វិបត្តិ ជួយយើងឱ្យស្គាល់ខ្លួនឯងច្បាស់
Connect with us
Helistar Cambodia - Helicopter Charter Services

KPT+

វិបត្តិ ជួយយើងឱ្យស្គាល់ខ្លួនឯងច្បាស់

បានផុស

នៅ

« វិបតិ្តមិនស្គាល់អត្តសញ្ញាណ» ចិត្តវិទូណែនាំថាភាគច្រើន​កើតលើមនុស្សវ័យជំទង់ ក៏ដូចជាវ័យនានា​ដែលប្រឈម​នឹងវិបត្តិនៃការចចេស​ចង់បានជោគជ័យ​លឿនៗ និងចង់លើសគេលើសឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធម្មតា​មនុស្ស​ភាគច្រើនតែងប្រឈមនឹង​បញ្ហាមិនស្គាល់អត្តសញ្ញាណខ្លួនឯងនេះ​ ឯបុគ្គលិកលក្ខណៈមនុស្ស​ ទើបជា​មធ្យោបាយដោះស្រាយវិបត្តិដដែល ជាជាងថ្នាំណាៗទាំងអស់។

សំណួរអំពីអារម្មណ៍ខ្លួនឯងឬអត្តសញ្ញាណពិត​ច្រើនតែកើតឡើងដោយសារការផ្លាស់ប្តូរធំ ៗ ឬស្ត្រេសក្នុងជីវិត។ រាល់ពេលជីវិតមាន​ការ​ពិបាកខ្លាំង យើងនឹង​ឃើញពិតថាយើង​ជាមនុស្ស​ប្រភេទ​ណា ទាក់ទងនឹងទិដ្ឋភាពតស៊ូជាក់លាក់ លើបញ្ហា ជីវភាព បញ្ហា​ស្នេហា​ទំនាក់ទំនង ឬអាជីព។ ពេលយើងកំពុងប្រឈម​ជួបប្រទះជម្លោះ ឬឧបសគ្គ ដែល​ជារោគសញ្ញានៃវិបត្តិ ។

ខាងក្រោមនេះជាអ្វីដែលវិបត្តិជួយប្រាប់ពីអត្តសញ្ញាណពិតនៃយើងម្នាក់ៗ៖

១ តើការផ្លាស់ប្តូរធំ ៗជះឥទ្ធិពលដល់អារម្មណ៍ ជំនឿ ចំណាប់អារម្មណ៍ឬមានឥទ្ធិពលយ៉ាងណាលើរបៀបដែលយើងមើលមកខ្លួនឯង?
ជារឿងធម្មតាទេ ក្នុងការធ្លាក់ទឹកចិត្ត ឬអស់កម្លាំងកំហែង តែមនុស្ស​ខ្លះបោះបង់ខ្លួនឯង មនុស្ស​ខ្លះដួលហើយក្រោកមកដើរបន្តទាំង​ឈឺទារុណ។ សួរថាយើងជានរណាម្នាក់ក្នុងចំណោម​រូបភាពទាំងទ្វេខាងលើ ប្រសិន​បើយើង​កំណត់មិនបានអំពីខ្លួនឯង ថានឹង​តស៊ូរបៀបណា យើង​អាចនឹងមានវិបត្តិនៃការមិនស្គាល់អត្តសញ្ញាណ។

តើវិបត្តិនេះមាន​ធ្ងន់ធ្ងរទេ?
វិបត្តិប្រភេទណាមួយក៏អាចបណ្តាលឱ្យសុខភាពផ្លូវចិត្តរបស់អ្នកធ្លាក់ចុះផងដែរ ប្រសិន​យើងមិនដឹងរបៀប​ប្រឈមនឹងវា​។ ពេលយើងកំពុងលំបាក ការមើលមកខ្លួនឯងក្នុងរូបភាព​បែបណា គឺសំខាន់ណាស់ បើយើងកុហកគេច្រើន ហើយនៅម្នាក់ឯង​យើងដឹងពីធាតុពិត​នៃខ្លួនឯងថាចោលម្សៀត ក៏ជាប្រភពនៃភាពងាយរងគ្រោះពីការធ្លាក់ទឹកចិត្តពិបាកសើរើ។ ដូច្នេះហើយ តាំងពីដំបូង ចូររស់នៅជារបៀបខ្លួនឯង កុំធៀបជាមួយអ្នកណា​ហួសហេតុ ហើយកុំចង់អស្ចារ្យ​លើសអ្នកណា ព្រោះនេះជាដើមចមនៃវិបត្តិ។

២ ដឹងច្បាស់ថាយើង​រមែង​ចាប់យកសកម្មភាព​បែបណា​រាល់ពេលបរាជ័យ?

