សុខភាព
ប្រយ័ត្ន! វីរុសកូវីដ-១៩ អាចចម្លងតាមក្រដាសប្រាក់
យោងតាមការសិក្សារបស់អ្នកសិក្សាវិទ្យាសាស្ត្រអូស្ត្រាលី បានឱ្យដឹងថា វីរុសកូវីដ-១៩ អាចរស់នៅលើក្រដាសប្រាក់ និងផ្ទៃនានាបានជិត១ខែ ។
ក្រុមស្រាវជ្រាវ បានធ្វើការពិសោធន៍នៅក្នុងសីតុណ្ហភាពចំនួន ៣ គឺ សីតុណ្ហភាព ២០ អង្សាសេ ៣០ អង្សាសេនិង ៤០ អង្សាសេ។ ក្រោយការពិសោធន៍នេះ គេរកឃើញថា វីរុសកូវីដ-១៩ អាចរស់បានយូរបំផុតនៅលើផ្ទៃរលោងដូចជា កញ្ចក់និងប្លាស្ទិក ហើយវាផ្ដើមអសកម្ម ៩០% ចាប់ពី ៦ ឡើងទៅ។ ចំណែកក្រដាសប្រាក់ ថយចុះឥទ្ធិពលចម្លងវីរុសបាន ៩០% ចាប់ពី ៩.១៣ ថ្ងៃ នៅក្នុងសីតុណ្ហភាព ២០ អង្សាសេ។
ទោះយ៉ាងណា មេរោគនៅតែបន្តរស់លើវត្ថុទាំងនោះ រហូតដល់ ២៨ ថ្ងៃ ប្រសិនបើមិនមានអនាម័យ ឬការពាឱ្យបានខ្ជាប់ខ្ជួននោះទេ។
រីឯហេតុផលដែលមេរោគជំងឺកូវីដ១៩អាចឆ្លងតាមក្រដាសប្រាក់ គឺនៅពេលណាដែលអ្នកជំងឺកូវីដ-១៩ កាន់ក្រដាសប្រាក់នោះ រួចហុចបន្ដទៅអ្នកដទៃ លុះនៅពេលម្នាក់នោះចាប់កាន់លុយ រួចយកដៃមកប៉ះច្រមុះ មាត់ ឬភ្នែកជាដើម នឹងធ្វើឲ្យឆ្លង ព្រោះក្រដាសប្រាក់អាចផ្ទុកទឹករំអិលផ្លូវដង្ហើម ដូចជា សំបោរ ឬស្លេស ទឹកមាត់ ។ ល។
ដោយឡែក កាលពីពេលកន្លងទៅ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលក៏បានឱ្យដឹងដូចគ្នាដែរថា កូវីដ-១៩ អាចរស់នៅលេីក្រដាសប្រាក់ កញ្ចក់ និងផ្ទៃផ្សេងៗ រហូតដល់ ២៨ថ្ងៃឯណោះ បេីប្រៀបទៅនឹងវីរុសផ្តាសាយធម្មតាមានប្រហែលជា ១៧ថ្ងៃ ។
ដូច្នេះហើយ បានជាការលាងសម្អាតដៃ រាល់ពេលចាប់កាន់វត្ថុមិនថា តេឡេកុំម៉ង់ ទូរស័ព្ទដៃ កញ្ចក់ ក្រដាសប្រាក់ ឫក្រដាសស្នាមផ្សេងៗ ត្រូវលាងសម្អាតដៃភ្លាមៗ និងលាងឲ្យបានញឹកញាប់ ដើម្បីបង្ការការចម្លងពីមនុស្សម្នាក់ទៅមនុស្សម្នាក់ដោយពុំដឹងខ្លួន។
សម្រាប់ដំណោះស្រាយបន្ថែមក្នុងករណីនេះ សូមអនុវត្តតាមការណែនាំរបស់ក្រសួងរួមមាន ៖
–ឧស្សាហ៍លាងអាល់កុល ឬជែល និងលាងដៃជាមួយទឹកនិងសាប៊ូ
–ពាក់ម៉ាស់គ្រប់ពេលវេលា ជាពិសេសពេលចេញក្រៅផ្ទះ
–ហាមយកដៃប៉ះមុខ ភ្នែក និងច្រមុះ។
-រក្សាគម្លាតជានិច្ចយ៉ាងហោច ១.៥ ម៉ែត្រពីគ្នា៕
អត្ថបទ៖ សន្យា
ចុចអាន៖ តើមេរោគកូវីដ១៩ ឆ្លងតាមក្រដាសប្រាក់ដែរ ឬ ទេ??
ចុចអាន៖ តើវីរុសកូវីដ-១៩ អាចរស់នៅលើអេក្រង់ទូរសព្ទបានប៉ុន្មានថ្ងៃ?
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង