KPT+

វិធី ៥ បញ្ឈប់គំនិតអវិជ្ជមានដែល រិះគន់ខ្លួនឯងបំបាក់ទឹកចិត្ត

បានផុស

៣ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

ការរិះគន់ពីខាងក្នុងគឺជាសំឡេងខាងក្នុងខួរក្បាលរបស់យើង បេះដូងយើងដែលមានថាមពលបំផ្លិចបំផ្លាញផ្លូវចិត្តឬលើកទឹកចិត្ត។ ប្រសិនបើសំឡេងនោះអវិជ្ជមានពេក តើយើងខ្លួនឯងអាចជំទាស់នឹងការរិះគន់របស់យើងខ្លួនឯងបានតាមរបៀបណា?

១. បង្កើតមិត្តជាមួយវា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួសឲ្យការប្រយុទ្ធជាមួយអារម្មណ៍បែបនោះ ហេតុអ្វីមិនព្យាយាមសាកល្បងរាប់អានវាសិន? ការរិះគន់ពីខាងក្នុងរបស់យើងដូចជាឪពុកម្ដាយដែលរិះគន់ គឺមានតែព្យាយាមជួយ និងការពារយើងពីការឈឺចាប់។

ទោះបីជាពេលខ្លះវាអាចវាយប្រហារយើង ដោយពាក្យឈឺចាប់ក៏ដោយ មិនមានន័យថាគោលដៅសំខាន់គឺការបំផ្លាញខ្លួនឯងទេ។ វិធីល្អដើម្បីប្រកួតប្រជែង គឺត្រូវសហការនិងស្ដាប់នូវអ្វីដែលការរិះគន់កំពុងនិយាយ។

២. បន្តដំណើរទៅមុខ

នៅពេលការរិះគន់ផ្នែកខាងក្នុងប្រែទៅជាអាក្រក់ វិធីល្អគឺមិនចាំបាច់អើពើនឹងរឿងនោះ ហើយបន្តទៅមុខទៀត។ ទទួលស្គាល់ការក្រើនរំលឹក ការរិះគន់ពីខាងក្នុង ប៉ុន្តែកុំពឹងផ្អែកលើអ្វីដែលវាបានប្រាប់យើងពេក។

យើងអាចផ្លាស់ប្ដូរការផ្ដោតអារម្មណ៍លើរឿងផ្សេងទៀត ជាជាងចំណាយពេលវេលាច្រើនព្រួយបារម្ភពីបញ្ហាដែលព្យាយាមបង្ហាញដល់យើង។

៣. មានភាពវិជ្ជមានរក្សាក្ដីសង្ឃឹម

ការរិះគន់ខាងក្នុងរបស់យើង កើតឡើងនៅពេលយើងពោរពេញទៅដោយគំនិតអវិជ្ជមាន។ សូមរក្សាភាពវិជ្ជមាននិងពន្លឺគ្រប់ពេលវេលា។ នៅពេលដែលអ្វីៗមិនដូចការគ្រោងទុក សូមគិតពីវិធីមួយដែលប្រសើរជាងនេះ។

អ្វីដែលសំខាន់កុំអនុញ្ញាតឲ្យការរិះគន់ខាងក្នុងរបស់យើង មកគ្រប់គ្រងអារម្មណ៍និងធ្វើឲ្យយើងស្ថិតក្នុងភាពងងឹតបានឲ្យសោះ។

៤. ធ្វើឲ្យមានសន្តិភាពជាមួយអតីតកាលរបស់យើង

វិធីមួយនៃការយកឈ្នះលើការរិះគន់ខាងក្នុង គឺតាមរយៈការធ្វើឲ្យមានសន្តិភាពជាមួយអតីតកាលរបស់យើង។ ការរិះគន់ពីខាងក្នុង ច្រើនតែត្រូវបានបង្កើតចេញពីបទពិសោធន៍ដ៏គួរឲ្យតក់ស្លុត។ បទពិសោធន៍ទាំងនេះបានធ្វើឲ្យយើងមានអារម្មណ៍រឹងមាំគ្រប់គ្រាន់ ដែលយើងបានធ្វើឲ្យមានអន្តរកម្មនៅក្នុងពេលបច្ចុប្បន្ន។

វិធីមួយទៀត ដើម្បីបំបាត់អារម្មណ៍អវិជ្ជមាន គឺការអភ័យទោស។ អភ័យទោសដល់អ្នកដែលបានធ្វើខុសនឹងយើង ហើយអភ័យទោសឲ្យខ្លួនឯង។

៥. បង្ហាញភស្តុតាងណាមួយថាគ្រប់យ៉ាងគឺខុស

ដូចគ្នានឹងយើងរិះគន់ជីវិតពិតរបស់យើង បង្ហាញថានេះជារឿងខុស។ បង្ហាញការរិះគន់ខាងក្នុងថាយើងមិនមែនជាអ្វីដែលវាកំពុងតែគិតថាជាយើងទេ។ ប្រាប់ខ្លួនឯងថាយើងជាមនុស្សពូកែ គួរឲ្យទុកចិត្ត មានចិត្តល្អនិងចេះស្រឡាញ់រាប់អានអ្នកដទៃ។

ការរិះគន់ពីខាងក្នុងរបស់យើង អាចបង្ខំយើងឲ្យក្លាយជាអ្វីដែលអ្នកដទៃចង់ឲ្យធ្វើ។ វាបណ្ដាលបរាជ័យក្នុងការមើលឃើញពីភាពខ្លាំងរបស់យើង ជាមនុស្សម្នាក់។ ដូច្នេះត្រូវបង្ហាញការរិះគន់ខាងក្នុងរបស់យើង នូវអ្វីដែលខ្លួនយើងមានសមត្ថភាពពិតប្រាដក៕

ប្រែសម្រួល ៖ សាង ស្រីល័ក្ខ

ចុចអាន៖វាយបកលើមនុស្សដែលនិយាយបំពានយើង ប្រើវិធីទាំងនេះ

ចុចអាន៖ហេតុផលដែលអ្នកគួរជ្រើសរើស ធ្វើតាមក្ដីសុបិនរបស់ខ្លួនឯង