សុខភាព

ដឹងអត់? ក្រុមឈាមមួយៗ អាចមានហានិភ័យសុខភាពផ្សេងៗគ្នា

បានផុស

៤ years មុន

នៅ

ថ្ងៃចន្ទ ២៥ កក្កដា ២០២២

ដោយ

ពិតណាស់ ប្រភេទក្រុមឈាមមិនត្រឹមតែធ្វើឲ្យយើងយល់ច្បាស់ពីការបរិច្ចាគ ឬទទួលឈាមពីអ្នកណាម្នាក់ប្រកបដោយសុវត្ថិភាពប៉ុណ្ណោះទេ វាក៏អាចធ្វើឲ្យយើងដឹងអំពីហានិភ័យសុខភាពជាក់លាក់មួយចំនួនដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ជំងឺបេះដូង

ការស្រាវជ្រាវបានបង្ហាញថា អ្នកដែលមានឈាមក្រុមO មានហានិភ័យទាបក្នុងការកើតជំងឺសរសៃឈាមបេះដូង។ កត្តានេះពីព្រោះតែក្រុមឈាមប្រភេទផ្សេងមានកូលេស្តេរ៉ូល និងប្រូតេអ៊ីនកម្រិតខ្ពស់ ដែលពាក់ព័ន្ធនឹងការកកឈាម។

២. ជំងឺមហារីកក្រពះ

ទន្ទឹមនឹងនេះដែរ ក្រុមឈាមប្រភេទA, AB និងB មានហានិភ័យក្នុងការកើតជំងឺមហារីកក្រពះខ្ពស់ជាងក្រុមឈាមប្រភេទO ជាពិសេសអ្នកដែលមានក្រុមឈាមA ។ ក្រុមអ្នកស្រាវជ្រាវយល់ថា នេះប្រហែលមកពីការឆ្លងមេរោគH.pylori ច្រើនកើតចំពោះអ្នកដែលមានឈាមប្រភេទA។

៣. បញ្ហាការចងចាំ

ការសិក្សាមួយបានបង្ហាញថា អ្នកដែលមានបញ្ហាការចងចាំគឺច្រើនតែជាអ្នកមានក្រុមឈាមប្រភេទAB។

៤. ភាពតានតឹង

ភាពតានតឹងបង្កើនកម្រិតអ័រម៉ូនCortisol ដែលជាអ័រម៉ូនស្រ្តេស។ ចំពោះអ្នកដែលមានក្រុមឈាមប្រភេទA មានកម្រិតអ័រម៉ូនCortisol ច្រើនជាងក្រុមឈាមប្រភេទផ្សេងទៀត។

៥. ជំងឺគ្រុនចាញ់

អ្នកដែលមានឈាមប្រភេទO អាចមិនសូវកើតជំងឺគ្រុនចាញ់។ ជាធម្មតា យើងអាចឆ្លងជំងឺគ្រុនចាញ់តាមរយៈមូសដែលផ្ទុកមេរោគ។ យ៉ាងណាមិញ ប៉ារ៉ាស៊ីតដែលបង្កមេរោគនេះ ពិបាកនឹងភ្ជាប់ខ្លួនទៅនឹងកោសិកាឈាមក្រុមOណាស់។