KPT+
មេរៀនជីវិតដ៏សំខាន់ពីផលិតករភាពយន្ត “Squid Game” គ្រប់គ្នាគួររៀនសូត្រ
ខ្សែភាពយន្តភាគកូរ៉េ Squid Game កំពុងផ្ទុះការគាំទ្រស្ទើរពាសពេញពិភពលោក ស្របពេលដែលអ្នកពាក់ព័ន្ធនឹងរឿងនេះរួមមានផលិតករ និងតួសម្ដែងជាដើម ត្រូវបានទស្សនិកជនចាប់អារម្មណ៍គ្រប់ៗគ្នា។
កំលុងចុងខែកញ្ញា និងដើមខែតុលា ឆ្នាំ២០២១ នេះ Squid Game បានឈរលើតារាងកំពូលរបស់ Netflix ដោយមានអ្នកទស្សនាច្រើនជាងគេ ក្នុងចំណោមប្រទេសជាង ៩០ នៅជុំវិញពិភពលោក ដែលកំពុងចាក់ផ្សាយ។
ជាមួយនឹងភាពល្បីល្បាញ និងជោគជ័យយ៉ាងខ្លាំងនេះ លោក Hwang Dong hyuk ដែលជាអ្នកនិពន្ធ ក៏ជាអ្នកដឹកនាំរឿង ធ្លាប់ត្រូវបានគេបដិសេធស្នាដៃរបស់ខ្លួនម្ដងជាពីរដង ទម្រាំក្រុមហ៊ុន Netflix ព្រមសហការផលិតភាពយន្ដ Squid Game ឡើងមក។
តាមប្រភពពី koreaboo លោក Hwang Dong hyuk ចំណាយពេលរហូតដល់ ១៣ឆ្នាំ ទើបអាចបញ្ចប់រឿង Squid Game ទាំងមូលបានយ៉ាងជោគជ័យ។ លោកធ្លាប់សរសេរសំណេរព្រាងទុក តាំងពីឆ្នាំ ២០០៨-២០០៩ អំឡុងពិភពលោកជួបវិបត្តិសេដ្ឋកិច្ចធ្ងន់ធ្ងរ ដែលពេលនោះរួមមានទាំងកូរ៉េខាងត្បូងផងដែរ ដែលរងគ្រោះដោយសារវិបត្តិនេះ។
លោកមានប្រសាសន៍ថា “កាលណោះខ្ញុំសរសេររឿងបណ្តើរ គិតក្នុងចិត្ត ចង់លេងហ្គេមអញ្ចឹងបណ្តើរ។ ខ្ញុំយកអារម្មណ៍ខ្លួនឯងមកសរសេររឿង ព្រោះកាលនោះខ្ញុំជំពាក់បំណុលគេច្រើន ហើយជីវិតខ្ញុំពេលនោះពិបាករស់នៅណាស់។”
លោកបានប្រឹងប្រែងសរសេរស្គ្រីបរហូតចប់សព្វគ្រប់ ប៉ុន្តែក្រោយពីបញ្ចប់ នៅពេលអ្នកនិពន្ធរូបនេះបានយកស្នាដៃរបស់ខ្លួនទៅជួបម្ចាស់ផលិតកម្ម និងវិនិយោគិនជាច្រើននាក់ លោកត្រូវបានគេបដិសេធជាបន្តបន្ទាប់ ដោយពួកគេលើកហេតុផលថា ស្គ្រីបសាច់រឿងហាក់ដូចជាលើសពីការពិតពេក និងមិនសូវប្រាកដនិយម។
ទោះជាគេមិនទទួលយកស្នាដៃទៅផលិតរាប់មិនអស់យ៉ាងណាក៏ដោយ លោក Hwang Dong hyuk នៅតែតស៊ូជម្នះរាល់ឧបសគ្គនានាមិនបោះបង់ រហូតក្រោយមក ក្រុមហ៊ុន Netflix ក៏បានផ្ដល់ឱកាសឱ្យលោកយកសាច់រឿងនេះទៅថត។
រាប់ចាបតាំងពីចាប់ផ្ដើម រហូតរឿង Squid Game ចាក់ផ្សាយលើ Netflix កាលពីពាក់កណ្ដាលខែកញ្ញា ផលិតកររូបនេះចាយពេលសរុបដល់ ១៣ឆ្នាំ ទើបទទួលបានជោគជ័យយ៉ាងត្រចះត្រចង់ដូចបច្ចុប្បន្ន។
ដូច្នេះរាល់ជោគជ័យនីមួយៗ មិនមែនប្រើតែពីរបីខែ ឬមួយឆ្នាំពីរឆ្នាំ ងាយៗនោះទេ វាត្រូវការភាពអត់ធ្មត់ខ្ពស់ បូករួមការប្រឹងប្រែងយ៉ាងខ្លាំងផងដែរ៕
ប្រែសម្រួល៖ សន្យា
ចុចអាន៖ ការពិតគួរឱ្យភ្ញាក់ផ្អើល ពីក្រោយភាពល្បីល្បាញនៃភាពយន្ត “Squid Game”
ចុចអាន៖ នេះតម្លៃខ្លួនតួសំខាន់ទាំង ៣រូប ក្នុងភាពយន្ត “Squid Game”
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត