KPT+

បំណុលវ័ណ្ឌកមិនស្របច្បាប់ កើតឡើងដោយសារតែប៉ុន្មានយ៉ាងនេះឯង!

បានផុស

៧ ខែ មុន

នៅ

ថ្ងៃចន្ទ ២៥ តុលា ២០២១

ដោយ

ពាក្យថាបំណុល អ្នកណាក៏មិនចង់ជួបដែរ ប៉ុន្តែគ្រប់គ្នាមិនអាចចៀសផុតឡើយ ប្រសិនបើយើងត្រូវជួបបញ្ហា បន្ទាន់ណាមួយ ត្រូវតែសម្រេចចិត្តទទួលយកមិនអាចខ្វះបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បើទោះបីជាយើងគ្រប់គ្នាចៀសមិនផុត ត្រូវជួប តែក៏ត្រូវសិក្សាស្វែងយល់ឲ្យបានច្បាស់លាស់សិន មុនសម្រេចចិត្តថាខ្ចីលុយគេ មកជាសម្បត្តិផ្ទាល់ខ្លួន។

ប៉ុន្តែមានអ្នកខ្លះ វីវក់នឹងរបស់ទំនើប ដេញស៊េរីតាមគេឯង រហូតនាំខ្លួនពាក់ព័ន្ធនឹងបំណុលវ័ណ្ឌកមិនស្របច្បាប់មួយចំនួន ដែលទាំងនោះមានដូចជា ៖

១ រត់តោងសម្ភារៈនិយមហួសហេតុ

ជាការពិត សម្ភារៈនិយមអ្នកណាក៏ចង់បានដែរ នៅក្នុងសម័យឌីជីថលនេះ។ ប៉ុន្តែមុនសម្រេចចិត្តបង់រំលោះឬទិញរបស់ទំនើបៗនោះ សួរខ្លួនឯងថា វាបានផលចំណេញអីមកលើយើង ប្រសិនបើយើងទិញហើយ វាជួយអីយើងបានខ្លះ។ កុំបង្កើតទម្លាប់ឃើញដំរីជុះៗតាមដំរី នេះជាភាសាខ្មែរយើងទុកដាស់តឿនដល់អ្នកលង់នឹងភាពហ៊ឺហា រត់តោងរបស់ទាំងនោះ ដោយមិនមើលប្រាក់ចំណូលខ្លួនឯងសព្វថ្ងៃ។

២ ចាយវាយតាមតែចិត្តចង់

មួយនេះក៏មិនធម្មតាពីខាងលើដែរ! ទម្លាប់ទិញអ្វីគ្មានតារាងកត់ឲ្យបានច្បាស់ ដល់ពេលបាត់លុយ មិនដឹងទៅណាខ្លះ។មនុស្សខ្លះឃើញអីចេះតែចង់ទិញ បន្ទាប់មកក៏ទុកចោលអត់ន័យ ទិញដោយសារតែអារម្មណ៍មួយឆាវ ចង់ទិញប៉ុណ្ណឹងឯង!

៣ មិនឲ្យតម្លៃលើលុយរាយតូចៗ

លុយរបស់យើង ១០០ ក្ដី ២០០ ក្ដី សុទ្ធតែមានតម្លៃមិនអាចកាត់ថ្លៃបាន។ សាកគិតលេងៗមើល ប្រសិនបើអ្នកថ្ងៃនេះគ្មានលុយក្នុងកាបូបសោះ តែចៃដន្យអីបានឃើញលុយរាយតិចតួចនៅក្នុងហោប៉ៅ ឬកប់កន្លែងណាដែលយើងមិនដឹង។តើពេលនេះ អ្នកត្រេកអរប៉ុណ្ណា?

៤ និយមចូលចិត្តការល្បួងសេវាកម្មឬគម្រោងនានា

នេះក៏ជាបញ្ហាមួយ ដែលអាចធ្វើឲ្យអ្នកឈានទៅបំណុលវ័ណ្ឌកមិនដឹងខ្លួនដែរ។ វាអាចថាជាចំណុចតូចៗ សឹងមិនចាប់អារម្មណ៍ តែតូចៗអស់នេះ នឹងផ្សំគ្នាបានជាបំណុលរើខ្លួនមិនរួចក៏មាន។ សេវាកម្មឬគម្រោងខ្លះ ណែនាំយើងដូចជាល្បែងមួយដែលឲ្យយើងឈ្នះចាញ់គឺអាស្រ័យលើគេ។ មិនមែនយើងជាអ្នកឈ្នះរហូតនោះទេ។ យូរទៅៗអ្នកនឹងលង់ខ្លួនកាន់តែជ្រៅ ដោយគិតថា អស់លុយតិចចំណេញច្រើន។ តែតាមពិតទៅវាមិនចឹងទាំងអស់ឡើយ។

ប្រសិនបើអ្នកមានចំណុចទាំងប៉ុន្មានខាងលើនេះ ប្រញាប់បញ្ឈប់ភ្លាមៗ បើមិនចង់ឲ្យខ្លួនឯងផុងខ្លួនកាន់តែជ្រៅជាងនេះ៕

អត្ថបទ៖ សាង ស្រីល័ក្ខ

ចុចអាន៖អ្នកជំនាញផ្នែកហិរញ្ញវត្ថុ ៖ ខ្ចីគេមករកផលចំណេញដើម្បីខ្លួនឯង បើខាតឬក្ស័យទុន មិនអាចឲ្យមហាជនចូលរួមទទួលខុសត្រូវ នោះទេ

ចុចអាន៖ចំណុចគួរពិចារកណា មុនសម្រេចចិត្តខ្ចីលុយពីកន្លែងខុសច្បាប់