អារម្មណ៍ធ្លាក់ទឹកចិត្តឬអារម្មណ៍អស់សង្ឃឹមឬយល់ថា​ខ្លួនឯងគ្មានតម្លៃ? បាត់បង់ចំណាប់អារម្មណ៍លើរឿងដែលធ្លាប់រីករាយ?ងាយអស់កម្លាំង?ឆាប់ខឹង រាលដាល ឌឺដងផ្លែផ្កាឬ ចេះជួយខ្លួនឯងដោយការធ្វើសមាធិនិងគេង?​ចេះសារភាព ចេះអធ្យាស្រ័យ? បុគ្គលិកលក្ខណៈរបស់យើង អាចនាំឱ្យយើងខ្លួនឯង​ដួលឬក្រោក​បាននៅចំពោះមុខឧបសគ្គ។ ឧទាហរណ៍ក្នុងវ័យជំទង់ឬអំឡុងពេលយើងមាន​ វិបត្តិសេដ្ឋកិច្ចនៅវ័យ​កណ្តាលជីវិតអ្នកខ្លះ​បាត់បង់ខ្លួនឯង​ក្លាយជាស្រវេស្រវាលែងដូចមុន ក្លាយជាស្រេកឃ្លាន លោភលន់ និងកុហក ភូតភ ។ វិបត្តិបាត់ឬមិនស្គាល់ អត្តសញ្ញាណអាចកើតឡើងចំពោះមនុស្សគ្រប់វ័យ គ្រប់អាយុទាំងអស់។

ជាញឹកញាប់ទៀតអាចកើតឡើងដោយសារតែកត្តាស្ត្រេសធំៗក្នុងជីវិតដែលធ្វើឱ្យអ្នកខ្លះព្រមបោះបង់ខ្លួនឯងចោល​ភ្លេចថាធ្លាប់ជានរណានិងអ្វីដែលជាតម្លៃនៃខ្លួនឯង។

ស្ត្រេសធំៗក្នុងជីវិត​ដែលអាចចាត់ថាវិបត្តិធំៗ​រួមមានៈ

បង្ខំរៀបការ
លែងលះគ្នាឬបែកគ្នា
ការផ្លាស់ប្តូរកន្លែងរស់នៅដែលយើងមិនធ្លាប់ជាមួយសោះ
ជួបប្រទះព្រឹត្តិការណ៍ដ៏តក់ស្លុត
បាត់បង់មនុស្សជាទីស្រឡាញ់
បាត់បង់ការងារ
បញ្ហាសុខភាពថ្មីស្រឡាង
ភាពតានតឹងទាំងនេះនិងកត្តាស្ត្រេសផ្សេងៗទៀត ពិតជាអាចជះឥទ្ធិពលដល់ជីវិតប្រចាំថ្ងៃនិងរបៀបដែលម្នាក់ៗមើលឃើញខ្លួនឯង។

ការដឹងថា ខ្លួនឯងជានរណា សមត្ថភាពកម្រិតណាក្នុងសង្គម ចរិតបែបណា សមនឹងការងារប្រភេទណា ប្រសើរជាងប្រជែងជាមួយ​អ្នកដែលមិនដូចយើង ហើយជួយឱ្យយើងចេះសម្របខ្លួនទៅនឹងការផ្លាស់ប្តូរ អាចជួយឱ្យមានចិត្ត​ទូលាយ​ទទួលស្គាល់អ្នកដទៃ នឹងជួយខ្លួនឯងឱ្យរីកចម្រើនជាមនុស្សមានប្រយោជន៍ម្នាក់។

នេះគឺជារឿងមួយចំនួនដែលគ្រប់គ្នាអាចធ្វើបានដើម្បីឆ្លងកាត់វិបត្តិបាត់អត្តសញ្ញាណ:


