សុខភាព
ក្រសួងសុខាភិបាល រៀបចំគោលនយោបាយ និងផែនការយុទ្ធសាស្រ្តសុខភាពជនមានពិការភាព
សាស្រ្តាចារ្យ ឡឹម តារា រដ្ឋលេខាធិការ នៃក្រសួង សុខាភិបាល តំណាង រដ្ឋមន្រ្តីក្រសួងសុខាភិបាល នាថ្ងៃទី២៦ ខែកុម្ភ: ឆ្នាំ២០២ បានអញ្ជើញបើកកិច្ចប្រជុំ ក្រុមការងារបច្ចេកទេសសុខភាពជនមានពិការភាព នៃក្រសួងសុខាភិបាល ដើម្បីរៀបចំគោលនយោបាយ និងផែនការយុទ្ធសាស្រ្តសុខភាពជនមានពិការភាព សម្រាប់មូលដ្ឋានសុខាភិបាល។
កិច្ចប្រជុំនេះ រៀបចំឡើង ដើម្បីឆ្លើយតបទៅនឹងកំណើន នៃចំនួនជនមានពិការភាព ដែលបង្កដោយបញ្ហាផ្សេងៗ រួមមាន កត្តាជំងឺឆ្លងជំងឺមិនឆ្លងរ៉ាំរ៉ៃ កំណើនមនុស្សវ័យចំណាស់ របួសគ្រោះថ្នាក់ផ្សេងៗ រួមទាំងគ្រោះថ្នាក់ចរាចរណ៍។ល។ និងដើម្បីធានាបានការព្យាបាល និងថែទាំ ជនមានពិការភាពប្រកបដោយសមធម៌ ការគោរពសិទ្ធិជនមានពិការភាពទាំងអស់ឱ្យបានល្អ ព្រមទាំងស្របតាមគោលដៅអភិវឌ្ឍប្រកបដោយចីរភាព២០៣០ និងដើម្បីធានាថា ”គ្មានប្រជាជនណាម្នាក់ត្រូវបានទុកចោល”។
ការរៀបចំគោលនយោបាយ និងផែនការយុទ្ធសាស្រ្ត ស្តីពី សុខភាពជនមានពិការភាពក្នុងមូលដ្ឋានសុខាភិបាល នឹងចូលរួមអនុវត្តកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា សម្រាប់លើកកម្ពស់សុខភាព និងសុខុមាលភាពរបស់ប្រជាពលរដ្ឋកាន់តែប្រសើរឡើង ជាពិសេសប្រជាជនក្រីក្រ ជនងាយរងគ្រោះ ដូចជាស្រី្តកុមារ និងវ័យជំទង់ មនុស្សចាស់ជរា ជនមានពិការភាពតាមរយ:ការពង្រឹង ប្រព័ន្ធភាពធន់នៃប្រព័ន្ធសន្តិសុខ សុខភាព និងទំនើបភាវូបនីយកម្មប្រព័ន្ធផ្តល់សេវាថែទាំសុខភាពប្រកបដោយគុណភាព គ្មានការរើសអើង ក្នុងដំណើរឆ្ពោះទៅ សម្រេចការគ្របដណ្តប់សុខភាពជាសកល នៅកម្ពុជានៅដំណាច់ ឆ្នាំ២០៣០។
គួររំលឹកថា គ្រប់កម្មវិធីសុខាភិបាលរបស់ក្រសួងសុខាភិបាល សំដៅលើកកម្ពស់សុខភាពតាមរយ: ការបង្ការ ការព្យាបាលថែទាំ ការស្តារនិតិសម្បទា ដើម្បីកាត់បន្ថយអត្រាឈឺ អត្រាស្លាប់ និងកាត់បន្ថយអត្រាប្រភេទ និងកម្រិតពិការភាពក្នុងចំណោមប្រជាជន ទូទៅក្នុងព្រះរាជាណាចក្រកម្ពុជា ឱ្យបានជាអតិប្បរមា។
កិច្ចប្រជុំនេះមានការចូលរួមពីថ្នាក់ដឹកនាំក្រសួង នាយកដ្ឋាន មជ្ឈមណ្ឌលជាតិ មន្ទីរពេទ្យជាតិបេឡាជាតិ សន្តិសុខសង្គម អង្គការសុខភាពពិភពលោក ស្ថានទូតប្រទេសអូស្រាលី មូលនិធិគ្លីនតុន និងដៃគូអភិវឌ្ឍដទៃជាច្រើនទៀត។ កិច្ចប្រជុំបានប្រព្រឹត្តទៅប្រកបដោយលទ្ធផលល្អប្រសើរ និងពិធីបិទក្រោមអធិបតីភាព វេជ្ជបណ្ឌិត កែ រដ្ឋា រដ្ឋលេខាធិការក្រសួងសុខាភិបាល៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល