ស្ងាត់ៗ ប្រទេសអាស៊ីអាគ្នេយ៍ រកឃើញ អូមីក្រុង ពូជថ្មី ២ប្រភេទ ឆ្លងកាន់តែខ្លាំង (មានវីដេអូ)

ពូជថ្មីចំនួន២ប្រភេទនៃវីរុសកូវីដបំប្លែងខ្លួន អូមីក្រុង ដែលគេអះអាងថាឆ្លងកាន់តែខ្លាំង ត្រូវបានរកឃើញនៅក្នុងប្រទេស ម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងសុខាភិបាល លោក Khairy Jamaluddin បាននិយាយកាលពីថ្ងៃព្រហស្បតិ៍ទី៩ខែមិថុនាថា វីរុសអូមីក្រុងក្លាយពូជប្រភេទ BA.5 ចំនួន២ករណី និង BA.2.12.1 មួយករណី ត្រូវបានរកឃើញ។

លោក Khairy បានកត់សម្គាល់ថា ពូជ អូមីក្រុង ថ្មីទាំង២នេះ ត្រូវបាន WHO ចាត់ថ្នាក់ជាក្រុមវីរុសកូវីដអូមីក្រុង ដែលស្ថិតក្រោមការត្រួតពិនិត្យ។

ពូជផ្សេងរបស់អូមីក្រុង គឺ BA.2 និង BA.2.12.1 ត្រូវបានគេប៉ាន់ប្រមាណថា គ្របដណ្តប់ជាង ៩០ ភាគរយលើវីរុសកូវីដបំប្លែងខ្លួននៅសហរដ្ឋអាមេរិក។

គួរបញ្ជាក់ថា BA.5 ត្រូវបានគេរកឃើញជាលើកដំបូងនៅប្រទេសអាហ្វ្រិកខាងត្បូង ជាកន្លែងដែលវីរុសប្រភេទនេះវាយប្រហារខ្លាំង។ ជារឿយៗ មេរោគនេះ ត្រូវបានគេលើកមកប្រៀបធៀបជាមួយ BA.4 ដោយសារតែភាពស្រដៀងគ្នានៃហ្សែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ អូមីក្រុង ក្លាយពូជ XE ឆ្លងខ្លាំងជាងវីរុសមុនៗ ១០ដង ដែល WHO បារម្ភខ្លាំង ពេលនេះរកឃើញនៅក្បែរកម្ពុជា ហើយ