ជីវិតកម្សាន្ដ
ទម្លាប់ ៤ យ៉ាងជួយតួស្រីរឿង “ល្បិចក្នុងរាជវាំង” រក្សាចង្កេះនៅស្លីម និងមានសម្រស់ក្មេងជាងវ័យ
តារាសម្ដែងស្រី Charmaine Sheh ត្រូវបានគេដឹងថានាងនៅតែមានរាងស្លីម និងទាក់ទាញដូចដែលកាលវ័យ១៨ឆ្នាំ បើទោះបីជាឈានចូល៤៧ឆ្នាំហើយក្ដី។ តារាស្រីប្រចាំប៉ុស្តិ៍ TVB រូបនេះបានរក្សាទម្លាប់នៃការញ៉ាំត្រឹមត្រូវ ទាន់ពេល ញ៉ាំបន្លែច្រើន និងហាត់យូហ្គាជាប្រចាំ ដើម្បីរក្សារាងឲ្យនៅថេរមកទល់សព្វថ្ងៃ។
១ ញ៉ាំអាហារត្រឹមត្រូវ ទាន់ពេល
Charmaine ធ្លាប់បានចែករំលែកថា ការញ៉ាំអាហារត្រឹមត្រូវ ទាន់ពេល គឺជាទម្លាប់ដ៏សាមញ្ញមួយ ប៉ុន្តែមានឥទ្ធិពលយ៉ាងខ្លាំងទៅលើសុខភាព និងរាងកាយ។ នៅពេលដែលរាងកាយផ្ទុកដោយថាមពលគ្រប់គ្រាន់ អ្នកនឹងលែងឃ្លានអាហារឥតប្រយោជន៍ ជាពិសេសអាហារដែលមានជាតិស្ករ និងអំបិលច្រើន ដែលបង្កើនហានិភ័យនៃការលើសទម្ងន់ និងធាត់។
២ ញ៉ាំ oats នៅពេលព្រឹក
តារាសម្ដែងរូបនេះក៏បានបង្ហើបដែរថា ជារៀងរាល់ព្រឹក នាងផឹកទឹកដោះគោសំបុកសត្វមួយពែងលាយនឹង oatsមួយចាន។ សំបុកបក្សីសម្បូរទៅដោយសារធាតុចិញ្ចឹម មិនត្រឹមតែជួយពង្រឹងសុខភាពប៉ុណ្ណោះទេ ប៉ុន្តែថែមទាំងជួយដល់ការសម្រកទម្ងន់យ៉ាងមានប្រសិទ្ធភាពទៀតផង។ សំបុកបក្សីផ្តល់បរិមាណប្រូតេអ៊ីនច្រើន មិនមានផ្ទុកជាតិខ្លាញ់ ជួយបង្កើនចរន្តឈាមក្នុងរាងកាយ ជំរុញការដុតបំផ្លាញជាតិខ្លាញ់ គាំទ្រការសម្រកទម្ងន់ប្រកបដោយប្រសិទ្ធភាព។
៣ ញ៉ាំផ្លែឈើ និងបន្លែឲ្យបានច្រើន
ក្នុងអំឡុងពេលថ្ងៃ Charmaine ញ៉ាំផ្លែឈើ និងបន្លែជាច្រើនដើម្បីផ្តល់វីតាមីន និងសារធាតុរ៉ែ ជួយឲ្យស្បែកស្រស់ស្អាត ហើយក្នុងពេលតែមួយធ្វើឲ្យប្រសើរឡើងនូវការរំលាយអាហារ និងបង្កើនល្បឿនការដុតបំផ្លាញជាតិខ្លាញ់។ ផ្លែឈើដែលស្រីស្អាតវ័យ៤៨ឆ្នាំចូលចិត្តគឺផ្លែស្រកានាគ។ ផ្លែស្រកានាគសម្បូរទៅដោយសារធាតុចិញ្ចឹមដូចជា វីតាមីន C ជាតិដែក ផូស្វ័រ ម៉ាញេស្យូម និងជាតិសរសៃរលាយ ដែលជួយឲ្យឆ្អែតបានយូរ កាត់បន្ថយចំណង់អាហារ ហើយក្នុងពេលតែមួយវាធ្វើឲ្យស្បែកស និងការពារសញ្ញានៃភាពចាស់មុនអាយុផងដែរ។
៤ ធ្វើយូហ្គា
Charmaine បានហាត់យូហ្គាអស់ជាច្រើនឆ្នាំមកហើយ ជាពិសេសចូលចិត្តហាត់យូហ្គាក្តៅ។ ពេលហាត់យូហ្គាក្តៅៗ រាងកាយនឹងបញ្ចេញញើសជាប្រចាំ ពីទីនោះជាតិពុលក្នុងខ្លួនត្រូវបានកម្ចាត់ចេញ ជួយសម្រកទម្ងន់ និងធ្វើឲ្យស្បែកស្រស់ស្អាតយ៉ាងមានប្រសិទ្ធភាព។
តារាសម្ដែង Charmaine Sheh កើតនៅឆ្នាំ ១៩៧៥ គឺជា Dan ចិនឈានមុខគេរបស់ TVB ក្នុងទសវត្សរ៍ឆ្នាំ ២០០០។ ជាង ២០ឆ្នាំនៃការចូលរួមក្នុងឧស្សាហកម្មកម្សាន្តហុងកុង Charmaine ត្រូវបានគេនិយាយថា មិនគ្រាន់តែរក្សាភាពក្មេងជាងវ័យរបស់នាងដូចពេលដែលនាងចាប់ផ្តើមអាជីពប៉ុណ្ណោះទេ ប៉ុន្តែពីមួយថ្ងៃទៅមួយថ្ងៃនាងកាន់តែស្រស់ស្អាតមិនចេះចាស់តាមវ័យ ហើយនៅតែរក្សាភាពទាក់ទាញ និងឥទ្ធិពលរបស់ខ្លួននៅក្នុងឧស្សាហកម្មភាពយន្តនេះមកទល់សព្វថ្ងៃ៕
ប្រែសម្រួល៖ សាង ស្រីល័ក្ខ
ចុចអាន៖Kim Tae Hee ចែករំលែកគន្លឹះនៃសម្រស់សាមញ្ញបំផុត សឹងតែគ្មានអ្នកដឹង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង