជុំគ្នាជាច្រើនមុន។ ដោយហេតុថា ត្រី សាច់ បន្លែ ផ្លែឈើ មួយចំនួនមានសារធាតុពុល ឬសារធាតុគីមីនោះ កាលណាយើងចម្អិនមិនបានឆ្អិនល្អ ខ្វះអនាម័យ ទុកដាក់មិនបានត្រឹមត្រូវនោះ អាចឲ្យយើងពុលចំណីអាហារ ទៅជាក្អួតចង្អោរ បាត់បង់ជាតិទឹក គ្រុនក្តៅ ឈឺក្បាល រាករូស ឈឺពេញពោះ វិលមុខ អស់កម្លាំងខ្លាំងឈានទៅបាត់បង់ស្មារតី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីបង្ការការពុលចំណីអាហារ ធ្វើឲ្យប៉ះពាល់ដល់សុខភាព ដែលករណីធ្ងន់ធ្ងរអាចគ្រោះថ្នាក់ដល់ជីវិតនោះ យើងចាំបាច់មានការប្រុងប្រយ័ត្ន។ ខាងក្រោមនេះជាតិចនិកងាយៗបង្ការការពុលចំណីអាហារ៖

– លាងសម្អាតបន្លែ ផ្លែឈើ សាច់ និងសម្ភារៈប្រើសម្រាប់ចម្អិនម្ហូបឲ្យបានស្អាត

– ប្រើប្រាស់ទឹកស្អាត និងម្ហូបអាហារស្អាត និងឆ្អិនជានិច្ច

– ត្រូវរក្សាទុក បន្លែ ផ្លែឈើ សាច់ នៅក្នុងសីតុណ្ហភាពតិចជាង ៥ អង្សារសេ ហើយបើនៅក្នុងប្រព័ន្ធកម្តៅត្រូវលើសពី ៦០ អង្សារសេ

– ចម្អិនអាហារឲ្យបានឆ្អិនល្អ ជាពិសេស សាច់ សត្វស្លាប ស៊ុត និងអាហារសមុទ្រ

ទុកដាក់ចំណីអាហារឆៅ និងឆ្អិន ឲ្យដាច់ដោយឡែកពីគ្នា

– កុំញ៉ាំចំណីអាហារហួសកាលកំណត់ប្រើប្រាស់

– ត្រូវលាងដៃនឹងសាប៊ូមុនពេល និងពេលរៀបចំម្ហូបអាហារ មុនញ៉ាំអាហារ និងក្រោយពេលបន្ទោរបង់រួច៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អាហារ ៧ មុខ ធ្វើឲ្យមានអារម្មណ៍ល្អ បំបាត់ភាពតានតឹងចេញពីខាងក្នុង

Related Topics:ពុលអាហារ