Connect with us

KPT+

ស្តាប់ច្រើន និយាយតិច​ ជាគុណសម្បត្តិនៃបុគ្គលឆ្លាតវៃ

បានផុស

នៅ

ជាធម្មតាមនុស្សចូលចិត្តនិយាយច្រើន និងចូលចិត្តឲ្យគេស្ដាប់ តែមិនសូវចូលចិត្តស្ដាប់គេនោះទេ។ និយាយបែបនេះមិនមែនឲ្យអ្នកស្ងាត់ស្ងៀមមិនមាត់មិនកដែរ ប៉ុន្តែចង់ឲ្យអ្នក​បានស្វែងយល់ពីគុណវិបត្តិនៃការនិយាយមិនឈប់ ហើយរៀនប្ដូរទម្លាប់ស្ដាប់គេវិញម្ដង។ នេះជាហេតុផលដែលអ្នកត្រូវដឹងនៃគុណសម្បត្តិនៃការនិយាយតិច៖

អ្នកនឹងទទួលបានចំណេះច្រើន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលស្ដាប់ឲ្យបានច្រើន អ្នកនឹងទទួលបានចំណេះដឹងជាងពេលនិយាយ ដោយហេតុថា ចំណេះដឹងរមែងទទួលពីការអានច្រើន និងស្ដាប់ច្រើន  មិនមែននិយាយច្រើននោះឡើយ។ គិតមើល៍! បើរវល់តែនិយាយ មានឯណាស្ដាប់គេស្ដាប់ឯង? មានពេលឯណាសញ្ជឹងគិត និងស្វែងរកចំណេះថ្មី?

អ្នកនឹងមិនស្តាយពេលក្រោយ

និយាយប៉ប៉ាច់ប៉ប៉ោច និយាយចាក់ឆ្កឹះឆ្គាល និយាយគ្មានមូលដ្ឋានច្បាស់ និយាយតាមអារម្មណ៍ សុទ្ធតែមិនមានប្រយោជន៍។ ត្រូវដឹង! បើអ្នកនិយាយហើយ វាអត់អាចលេបវិញបានទេ។ ដូច្នេះពេលខ្លះសម្ដីរបស់អ្នកអាចសម្លាប់ទឹកចិត្តអ្នកដទៃ ឬអាចខូចការ ធ្វើឲ្យអ្នកខ្លួនឯងមានវិប្បដិសារីបាន។

អ្នកអាចចៀសវាពាក្យសម្ដីចង្រៃៗបាន

ការនិយាយដោយមិនគិត មិនមានព័ត៌គ្រប់គ្រាន់ ឬហួសពីការពិត អាចជាហេតុនាំរឿងរ៉ាវមិនល្អកើតមានដោយអចេតនា។ និយាយច្រើនពេកអាចបង្ករជាជម្លោះ ឬហិង្សា និងគំនុំ ដូចពាក្យចាស់ពោលថា “មាត់អត់គម្រប” ដែលចង់សំដៅដៅដល់សម្ដីមិនចេះគិត បង្កជាបញ្ហាដល់ខ្លួនឯង។

អ្នកនឹងទទួលបានការឲ្យតម្លៃ

មនុស្សភាគច្រើនមានបំណងចង់ឲ្យអ្នកដទៃស្តាប់ខ្លួនច្រើនជាង ជាពិសេសក្នុងវេទិកាអ្វីមួយ វាគ្មិនរមែងចង់បានការយកចិត្តទុកដាក់ស្ដាប់ពីអ្នកចូលរួម។ ដូច្នេះតាមរយៈការក្លាយជាអ្នកស្តាប់ល្អ វាប្រសើរជាជាងដណ្ដើមគេនិយាយ ឬកាត់សង្វាក់អ្នកដទៃ។ បើនៅក្នុងកិច្ចពិភាក្សាឬប្រជុំ នៅពេលអ្នកស្ដាប់ច្រើន ហើយនិយាយតិច គេនឹងឲ្យតម្លៃអ្នកខ្ពស់។

អ្នកអាចនឹងទទួលបានព័ត៌មានច្រើន

ជាថ្មីម្ដងទៀត ការនិយាយច្រើន ធ្វើឲ្យអ្នកមិនមានពេលស្ដាប់។ មិនមានពេលស្ដាប់ ធ្វើឲ្យខកកខានព័ត៌មាន ឬមិនយល់គ្នាពេលជជែក។  ការរក្សាភាពស្ងៀមស្ងាត់ស្ដាប់នាំឲ្យ អ្នកអាចទទួលបានព័ត៌មានកាន់តែច្រើនពីមនុស្សដែលអ្នកកំពុងនិយាយជាមួយ៕

ប្រែសម្រួល៖ សន្យា

ចុចអាន៖ រៀនស្គាល់មុខមាត់ពិត មនុស្ស​ប្រភេទមិត្តទ្រុស្តមិត្ត

ចុចអាន៖ ចេះ«ស្តាប់យ៉ាងល្អ» គឺជាជំនាញចាំបាច់ចំពោះតួនាទីគ្រប់គ្រង គ្រប់លំដាប់ថ្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម