KPT+

ជំងឺខ្លាចចង្អៀត កើតញឹកញាប់ចំពោះអ្នកមានបទពិសោធមិនល្អកាលពីក្មេង ត្រូវស្វែងរកការព្យាបាលឱ្យបានឆាប់

បានផុស

៥ years មុន

នៅ

ថ្ងៃសៅរ៍ ៩ តុលា ២០២១

ដោយ

Sonya

ជំងឺខ្លាចកន្លែងចង្អៀត (Claustrophobia) ជាអាការៈភ័យពេលនៅកន្លែងបិទជិត ឬតូចចង្អៀតមិនមានច្រកចេញ។ គេឲ្យឈ្មោះថា “ជំងឺថប់បារម្ភ” ហើយបង្កឡើងដោយកន្លែងតូចចង្អៀត មានដូចជា ជណ្តើរយន្ត បន្ទប់គ្មានបង្អួច ឬសូម្បីតែសម្លៀកបំពាក់តឹងពេកក៏ដោយ។ គេចាត់ទុកថាជាការភ័យខ្លាចមិនសមហេតុផល នាំឱ្យមានការស្លន់ស្លោទៀត។

មានមនុស្សត្រឹម ៥% ទៅ ៧% ប៉ុណ្ណោះលើពិភពលោកដែលកើតជំងឺនេះ ហើយក្នុងនោះមានចំនួនតិចណាស់ដែលបានព្យាបាល ឬធ្វើរោគវិនិច្ឆ័យត្រឹមត្រូវ។

១- រោគសញ្ញាជំងឺខ្លាចកន្លែងចង្អៀត

Asthma Risk Significantly Increases With Posttraumatic Stress Disorder - Psychiatry Advisor

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កើតដោយសារមានការដាក់កម្រិត សម្ពាធ និងការថប់អារម្មណ៍ច្រើន។ អ្នកកើតជំងឺនេះ មកពីការទទួលបទពិសោធប៉ះទង្គិចរន្ធត់ៗកាលពីនៅតូច ដូចជា ត្រូវគេធ្វើបាប ឬចាប់ដាក់កន្លែងតូចចង្អៀត ហើយធ្វើឲ្យអារម្មណ៍ភ័យខ្លាចខ្លាំងមិនបាត់ ទោះមិនបង្កគ្រោះថ្នាក់ក៏ដោយ។

នេះជាសញ្ញាជំងឺខ្លាចកន្លែងតូចចង្អៀត ពេលមានអារម្មណ៍តានតឹងណាមួយ ចាប់ផ្តើមបង្ហាញឡើង៖
– វិលមុខ
– បើកញើស
– ឈឺក្បាលតិចតួច
– ឈឺដើមទ្រូង
– មាត់ឡើងស្ងួត
– សម្ពាធឈាមកើនឡើង
– អាការៈញ័រខ្លួន
– អាការញ័រជង្គង់
– ដួលសន្លប់
– ចង់ក្អួត
– ចង្វាក់បេះដូងលោតលឿន
– វង្វេងវង្វាន់។

ទោះមិនមែនជាកន្លែងដែលមនុស្សត្រូវភ័យខ្លាច ប៉ុន្តែវាធ្វើឱ្យមានអារម្មណ៍ថាស្ទះៗ និងខ្វះអុកស៊ីហ្សែន ធ្វើឲ្យភ័យញាប់ញ័រឡើង។

២- ដំណាក់កាលកើតជំងឺខ្លាចកន្លែងតូចចង្អៀត

Young asian woman working late using laptop on desk in living room at home Free Photo - Nohat - Free for designer

ការសិក្សាភាគច្រើនបង្ហាញថា ការកើតជំងឺខ្លាចកន្លែងតូចចង្អៀត កើតឡើងដោយសារបទពិសោធកាលពីនៅក្មេង មាន៖
– ធ្លាប់លង់ទឹក
– ត្រូវគេឃុំទុកនៅក្នុងទូ ឬកន្លែងតូចចង្អៀត
– ត្រូវគេទុកចោលតែម្នាក់ឯងនៅក្នុងឡាន ឬបន្ទប់ក្រោមដី
– ធ្លាប់វង្វេងឪពុកម្តាយនៅកន្លែងមានមនុស្សអ៊ូអរ
– ត្រូវគេចាក់សោឲ្យនៅក្នុងបន្ទប់ងងឹតចេញមិនបាន។

៣- ការព្យាបាល

យើងត្រូវចំណាយពេលយូរ ដើម្បីគេចឲ្យផុតពីស្ថានភាពទាំងនោះ។ នេះជាគោលការណ៍ណែនាំរបស់អូស្រ្តាលី ពីរបៀបឲ្យចៀសផុតពីអារម្មណ៍ភ័យខ្លាចទាំងនេះ៖
– ចៀសវាងការស្កេន MRI
– ចៀសវាងធ្វើដំណើរបែបប្រញាប់ៗ
– ត្រូវដើរជណ្តើរជើង ជំនួសជណ្តើរយន្ត ប្រអប់
– ពិនិត្យមើលច្រកចេញ និងបើកទ្វារភ្លាមៗ ពេលចូលបន្ទប់
– ចៀសវាងបើកបរច្រើនម៉ោង និងបញ្ហាកកស្ទះចរាចរណ៍
– នៅជិតច្រកចេញ ដើម្បីស្រួលចេញពីកន្លែងមានមនុស្សច្រើន។

ពេលចាប់ផ្តើមព្យាបាលជំងឺនេះ ពេទ្យជំនាញចិត្តសាស្រ្តតែងឲ្យអ្នកជំងឺរៀបរាប់ពីរោគសញ្ញា ដើម្បីដឹងពីស្ថានភាពថាកើតញឹកញាប់ប៉ុនណា ហើយឧស្សាហ៍កើតម៉េចដែរ។

បន្ទាប់ពីធ្វើរោគវិនិច្ឆ័យច្បាស់ហើយ អ្នកជំងឺខ្លាចកន្លែងតូចចង្អៀតនេះ ត្រូវការព្យាបាលដោយចិត្តសាស្ត្រ ព្យាបាលដោយថ្នាំ និងតម្រូវឲ្យហាត់ប្រាណ ឬប្រើថ្នាំធម្មជាតិ៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ ជំងឺផ្លូវចិត្ត ៣ប្រភេទ កើតចំពោះមនុស្សគ្រប់វ័យ និងអាចបន្តរ៉ាំរ៉ៃពេញមួយជីវិត

ចុចអាន៖ ត្រឹម ៩០ នាទី នៅជាមួយធម្មជាតិ ក៏ជួយសុខភាពខួរក្បាលដែរ

Related Topics:ជំងឺផ្លូវចិត្ត