Connect with us

KPT+

គន្លឹះ ៦ យ៉ាងធ្វើឲ្យមុខក្មេងជាងវ័យ មិនងាយចាស់មុនអាយុ

បានផុស

នៅ

អាយុច្រើនមុខក្មេង មនុស្សស្រីណាក៏ចង់បានដែរ។ គ្មានអ្នកណាចង់បានស្បែកគ្មានសំណើម មុខចាស់ជាងវ័យ លេចចេញនូវស្នាមផ្នត់ជ្រួញពេញផ្ទៃមុខទេ។

សព្វថ្ងៃនេះមនុស្សស្រីមុខស្រស់ស្អាតមិនខ្វះទេ នេះក៏ដោយសារគេមានវិធីថែទាំបានល្អ មិនចាំបាច់ប្រើរបស់ថ្លៃៗ ដើម្បី​ទប់ទល់ភាពចាស់ ហើយ​ទាំង​នោះ​សុទ្ធសឹងតែជាទម្លាប់​ធម្មតា​ ដែល​មនុស្ស​ស្រី​គ្រប់គ្នា​អាច​ធ្វើ​បាន​រាល់ថ្ងៃ។

១ សំអាតជាចាំបាច់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបី​ជាមុខគ្មានការតុបតែង​ក្រែមម៉្សៅ​ក៏​ដោយ​ ប៉ុន្តែ​ស្បែក​នៅ​តែ​មានធូលី​តោងជាប់ ​និង​កំណក​បាក់តេរី​ពាសពេញ​ផ្ទៃមុខ ​ដែល​យើង​មើលមិនឃើញ។ ត្រូវ​ចេះ​រើស​ផលិតផល​សំអាត​ឲ្យ​សម​នឹង​មុខ​ ទើប​មិន​មាន​បញ្ហា​ទៅ​ថ្ងៃមុខ។

២ ឧស្សាហ៍​ជម្រុះ​កោសិកាចាស់ៗ

វ័យ​កាន់តែ​ចាស់ ស្បែក​នឹង​លេច​ចេញ​ស្នាម​ជ្រួញ ពីព្រោះ​កោសិកា​ស្បែក​ដែល​ងាប់ ​ត្រូវ​បាន​តំណាង​ដោយ​កោសិកា​ស្បែក​ថ្មី។ ការ​ប្រើប្រាស់​ផលិតផល​ខាត់ស្បែក ក៏​ជា​វិធី​ល្អ​ ក្នុង​ការ​យក​កោសិកា​ស្បែក​ងាប់​ចេញ​ដែរ។

៣ ប្រើ​សេរ៉ូម​ជា​ចាំ​បាច់

សេរ៉ូម​ភាគច្រើនគឺ​ជួយប្រឆាំងនឹងភាពចាស់ សម្រាប់អ្នកអាយុរាងជ្រេ។ សូម​ព្យាយាម​ស្វែងរក​សេរ៉ូម​ដែល​សម​នឹង​អាយុ​កុំ​ចេះ​តែ​ប្រើ​តាម​ចិត្ត​ចង់ ​ឬ​ការ​ឃោសសនា។ សេរ៉ូម​ខ្លះ​ផ្ទុក​នូវ​គ្រឿងផ្សំ​ប្រឆាំង​ភាព​ចាស់ ​បង្កើន​កូឡាជែន​ ជួយ​ប្រឆាំង​នឹង​រ៉ាឌីកាល់​សេរី ​ដែល​បណ្ដាល​ឲ្យ​ស្នាម​ជ្រួញ។

៤ ផ្ដល់​ជាតិ​សំណើម​ដល់​ស្បែក​ជានិច្ច

តើអ្នកធ្លាប់កត់សម្គាល់ទេថា នៅពេលអ្នកកាន់តែចាស់ ភាគច្រើននៅលើផ្ទៃមុខយើងតែងមានស្នាម​មុនច្រើន​ នោះគឺដោយសារតែប្រេង​ធម្មជាតិ​លើមុខ​មានតិច។ បើ​ស្បែក​ស្ងួត​ងាយ​នឹង​កើតមុន​ ហើយ​ជា​បុព្វហេតុ​ធំ​នៃស្នាមជ្រីវជ្រួញ។ ដូច្នេះ​មនុស្ស​ស្រី​ដែល​មាន​អាយុ​ច្រើន ​ត្រូវ​រក​ជាតិ​ជាតិ​សំណើម​មកបំពេញលើ​ផ្ទៃមុខ។

