ចក្រភពអង់គ្លេស រកឃើញករណីជំងឺអុតស្វាច្រើនបំផុតមិនធ្លាប់មាន ចាប់តាំងពីមេរោគនេះផ្ទុះឡើង

នៅថ្ងៃចន្ទទី៣០ខែឧសភា ចំនួន​ករណី​ជំងឺអុត​ស្វា (Monkeypox) ​ក្នុង​ចក្រភព​អង់គ្លេស ​បាន​កើនឡើង​​៧១​ករណីទៀត ដែល​នាំឲ្យ​ចំនួន​សរុបនៅ​ចក្រភព​អង់គ្លេស ​កើនឡើង​ដល់ ១៧៩ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីករណីដំបូងនៅចក្រភពអង់គ្លេសត្រូវបានកត់ត្រានាដើមខែនេះ ចាប់តាំងពីពេលនោះមក ចំនួនបានកើនឡើងជាបន្តបន្ទាប់ ខណៈករណីរាប់រយត្រូវបានរាយការណ៍ទូទាំងពិភពលោក។

បួនករណីដែលបញ្ជាក់របស់ចក្រភពអង់គ្លេសគឺនៅស្កុតឡែន ពីរករណីនៅអៀរឡង់ខាងជើង មួយករណីនៅវែលស៍ និងករណីនៅសេសសល់ គឺនៅអង់គ្លេស។

ការកើនឡើងនៃករណីដ៏ច្រើនបែបនេះ គឺដោយសារតែមិនមានតួលេខណាមួយ ត្រូវបានរាយការណ៍កាលពីចុងសប្តាហ៍នោះទេ។

ទាក់ទងនឹងករណីថ្មី ដែលប្រកាសដោយទីភ្នាក់ងារសន្តិសុខសុខភាពចក្រភពអង់គ្លេស, ពួកគេនិយាយថា “ហានិភ័យចំពោះប្រជាជនចក្រភពអង់គ្លេសនៅតែមានកម្រិតទាបនៅឡើយ ប៉ុន្តែយើងកំពុងស្នើសុំឲ្យប្រជាជនមានការប្រុងប្រយ័ត្នចំពោះកន្ទួល ពងបែកឬដំបៅថ្មីណាមួយ ដែលនឹងលេចឡើង នៅលើរាងកាយរបស់ពួកគេ”។

ករណីថ្មីនេះ កើតឡើងចំពេលមានការណែនាំថ្មីៗពីប្រធានសុខាភិបាលចក្រភពអង់គ្លេស ដែលណែនាំអ្នកជំងឺអុតស្វា ចៀសវាងការរួមភេទ។

គួរបញ្ជាក់ថា គិតត្រឹមពេលនេះ មានជំងឺអុតស្វា និងករណីសង្ស័យជាង ៣០០ ហើយនៅទ្វីបអឺរ៉ុប៕

ប្រែសម្រួល៖ Vann Vann

ប្រភព៖ Mirror

ចុចអាន៖ ប្រទេសដំបូងគេលើលោក តម្រូវឲ្យធ្វើចត្តាឡីស័កជាកំហិត ចំពោះអ្នកកើតជំងឺ អុតស្វា