ផ្តើមចំណាយពេលខ្លះដើម្បីមើលខ្លួនឯងហើយសួរខ្លួនឯងនូវសំណួរមួយចំនួនថាហេតុអ្វី​ចូលចិត្តគិតដូច្នេះ មានហេតុផលអ្វី ដើម្បីអ្វី។ យើង​មិនចាំបាច់មានចម្លើយទាំងអស់នោះទេ តែសំណួរបែបនេះជាការដាស់តឿនយើង។ មនុស្ស​ម្នាក់ៗត្រូវដឹងថា តើគុណសម្បត្ដិនិងចរិតអ្វីខ្លះដែលកំណត់ថានោះ​ជាខ្លួនយើង​ដែលយើងមាន​មោទនភាពជាមួយ? តើសមនឹងមានមោទនភាពទេជាមួយទង្វើទៅរុកកួនអ្នកដទៃ? និយាយអាក្រក់ពីគេ?ទាញគេទម្លាក់?

តើអ្វីទៅជាចំណាប់អារម្មណ៍ ជាតណ្ហា និងជាចំណង់ចំណូលចិត្តពិតដែលធ្វើឱ្យយើងមាន​សុភមង្គល ប្រសិនក្តីទុក្ខអ្នកដទៃ ធ្វើឱ្យយើងសប្បាយ​ យើងកំពុងឈឺធ្ងន់ហើយ កុំបណ្តោយខ្លួនឯងធ្លាក់ដល់ថ្នាក់នេះ។រ
តើមានសារៈសំខាន់អ្វីទាក់ទងនឹងគុណតម្លៃក្នុងជីវិតឬអត្តសញ្ញាណរបស់យើង?

មនុស្ស​គ្មាន​គោលដៅ ដូចទូកចែវកណ្តាលទន្លេវិលវល់ចុះឡើង។ ចុងក្រោយមិនទៅដល់ទីណាទាំងអស់ ហើយនេះជាលទ្ធផលនៃទង្វើយើងខ្លួនឯង។

អត្ថបទ៖ Mr Tomorrow

ចុចអាន៖ ទិញអីវ៉ាន់ ទិញដោយ​វិធី​ឆ្លាតវៃទំាងនេះ​ក្នុងរដូវកាលកូវីដ-១៩

ចុចអាន៖ អត្ថាធិប្បាយ៖ ជំងឺ​រាតត្បាតថ្មី ឈ្មោះ «បំណុល»

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

គណៈកម្មការ​ចម្រុះ​ រកឃើញ​ផ្ទៃដី​សរុប​ចំនួន ៤៧០០ ហិតា​ ដែល​ត្រូវ​ឈ្មួញ​កាប់​ទន្ទ្រាន​យក​

ព័ត៌មានជាតិ៣៧ នាទី មុន

លោក ទៀ សីហា អញ្ជើញ​ជា​អធិបតី​ក្នុង​ពិធី​ចែក​វិញ្ញាបនបត្រ​សម្គាល់​ម្ចាស់​អចលនវត្ថុ ជូន​ដល់​បងប្អូន​ប្រជាពលរដ្ឋ​៤​ភូមិ​ក្នុងស្រុក​សូទ្រនិគម

ព័ត៌មានជាតិ៤៨ នាទី មុន

ស្អែក​នេះ សាលាដំបូង​រាជធានី នឹង​បើកសវនាការ​កាត់ទោស​សំណុំរឿង​ប៉ុនប៉ង​ផ្តួលរំលំ​រាជរដ្ឋាភិបាល

ព័ត៌មានជាតិ៦០ នាទី មុន

ស្ថាន​បេសកកម្ម​អចិន្ត្រៃយ៍​កម្ពុជា​ថា ការ​អត្ថាធិប្បាយ​របស់​អ្នកនាំពាក្យ OHCHR មាន​លក្ខណៈ​ន​យោ​​យូ​ប​នី​កម្ម

កីឡា២ ម៉ោង មុន

AFF​ Cup៖​ បើក​ឆាក​ កម្ពុជា​ ចាញ់​​ ម៉ាឡេស៊ី​ ១-៣

Sokha Hotels

ព័ត៌មានពេញនិយម

Helistar Cambodia - Helicopter Charter Services