៥ ឡេ​ការពារ​កម្ដៅ​ថ្ងៃ​ត្រូវតែលាប​ឲ្យ​បាន​ទៀងទាត់

មនុស្សជាច្រើនមើលរំលងឡេការពារកម្តៅថ្ងៃ ដោយនិយាយថាគ្មាន​សារៈសំខាន់។ ប៉ុន្តែបើអត់ប្រើទេ មុខនឹងឆាប់ចាស់ខ្លាំង លេចស្នាមជ្រួញងាយ។ ជាពិសេសការការពារស្បែករបស់អ្នកពីពន្លឺព្រះអាទិត្យ គឺជាវិធីមួយដើម្បីធ្វើឲ្យស្បែក​មើលទៅក្មេងជាងវ័យ តាមដែលអាចធ្វើទៅបាន។

ពន្លឺព្រះអាទិត្យគឺជាពិរុទ្ធជនដ៏សំខាន់ ក្នុងការធ្វើឲ្យស្បែកកាន់តែយ៉ាប់យ៉ឺន ហើយកាំរស្មីយូវីនឹងបំផ្លាញកូឡាជែននៅក្នុងស្បែក បណ្តាល​ឲ្យ​​ស្បែក​គ្រើម។ ឡេការពារកម្តៅថ្ងៃ មិនត្រឹមតែប្រើនៅពេលយើងទៅ​សមុទ្រ​ប៉ុណ្ណោះ​ទេ​ ប៉ុន្តែ​យើងគួរតែ​ប្រើ​វា​រាល់ថ្ងៃ។

៦ ខ្នើយ​គេង​ក៏​ជា​បញ្ហា

វាជារឿងមួយដែលមិនគួរ​ឲ្យ​ជឿ តែនេះគឺជាការពិត មិនអាចប្រកែកបាន។ យើង​ត្រូវតែ​យល់ថា​ នៅ​ពេលយើងកាន់តែចាស់ ស្បែក​នឹង​កាន់តែផុយស្រួយ ជាងពេលណាៗទាំងអស់។ ការរងរបួសតិចតួច អាចបណ្តាល​ឲ្យខូចខាតដល់ស្បែករបស់យើង។

មាន​ការ​សិក្សា​ជា​ច្រើន បាន​បញ្ជាក់​ថា​ ការ​គេង​ជាមួយ​ខ្នើយ​មិន​ល្អ​ អាច​បណ្ដាល​ឲ្យ​មាន​ភាព​ចាស់​ជា​រៀង​រហូត​ នៅ​ពេល​គេង។ ការ​វិនិយោគ​លើ​ខ្នើយ​គេង​ល្អ​ អាច​កាត់បន្ថយ​ហានិភ័យ​នេះបាន​ ឬ​យ៉ាង​ហោច​ណាស់ ​វា​នឹង​ផ្ដល់​ឲ្យ​យើង​នូវ​ការ​គេង​លក់​ស្រួល​ជាង​មុន៕

ប្រែសម្រួល៖ សាង ស្រីល័ក្ខ

ចុចអាន៖ស្រីៗ​គួរ​ដឹង! អាហារ​ផ្ដល់​ឲ្យ​ស្បែក​ស្រស់ថ្លា​ពី​ខាងក្នុង ​មិនមែន​ពឹង​ផ្អែក​លើ​គ្រឿង​សំអាង​មួយ​មុខ

ចុចអាន៖ស្រីៗ​ពាក់ម៉ាសយូរ មិនចង់ខូចស្បែកមុខ កុំរំលងតិចនិក ៤នេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៥ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម