KPT+
គន្លឹះសំខាន់ជារួម ៥ យ៉ាងដែលអ្នកធ្វើអាជីវកម្មប្រភេទណាក៏ត្រូវការចាំបាច់
សហគ្រិនដែលបើកអាជីវកម្មបានជោគជ័យអាចមានវិធីសាស្ត្រផ្សេងគ្នាយោងតាមមុខជំនួញនិងបរិបទនៃសង្គមនីមួយៗ។ ប៉ុន្តែជាទូទៅ ទោះបីជាមុខជំនួញប្រភេទខុសគ្នាយ៉ាងណាក៏ដោយ តោងមានកត្តារួមគ្នាខ្លះដែលគ្រប់សហគ្រិនគួរយកមកជាទុន។
១. ច្នៃប្រឌិតជានិច្ច
នៅក្នុងឧស្សាហកម្មដែលមានការប្រកួតប្រជែង ក្នុងនាមជាម្ចាស់អាជីវកម្ម អ្នកត្រូវកំណត់ថា តើអ្វីដែលធ្វើឲ្យអ្នកខុសពីអាជីវកម្មផ្សេងទៀត ព្រោះមនុស្សចូលចិត្តសាកល្បងជាមួយរបស់ថ្មីៗនិងប្លែកជានិច្ច។ ការធ្វើទីផ្សារដ៏ឆ្លាតវៃត្រូវចេះបង្កើតទំនិញឬសេវាកម្មដែលធ្វើឲ្យអតិថិជនលាន់មាត់សរសើរនិងចង់បានទាំងលើតម្លៃនិងគុណភាពរបស់វា។
២. ប្រមូលបានបុគ្គលិកដែលទេពកោសល្យពិសេសៗ
ជោគជ័យយូរអង្វែងនៃអាជីវកម្ម តម្រូវឲ្យអ្នកប្រើទេពកោសល្យដែលមានទាំងប៉ុន្មានដើម្បីបង្កើតយីហោផ្ទាល់ខ្លួនមួយ។ ទេពកោសល្យត្រង់នេះ សម្ដៅដល់ភាពប្រសប់ពីកំណើតទៅលើជំនួញដែលកំពុងបើកដំណើរការ។ បើអ្នកជាថៅកែដែលមានទេពកោសល្យខាងរកស៊ី ចូរអ្នកប្រើវាឲ្យអស់ក្នុងការរកស៊ីដោយកុំយកពេលទៅចាប់នេះចាប់នោះ មិនឆ្ពោះត្រង់ណា ព្រោះខាតពេលនិងខាតប្រយោជន៍។
៣. បង្កើតបណ្ដាញធំនិងរឹងមាំ
រាល់អាជីវកម្មទាំងអស់អាចរីកធំបាន អាស្រ័យលើការកសាងបណ្ដាញនៅក្នុងសង្គម។ ជាសហគ្រិន ត្រូវមានទំនាក់ទំនងជាមួយមនុស្សឲ្យបានច្រើននៅគ្រប់ស្រទាប់ ទាំងលក្ខណៈបុគ្គលនិងបណ្ដាអាជីវកម្មផ្សេងៗទៀត។ ការកសាងបណ្ដាញរឹងមាំ នាំឲ្យជំនួញរឹងមាំដែរ ព្រមទាំងនាំឲ្យអាជីវកម្មរីកចម្រើនលឿនរហ័ស។
៤. ខំឲ្យអស់លទ្ធភាព
មិនថាមុខរបរអ្វីទេ ការខិតខំប្រឹងប្រែងជាកត្តាជោគជ័យធំបំផុត។ បើអ្នកម្ចាស់អាជីវកម្មចង់ទទួលបានភាពជោគជ័យ អ្នកត្រូវតែមានឆន្ទៈក្នុងការធ្វើការងារ គឺដាក់ចិត្តដាក់កាយតស៊ូជម្នះឧបសគ្គ ហើយប្រឹងប្រែងឲ្យអស់ពីខ្លួន។
៥. ពូកែលក់
ក្រោយអនុវត្តគន្លឹះខាងលើទាំង ៤ រួចហើយ ទីនេះជាអ្វីដែលអ្នកត្រូវធ្វើក្រោយគេ គឺការលក់។ លទ្ធភាពជោគជ័យនៃអាជីវកម្មគឺការលក់ផលិតផលឬសេវាកម្ម។ ការលក់មិនត្រឹមតែបង្ហាញថា អ្នកមានអ្វីដែលអាចសម្រេចបានប៉ុណ្ណោះទេ ប៉ុន្តែវាថែមទាំងបានរកចំណូលចូលក្នុងអាជីវកម្មដែលជួយដល់ជំនួញកាន់តែចម្រើន។ មិនថាអ្នកជាថៅកែក៏ដោយ ត្រូដាក់គោលការណ៍ជាមួយបុគ្គលិកលក់ឲ្យក្នុងរយៈកំណត់៕
ប្រែសម្រួល៖ សន្យា
ប្រភព៖ Entrepreneur
ចុចអាន៖៥ ចំណុចថ្មីនិងរហ័ស អាចយកទៅអភិវឌ្ឍអាជីវកម្មភាគច្រើនក្នុងសម័យកាលនេះ
ចុចអាន៖ហេតុផលអ្វីដែលគ្រប់អាជីវកម្មត្រូវចំណាយលើការធ្វើទីផ្សារ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៧ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